Heartwarming News: IAS বিষয়াই পালন কৰিলে পিতৃৰ দায়িত্ব! ভয়ংকৰ ছুনামীৰ সময়ত উদ্ধাৰ কৰা ছোৱালীজনীক দিলে বিয়া
Lifestyle Viral News: আকৌ এবাৰ তামিলনাডুৰ IAS বিষয়া ৰাধাকৃষ্ণনে মানৱতাৰ এক উৎকৃষ্ট নিদৰ্শন ডাঙি ধৰিছে। তেওঁ ২০ বছৰ আগতে হোৱা ছুনামিত উদ্ধাৰ হোৱা এজনী ছোৱালীক কন্যা ৰূপে দিলে বিয়। তেতিয়া তামিলনাডুৰ এই ছুনামিৰ ফলত প্ৰায় ৬ হাজাৰ লোকৰ প্ৰাণহানি হৈছিল।
মন জুৰোৱা এটি খবৰ! তেনে এটা খবৰ ভাইৰেল হৈ পৰিছে ছ’চিয়েল মিডিয়াত!মানৱতাৰ নিদৰ্শন ডাঙি ধৰিছে এজন IAS বিষয়াই। ইয়াৰ বাবে আমি ২০ বছৰ পিছুৱাই যাব লাগিব। ২০০৪ চনৰ ভয়ংকৰ ছুনামিৰ কথা কোনেও কেতিয়াও পাহৰিব নোৱাৰে। এই ছুনামিত তামিলনাডুৰ এটা অঞ্চলত ফলত প্ৰায় ৬ হাজাৰ লোকৰ প্ৰাণহানি হৈছিল।
ভাৰত মহাসাগৰৰ বিধ্বংসী ছুনামিয়ে তামিলনাডুৰ নাগাপট্টিনাম জিলাত বিধ্বংসী ৰূপ ধাৰণ কৰিছিল। এই দুৰ্যোগৰ মাজতে সেই সময়ত নগাপট্টিনামৰ জিলা উপায়ুক্ত ডাঃ জে ৰাধাকৃষ্ণনে ধ্বংসাৱশেষৰ কাষতে কান্দি থকা এজনী কণমানি ছোৱালীক উদ্ধাৰ কৰে। ছোৱালীজনীৰ নাম আছিল মীনা, ইয়াৰ পিছত ছোৱালীজনীক অন্নাই সত্য চৰকাৰী শিশু গৃহত ৰখা হৈছিল। অৱশ্যে ডাঃ ৰাধাকৃষ্ণন আৰু তেওঁৰ পত্নী কৃতিকাই মীনাৰ যত্ন লৈছি আৰু ছোৱালীজনীক কেতিয়াও অকলশৰীয়া অনুভৱ কৰিবলৈ নিদিলে।
মীনাই পঢ়া-শুনা কৰি নাৰ্ছ হৈ পৰিল। এই যাত্ৰাত ডাঃ ৰাধাকৃষ্ণনে সদায় তেওঁৰ লগত থিয় হৈ আছিল। বদলিৰ পিছতো মীনাক পঢ়া-শুনা আৰু ভৱিষ্যত গঢ় দিয়াত সহায় কৰিছিল। যেতিয়া মীনাৰ বিয়াৰ সময় আহিলে তেতিয়া পিতৃৰ দৰে ডাঃ ৰাধাকৃষ্ণনলৈ মনত কৰিলে। এই কথা জানি IAS বিষয়াজনে নগাপট্টিনাম আহি মীনাৰ বিবাহ সম্পন্ন কৰাৰ সিদ্ধান্ত ল’লে।
View this post on Instagram
ডাঃ ৰাধাকৃষ্ণনৰ আৱেগিক পোষ্টটোৱে সকলোৰে হৃদয় জয় কৰিলে
ডাঃ ৰাধাকৃষ্ণনে নিজৰ ইনষ্টাগ্ৰাম পোষ্টত বিয়াৰ ফটো আৰু মীনাৰ শৈশৱৰ কিছু স্মৃতি শ্বেয়াৰ কৰে। তেওঁ লিখিছে, “নগাপট্টিনামত হৃদয়স্পৰ্শী পুনৰ মিলন। মীনা আৰু মণিমাৰণৰ বিয়াৰ অংশ হ’বলৈ পাই আনন্দিত হৈছোঁ। ছুনামিৰ পিছৰ নগাপট্টিনামৰ শিশুসকলৰ সৈতে আমাৰ যাত্ৰা সদায় আশাৰে ভৰা আছিল। তেওঁলোকে আগবঢ়া, পঢ়া, স্নাতক হোৱা আৰু এতিয়া সুন্দৰ জীৱন গঢ়ি তোলা দেখি মোৰ চকুত আনন্দৰ চকুলো বৈ আহিছে।” এই পোষ্টটোৱে মানুহৰ হৃদয় জয় কৰাৰ লগতে হাজাৰ হাজাৰ ব্যৱহাৰকাৰীয়ে তেওঁৰ মানৱতাক প্ৰণাম জনায়।
