পুৱা শুই উঠিয়ে চকু-মুখ ফুলি থকা দেখে নেকি? ইয়াৰ কাৰণ, চিকিৎসা পদ্ধতি জানক…
মুখ ফুলাটোৱে কেতিয়াবা শৰীৰৰ ভিতৰত লুকাই থকা কোনো সমস্যাৰ কথা আঙুলিয়াই দিয়ে। বহুতে ইয়াক টোপনিৰ অভাৱ, গভীৰ নিশা খাদ্য খোৱা বা ভাগৰুৱা হোৱাৰ প্ৰভাৱ বুলি বিবেচনা কৰি আওকাণ কৰে যদিও মুখ বা চকুত বাৰে বাৰে ফুলাটোও কোনো গুৰুতৰ ৰোগৰ লক্ষণ হ’ব পাৰে। ইয়াৰ কাৰণ আৰু চিকিৎসাৰ বিষয়ে জানক।
যদি আপুনি প্ৰায়ে পুৱা সাৰ পোৱাৰ লগে লগে মুখ বা চকুৰ চাৰিওফালে ফুলি থকা দেখা পায়, তেন্তে ইয়াক সহজভাৱে লোৱাটো আপোনাৰ স্বাস্থ্যৰ বাবে বিপদজনক হ’ব পাৰে। বহুতে ইয়াক টোপনিৰ অভাৱ, গভীৰ নিশা খাদ্য খোৱা বা ভাগৰুৱা হোৱাৰ প্ৰভাৱ বুলি বিবেচনা কৰি আওকাণ কৰে যদিও মুখ বা চকুত বাৰে বাৰে ফুলাটোও কোনো গুৰুতৰ ৰোগৰ লক্ষণ হ’ব পাৰে।
মুখ ফুলাটোৱে কেতিয়াবা শৰীৰৰ ভিতৰত লুকাই থকা কোনো সমস্যাৰ কথা আঙুলিয়াই দিয়ে। এলাৰ্জী, থাইৰয়ড বিকাৰ, বৃক্ক বিকল হোৱা বা যকৃতৰ সমস্যাও মুখমণ্ডল ফুলাৰ কাৰণ হ’ব পাৰে। পুৱা মুখ আৰু চকু ফুলাৰ আঁৰৰ কাৰণ কি হ’ব পাৰে আৰু কেতিয়া সজাগ হ’ব লাগে জানো আহক। এই বিষয়ে জনাইছে আৰ এম এল হাস্পতালৰ মেডিচিন বিভাগৰ ডাঃ পুলিন কুমাৰে।
১) বৃক্কৰ কাৰ্যত অসুবিধা- বৃক্কই সঠিকভাৱে কাম নকৰাৰ সময়ত শৰীৰত থকা অতিৰিক্ত তৰল পদাৰ্থ আৰু বিষাক্ত পদাৰ্থ বাহিৰলৈ ওলাই আহিব নোৱাৰে। ইয়াৰ প্ৰভাৱ মুখমণ্ডল আৰু চকুৰ চাৰিওফালে দেখা যায়। ৰাতিপুৱা মুখত ফুলাটো লুকাই থকা বৃক্কৰ ৰোগৰ প্ৰথম লক্ষণ হ’ব পাৰে।
২) থাইৰয়ডৰ সমস্যা (হাইপোথাইৰয়ডিজম)- হাইপোথাইৰয়ডিজম অৰ্থাৎ থাইৰয়ড হৰম’নৰ অভাৱতো মুখমণ্ডল ফুলি উঠিব পাৰে। এই অৱস্থাত বিপাকীয় ক্ৰিয়া লেহেমীয়া হয় আৰু শৰীৰত তৰল পদাৰ্থ জমা হোৱা বৃদ্ধি পায়, যাৰ বাবে ৰাতিপুৱা চকু আৰু মুখখন ফুলি উঠা দেখা যায়।
৪) যকৃতৰ লগত জড়িত সমস্যা- যকৃতে সঠিকভাৱে কাম নকৰাৰ সময়ত প্ৰটিনৰ বিপাকীয় ক্ৰিয়াত ব্যাঘাত জন্মে, যাৰ ফলত শৰীৰত পানী জমা হ’বলৈ আৰম্ভ কৰে। ইয়াৰ প্ৰভাৱ প্ৰথমে মুখ, চকু আৰু ভৰিৰ ওপৰত দেখা যায়।
মুখ / চকু ফুলা কম কৰিবলৈ কি কৰিব?
- শোৱাৰ পূৰ্বে পাতল খাদ্য খাব আৰু বেছি নিমখ নাখাব।
- পৰ্যাপ্ত পৰিমাণৰ পানী খাব লাগে যাতে শৰীৰে বিষমুক্ত হৈ থাকে।
- মুখখন বৰফেৰে মালিচ কৰক।
- পৰ্যাপ্ত পৰিমাণে টোপনি যাওক, দিনত ঘাম ওলোৱালৈকে ব্যায়াম কৰক (শৰীৰ ক্ষমতা অনুসৰি)।
- যদি প্ৰতিদিনে পুৱা ফুলি থাকে, তেন্তে তেজৰ পৰীক্ষা, কিডনী ফাংচন টেষ্ট (KFT), থাইৰয়ড প্ৰফাইল আৰু লিভাৰ ফাংচন টেষ্ট (LFT) কৰাব লাগে।
- চিকিৎসকৰ পৰামৰ্শ লওক আৰু নিজাববীয়াকৈ ঔষধ গ্ৰহণ নকৰিব।
বাৰে বাৰে পুৱা মুখ বা চকুৰ ফুলাটোক আওকাণ কৰিলে পিছত আপোনাৰ বহু টকা খৰচ হ’ব পাৰে। যদি শৰীৰত এনে কিছু পৰিৱৰ্তন দেখা গৈছে, তেন্তে যত্ন ল’ব লাগে। যদি এই সমস্যা দীৰ্ঘদিনলৈ থাকে, তেন্তে ইয়াক আওকাণ নকৰিব আৰু তৎক্ষণাত পৰীক্ষা কৰাব। সময়মতে পৰীক্ষা আৰু চিকিৎসা কৰিলে গুৰুতৰ ৰোগৰ পৰা হাত সাৰিব পাৰি।
লগতে পঢ়ক: কাৰ্ডিয়াক এৰেষ্টৰ প্ৰাৰম্ভিক ৫টা লক্ষণ কি কি? চিকিৎসকৰ পৰা জানক…
