গৰমত ফুৰিবলৈ যাব বিচাৰিছে যদি এই ৫ টা উত্তম স্থান হ’ব পাৰে!

যদি আপুনি জুলাই মাহৰ বন্ধৰ দিনকেইটা বিশেষ আৰু স্মৰণীয় কৰি তুলিব বিচাৰে, তেন্তে অসমৰ ওচৰৰ এই স্থানসমূহ গন্তব্যস্থান হ’ব পাৰে। ইয়াৰ প্ৰাকৃতিক সৌন্দৰ্য, শীতল বতাহ, আৰু স্থানীয় সংস্কৃতিৰ আনন্দই আপোনাৰ ভ্ৰমণক অতি বিশেষ কৰি তুলিব। জীৱনৰ ব্যস্ততাৰ গতিৰ পৰা বিৰতি লৈ উত্তৰ-পূব ভাৰতৰ এক আৰামদায়ক ভ্ৰমণ উপভোগ কৰিব পাৰিব।

উত্তৰ-পূব ভাৰতৰ মনোমোহা দৃশ্যৰ উপৰিও ইয়াৰ চহকী ঐতিহ্যও উপভোগ কৰিব পাৰি। ইয়াৰ উপৰিও ইয়াত স্থানীয় সংস্কৃতিও যথেষ্ঠ সুকিয়া। গতিকে উত্তৰ পূৰ্বাঞ্চলৰ এনে ৫ টা ঠাইৰ বিষয়ে জানক, যিবোৰ গৰমত ভ্ৰমণৰ যোগ্য।

চেৰাপুঞ্জী, মেঘালয়

চেৰাপুঞ্জীত বহু ধুনীয়া প্ৰাকৃতিক পৰিৱেশৰ লগতে জলপ্ৰপাত, পাহাৰ আৰু শিপাৰে নিৰ্মিত জীৱন্ত দলঙৰ বাবে সমগ্ৰ বিশ্বতে বিখ্যাত। ইয়াৰ শীতল জলবায়ু আৰু শান্তিপূৰ্ণ। জুলাই মাহত আৰু অধিক সুন্দৰ হৈ পৰে। মাউছমাই গুহা, নোহকালিকাই জলপ্ৰপাত, আৰু ডাউকীৰ দৰে আকৰ্ষণে প্ৰকৃতি আৰু দুঃসাহসিক ক্ৰীড়া প্ৰেমীৰ বাবে ভাল লগাই তোলে।

দাৰ্জিলিং, পশ্চিম বংগ

পূব হিমালয়ৰ কোলাত অৱস্থিত দাৰ্জিলিঙক ‘পাহাৰৰ ৰাণী’ বুলি কোৱা হয়। ইয়াৰ চাহ বাগিচা, টাইগাৰ হিলৰ পৰা সূৰ্য্য উদয়, আৰু দাৰ্জিলিং হিমালয়ান ৰে’লৱেৰ যাত্ৰাই আপোনাৰ ভ্ৰমণ স্মৰণীয় কৰি তুলিব। জুলাই মাহত ঠাণ্ডা কমে যদিও দৃশ্যবোৰে আকৰ্ষিত কৰি তুলিব।

লুংলেই, মিজোৰাম

লুংলেইৰ অৰ্থ হৈছে ‘শিলৰ দলং’। এইখন মিজোৰামৰ অন্যতম ধুনীয়া ঠাই, য’ত সেউজীয়া অৰণ্য, নিস্তব্ধ পাহাৰ আৰু আচৰিত দৃশ্যই আপোনাক আকৰ্ষণ কৰে। ইয়াৰ প্ৰাকৃতিক ট্ৰেকিং ট্ৰেইল আৰু মিজো সংস্কৃতিৰ আভাসে এই ঠাইখনক বিশেষ কৰি তোলে।

জিৰ’, অৰুণাচল প্ৰদেশ

অৰুণাচল প্ৰদেশৰ জিৰ’ উপত্যকাৰ প্ৰাকৃতিক দৃশ্য, ধাননি পথাৰ আৰু জনজাতিৰ অনন্য সংস্কৃতিৰ বাবে জনাজাত। জানুৱাৰী মাহত ইয়াত থকা ঠাণ্ডা বতৰে উপত্যকাৰ সৌন্দৰ্য আৰু অধিক বৃদ্ধি কৰে। এই ঠাইখন হাইকিং, ফটোগ্ৰাফী আৰু শান্ত পৰিৱেশ উপভোগ কৰাৰ বাবে একেবাৰে উপযুক্ত।

পেলিংগ, ছিকিম

ছিকিমৰ পেলিংগ হিমালয়ৰ পাদদেশত অৱস্থিত এখন ধুনীয়া চহৰ। ইয়াৰ পৰাই কাঞ্চনজংগাৰ বৰফেৰে আবৃত শৃংগবোৰৰ দৃশ্য চাবলগীয়া। পেলিঙৰ ৰাবডেন্টচে ধ্বংসাৱশেষ, পেমায়াংচে মঠ আৰু জলপ্ৰপাতৰ দৰে আকৰ্ষণীয় স্থান আছে। দুঃসাহসিক অভিযানৰ প্ৰতি আকৰ্ষিত লোকসকলে ইয়াত ট্ৰেকিং আৰু চৰাই চোৱাৰ আনন্দ ল’ব পাৰে।