Gyan Bharatam Mission: ক্লাষ্টাৰ চেণ্টাৰ হিচাপে স্বীকৃতি লাভ কৰিলে পতঞ্জলি বিশ্ববিদ্যালয়ে, জ্ঞান ভাৰতম অভিযানৰ বিষয়ে কি ক’লে বাবা ৰামদেৱে ?

হৰিদ্বাৰৰ সাংস্কৃতিক মন্ত্ৰালয়ৰ জ্ঞান ভাৰতম মিছনে আয়োজন কৰা এক অনুষ্ঠানত পতঞ্জলি বিশ্ববিদ্যালয়ে ক্লাষ্টাৰ চেণ্টাৰ হিচাপে স্বীকৃতি লাভ কৰিছে। এই উপলক্ষে পতঞ্জলি বিশ্ববিদ্যালয়ৰ আচাৰ্য যোগ গুৰু স্বামী ৰামদেৱ, উপাচাৰ্য ড০ আচাৰ্য বালকৃষ্ণ আৰু জ্ঞান ভাৰতম মিছনৰ প্ৰকল্প সঞ্চালক ড০ অনিৰ্বান দাস, ড০ শ্ৰীধৰ বাৰীক (সমন্বয়ক, এন এম এম), আৰু বিশ্বৰঞ্জন মালিক (সমন্বয়ক, ডিজিটাইজেচন, এন এম এম)ৰ উপস্থিতিত এখন চুক্তি স্বাক্ষৰিত হয়।

এই সাফল্যৰ বাবে যোগ গুৰু স্বামী ৰামদেৱে প্ৰধানমন্ত্ৰী নৰেন্দ্ৰ মোদী, গৃহমন্ত্ৰী অমিত শ্বাহ, সাংস্কৃতিক মন্ত্ৰী গজেন্দ্ৰ শ্বেখাৱত আৰু জ্ঞান ভাৰতম মিছনৰ সমগ্ৰ দলটোক কৃতজ্ঞতা জ্ঞাপন কৰে। এই অভিযানৰ অধীনত এতিয়ালৈকে ৩৩টা বুজাবুজি চুক্তি স্বাক্ষৰিত হোৱা বুলি ড০ আচাৰ্য বালকৃষ্ণই অৱগত কৰে। পতঞ্জলি বিশ্ববিদ্যালয় হৈছে যোগ শিক্ষাৰ প্ৰথমটো ক্লাষ্টাৰ চেণ্টাৰ। তেওঁ লগতে কয় যে, পতঞ্জলি বিশ্ববিদ্যালয়ে এতিয়ালৈকে ৫০ হাজাৰৰো অধিক প্ৰাচীন গ্ৰন্থ সংৰক্ষণ কৰিছে, ৪২ লাখ পৃষ্ঠা ডিজিটেলাইজ কৰিছে, ৪০খনতকৈও অধিক পাণ্ডুলিপি সম্পাদনা আৰু পুনৰ প্ৰকাশ কৰিছে।

জ্ঞান ভাৰতমৰ ক্লাষ্টাৰ চেণ্টাৰ হিচাপে পতঞ্জলিয়ে এতিয়া ২০টা কেন্দ্ৰক এই অভিযানত যোগ কৰি আৰু ভাৰতীয় সংস্কৃতি সংৰক্ষণৰ বাবে প্ৰশিক্ষণ আৰু উৎসাহিত কৰি এই কাম আৰু অধিক বৃদ্ধি কৰিব।

এই উপলক্ষে জ্ঞান ভাৰতম অভিযানৰ প্ৰকল্প সঞ্চালক ড০ অনিৰ্বান দাসে উল্লেখ কৰে যে, জ্ঞান ভাৰতম অভিযানৰ অন্তৰ্গত ক্লাষ্টাৰ চেণ্টাৰ হিচাপে পতঞ্জলি বিশ্ববিদ্যালয়ে কেৱল যোগ আৰু আয়ুৰ্বেদ আধাৰিত পাণ্ডুলিপিৰ ওপৰত গৱেষণা কৰাই নহয়, এই গৱেষণাক শিক্ষা বিপ্লৱৰ সৈতে একত্ৰিত কৰি দেশ আৰু সমাজলৈ লৈ যাব।

অনুষ্ঠানত উপস্থিত আছিল পতঞ্জলি বিশ্ববিদ্যালয়ৰ মানৱীয় আৰু প্ৰাচীন অধ্যয়ন অনুষদৰ ডীন ড° সাধ্বী দেৱপ্ৰিয়া, ড° অনুৰাগ বৰ্ষণী, ড° সাতপাল, ড° কৰুণা, ড° স্বতী, ড° ৰাজেশ মিশ্ৰ, ড° ৰশ্মী মিত্তল, আৰু পতঞ্জলি গৱেষণা প্ৰতিষ্ঠানৰ সকলো ছাত্ৰ-ছাত্ৰী আৰু বিজ্ঞানী।