শীতকালত পকা অমিতা খাব লাগে নে নালাগে ? বিশেষজ্ঞৰ পৰা জানক

পকা অমিতা প্ৰায় সকলোৰে বাবে উপযোগী এবিধ ফল। ইয়াৰ বহু উপকাৰ আছে। ই হজম শক্তি শক্তিশালী কৰে আৰু ওজন নিয়ন্ত্ৰণতো উপকাৰী। কিন্তু শীতকালত অমিতা খাব লাগেনে? এই ফল বিধ কেতিয়া খালে আটাইতকৈ বেছি উপকাৰ পোৱা যায়? এজন ডায়েটিচিয়ানৰ পৰা অধিক জানোঁ আহক। দিল্লীৰ জিটিবি হাস্পতালৰ প্ৰাক্তন ডায়েটিচিয়ান ডাঃ অনামিকা গৌৰে এই বিষয়ে ব্যাখ্যা কৰিছে।

ডাঃ গৌৰে কৈছে যে, শীতকালত মানুহে গৰম খাদ্যহে বেছি পছন্দ কৰে। গতিকে মানুহে ইয়াক কমকৈ খায়। ই শৰীৰ শীতল কৰে বুলি বিশ্বাস কৰা হয়। হয়, অমিতা ঠাণ্ডা প্ৰকৃতিৰ যদিও ইয়াৰ বহু উপকাৰৰ বাবে যিকোনো ঋতুতে খাব পাৰি, সেয়া শীতকালেই হওক, গ্ৰীষ্মকালেই হওক। অমিতাত থকা পেপেইন এনজাইমে হজম শক্তি উন্নত কৰে, যাৰ ফলত শীতকালত কোষ্ঠকাঠিন্য, এচিডিটি, বদহজমৰ দৰে সমস্যাৰ পৰা সকাহ পোৱা যায়। অমিতাই ওজন নিয়ন্ত্ৰণৰ বাবে উপকাৰী বুলি গণ্য কৰা হয়।

শীতকালত অমিতা খোৱাৰ উপকাৰিতা

ডাঃ অনামিকাই বুজাইছে যে, অমিতা আটাইতকৈ ডাঙৰ উপকাৰ হ’ল ইয়াত বহুতো এনজাইম থাকে যিয়ে হজম শক্তি উন্নত কৰে। শীতকালত শাৰীৰিক ক্ৰিয়া-কলাপ কমি গ’লে কোষ্ঠকাঠিন্য বৃদ্ধি পাব পাৰে। অমিতাই অন্ত্ৰ পৰিষ্কাৰ কৰাত সহায় কৰে। গতিকে শীতকালত খালে কোনো অসুবিধা নহয়। অমিতাত ভিটামিন চি আৰু এন্টিঅক্সিডেন্ট থাকে, যিয়ে চৰ্দি আৰু ফ্লু প্ৰতিৰোধ কৰাত সহায় কৰে।

ওজন নিয়ন্ত্ৰণৰ বাবে উপকাৰী

অমিতাত আঁহৰ পৰিমাণ বেছি। ইয়াত কেলৰি কম থাকে যদিও ই পেট ভৰাই ৰাখে, যাৰ ফলত ভোক কমি যায়। এইদৰে ই ওজন নিয়ন্ত্ৰণত সহায় কৰে যদিও শীতকালত অমিতা অধিক পৰিমাণে সেৱন কৰিব নালাগে। শীতকালত ৰাতিপুৱা খালী পেটত ৫ৰ পৰা ৬ টুকুৰা পকা অমিতা খাব পাৰি। ২০০ গ্ৰামতকৈ বেছি হ’ব নালাগে।

শীতকালত অমিকা খাওঁতে মনত ৰাখিব

ফ্ৰীজৰ পৰা উলিয়াই লোৱাৰ লগে লগে অতি ঠাণ্ডা পকা অমিতা খাব নালাগে। চৰ্দি বা কাহ হ’লে গৰম পানী খোৱাৰ পিছতহে পকা অমিতা খাব লাগে। চৰ্দি বা কাহ তীব্ৰ হ’লে পকা অমিতা খোৱাৰ পৰা বিৰত থাকিব লাগে।