বটলত থকা সুৰা আচল নে নকল? ভেজাল সুৰা সেৱনৰ পৰা হাত সাৰিবলৈ এইদৰে কৰক পৰীক্ষা

আমাৰ বহু মানুহৰ সুৰাপান কৰাৰ অভ্যাস আছে। সুৰপান স্বাস্থ্যৰ পক্ষে হানিকাৰক যদিও অনেকেই সুৰাপান কৰা দেখা যায়। কিন্তু আপুনি যি সুৰা সেৱন কৰে সেয়া বাৰু প্ৰকৃত নে নকল সুৰা, তাৰ বিষয়ে কেতিয়াবা ভাবি চাইছেনে। বটলত থাকিলেই সেই সুৰা যে প্ৰকৃত হ’ব তাৰ কি নিশ্চয়তা আছে? বিভিন্ন সময়ত নকল সুৰা সেৱন কৰি বহু লোক মৃত্যু মুখত পৰাৰ খবৰো পোৱা যায়।

শেহতীয়াকৈ গাজিয়াবাদৰ শাস্ত্ৰী নগৰত এখন অনুজ্ঞাপত্ৰ থকা সুৰাৰ বিপণীত ভেজাল সুৰা বিক্ৰী কৰা এটা ৰেকেট ধৰা পৰিছে। দোকানৰ পিছফালে থকা এটা গোপন কোঠাৰ পৰা জব্দ কৰা হৈছে ভেজাল প্ৰিমিয়াম ব্ৰেণ্ডৰ সুৰা, খালী বটল, আৰু নকল কেপ। দাবী কৰা হৈছে যে বটলবোৰ চণ্ডীগড়ৰ পৰা আৰু কেপবোৰ মীৰাটৰ পৰা আমদানি কৰি গাজিয়াবাদত অবৈধ সুৰা উৎপাদন কৰা হৈছিল। ইয়াৰ পূৰ্বেও একেধৰণৰ ঘটনা ধৰা পৰিছিল।

এতিয়া প্ৰশ্ন হয় আপুনি কিনা বটলটোত প্ৰকৃত সুৰা আছে নে নকল সুৰা কেনেকৈ নিৰ্ণয় কৰিব পাৰি জানক-

প্ৰিমিয়াম বটলত থকা সুৰা প্ৰকৃত নে নকল কেনেকৈ জানিব?

কিনি অনা সুৰাৰ বটলত প্ৰকৃত সুৰা আছে নে নকল সুৰা আছে নে নাই সেইটো নিৰ্ণয় কৰিবলৈ কেইবাটাও উপায় আছে।

দৃশ্যমান তথ্য আৰু পেকেজিং

• লেবেল/প্ৰিণ্টৰ মান: প্ৰামাণিক সুৰাৰ বৈশিষ্ট্য হৈছে টেক্স ষ্টাম্প, বাৰক’ড/কিউআৰ, স্পষ্ট প্ৰিন্ট, সঠিক ৰং আৰু কোনো বানান ভুল নহয়। যদি প্ৰিন্টটো অস্পষ্ট হয়, ব্ৰেণ্ডৰ নামটোৰ বানান ভুল হয়, বা ষ্টীকাৰটো অস্পষ্ট হয়, তেন্তে ই নকল হোৱাৰ সম্ভাৱনাই বেছি।
• কেপ/ছীল: ফেক্টৰীত ছীল কৰা কেপ এটা প্ৰকৃত সুৰাৰ বটলত ভালদৰে ফিট হয়। যদি ই ঢিলা হয় বা বেলেগ টেক্সচাৰ থাকে তেন্তে ই নকল হ’ব পাৰে।
• বটলৰ কাঁচ আৰু তলৰ চিহ্ন: ব্ৰেণ্ডেড সুৰাৰ বটলত প্ৰায়ে ব্ৰেণ্ডৰ চিন, ছাঁচ নম্বৰ বা স্থায়ী প্ৰিন্ট থাকে। কিন্তু সস্তীয়া বটলৰ কাঁচৰ টেক্সচাৰ আৰু আকাৰৰ তাৰতম্য থাকিব পাৰে।
• লট/বেচ নম্বৰ আৰু ম্যাদ উকলি যোৱাৰ তাৰিখ: বটলত লট/বেচ নম্বৰ আৰু ম্যাদ উকলি যোৱাৰ তাৰিখ স্পষ্টকৈ উল্লেখ থাকে। যদি QR ক’ড আছে তেন্তে সেইটো স্কেন কৰি ব্ৰেণ্ডৰ ৱেবছাইটৰ সৈতে মিলাওক।

ৰং আৰু স্বচ্ছতা পৰীক্ষা কৰক

• ৰং-স্বচ্ছতা: ৱাইনত কোনো ফেন, কণা দেখা পালে সজাগ হওক। ৰঙৰ যিকোনো পৰিৱৰ্তন নকল সুৰাৰ চিন হ’ব পাৰে।
• বুদবুদ: বিশেষজ্ঞসকলে কয় যে বটলটো জোকাৰি দিব লাগে। যদি বায়ুৰ বুদবুদ লাহে লাহে তললৈ নামি আহিছে তেন্তে এয়া নকল সুৰাৰ লক্ষণ।

ষ্টীকাৰ নোহোৱাকৈ সুৰা কিনিব নালাগে

দিল্লী চৰকাৰৰ আবকাৰী বিভাগৰ ৱেবছাইটৰ জৰিয়তেও ভুৱা আৰু প্ৰকৃত সুৰা চিনাক্ত কৰিব পাৰি। দিল্লীত বিক্ৰী হোৱা সকলো সুৰাৰ বটলৰ কেপত QR/serial number ষ্টীকাৰ থাকে। এই ষ্টীকাৰে সাফৰ আৰু বটলৰ মাজত ছিলটো সুৰক্ষিত কৰি ৰাখে। গতিকে এই ষ্টীকাৰত থকা ক্ৰমিক নম্বৰটো সুৰাৰ সত্যতা আৰু উৎস পৰীক্ষাৰ বাবে অতি গুৰুত্বপূৰ্ণ। দিল্লীত এই ষ্টীকাৰ নথকা কোনো সুৰাৰ বটল কিনিব নালাগে।

আবকাৰী বিভাগৰ ৱেবছাইটত চাওক

দিল্লী চৰকাৰৰ আবকাৰী বিভাগৰ ৱেবছাইট https://delhiexcise.gov.in/Portal/liquorsalecheck লৈ গৈ ষ্টীকাৰত থকা সম্পূৰ্ণ ছিৰিয়েল নম্বৰ দিব। ই ২৮ টা সংখ্যাতকৈ কম হ’ব লাগিব। লগতে ষ্টীকাৰত কোনো বিশেষ আখৰ বা ব্ৰেকেট লিখিব নালাগে। ক্ৰমিক নম্বৰটো সঠিকভাৱে প্ৰৱেশ কৰাৰ পিছত Submit বিকল্পত ক্লিক কৰক। ৱেবছাইটত ষ্টেটাছ প্ৰদৰ্শিত হ’ব। যদি ই প্ৰকৃত হয় তেন্তে ইয়াত কেইবাটাও তথ্য উপলব্ধ হ’ব। যেনে ব্ৰেণ্ডৰ নাম, মূল্য, পৰিমাণ। নকল সুৰাৰ ক্ষেত্ৰত এনে নহয়।

এপৰ সহায়ত পৰীক্ষা কৰিব পাৰি নেকি?

সুৰাৰ গুণাগুণ পৰীক্ষা কৰিবলৈ এটা এপো আছে। এণ্ড্ৰইড ব্যৱহাৰকাৰীয়ে mLiquorSaleCheck নামৰ এপটো ব্যৱহাৰ কৰি ক্ৰয় কৰা সুৰা আচল নে নকল সেয়া নিৰ্ণয় কৰিব পাৰে। ক্ৰমিক নম্বৰটো টাইপ কৰাৰ প্ৰয়োজন নাই; আপুনি কেৱল এপটোৰ বাৰক’ড স্কেনাৰ ব্যৱহাৰ কৰি পৰীক্ষা কৰিব পাৰে। ইয়াৰ উপৰিও ছিৰিয়েল নম্বৰৰ বিকল্পও উপলব্ধ। ইয়াক পৰীক্ষণৰ বাবেও ব্যৱহাৰ কৰিব পাৰি।

সুৰাপান স্বাস্থ্যৰ পক্ষে হানিকাৰক। এই প্ৰতিবেদন কেৱল তথ্যৰ বাবেহে, সুৰাপানৰ বাবে TV9- অসমে কোনো ধৰণে উদগনি নোযোগায়।