কিছুমান লোকৰ জেনেটিক কাৰণত কিডনী ষ্টোন হয় নেকি ? সাৱধান হওক গৱেষণাত চাঞ্চল্যকৰ তথ্য প্ৰকাশ…

বৃক্ক আমাৰ শৰীৰৰ অতি প্ৰয়োজনীয় অংগ। তেজ ফিল্টাৰ কৰি বিষাক্ত পদাৰ্থ আৰু অতিৰিক্ত পানী শৰীৰৰ পৰা আঁতৰাই পেলোৱাৰ কাম কৰে বৃক্কই। এই প্ৰক্ৰিয়াত প্ৰস্ৰাৱ উৎপন্ন হয়। বৃক্কই শৰীৰৰ খনিজ পদাৰ্থ আৰু তৰল পদাৰ্থৰ ভাৰসাম্য ৰক্ষা কৰি সুস্থ কাম-কাজ বজাই ৰাখে। কিন্তু যেতিয়া প্ৰস্ৰাৱত অত্যধিক পৰিমাণৰ কেলচিয়াম, অক্সালেট বা ইউৰিক এচিড জমা হয় তেতিয়া ই স্ফটিকীয় হৈ ক্ৰমান্বয়ে বৃক্কত পাথৰ সৃষ্টি কৰে। এই পাথৰবোৰ আকাৰত সৰু হ’ব পাৰে, কিন্তু কেতিয়াবা ডাঙৰ হৈ বৃক্ক বা প্ৰস্ৰাৱৰ পথ বন্ধ হৈ যাব পাৰে। পানীৰ অভাৱ, অত্যধিক নিমখ বা প্ৰটিন সেৱন, জীৱনশৈলীৰ বিকাৰ, জিনীয় কাৰকে বৃক্কত পাথৰ গঠন হোৱাৰ সম্ভাৱনা বৃদ্ধি কৰে।

বৃক্কৰ পাথৰ প্ৰথম অৱস্থাত সৰু হয়। যদি পাথৰ ডাঙৰ হয়, তেন্তে ইয়াৰ ফলত গুৰুতৰ ক্ষতি হ’ব পাৰে। প্ৰথমে প্ৰস্ৰাৱ নলী বন্ধ হ’ব পাৰে, যাৰ ফলত তীব্ৰ বিষ আৰু জ্বলা-পোৰা হয়। কেতিয়াবা, প্ৰস্ৰাৱত তেজ ওলায়। যদি কোনো পাথৰ বৃক্ক বা মূত্ৰনলীত দীৰ্ঘদিন ধৰি আবদ্ধ হৈ থাকে তেন্তে ই প্ৰস্ৰাৱ বন্ধ কৰি প্ৰস্ৰাৱৰ সংক্ৰমণ (UTI) হোৱাৰ সম্ভাৱনা বৃদ্ধি কৰিব পাৰে। স্থায়ী বিষ আৰু বাধাই ক্ৰমান্বয়ে বৃক্কৰ কাৰ্যক্ষমতা হ্ৰাস কৰিব পাৰে। ডাঙৰ পাথৰে বৃক্কৰ স্থায়ী ক্ষতি কৰিব পাৰে, ডায়েলাইছিছ বা আনকি অস্ত্ৰোপচাৰৰ প্ৰয়োজন হয়। তদুপৰি বৃক্কত দীৰ্ঘদিন ধৰি চাপ থাকিলে উচ্চ ৰক্তচাপ আৰু হৃদযন্ত্ৰৰ লগত জড়িত অন্যান্য সমস্যাৰ সৃষ্টি হ’ব পাৰে। গতিকে বৃক্কৰ পাথৰ সহজভাৱে ল’ব পাৰে।

২০ৰ পৰা ৩০ শতাংশ মানুহৰ কিডনী ষ্টোনৰ সমস্যাৰ মূল কাৰণ জিনীয়

বৃক্কৰ পাথৰ কেৱল খাদ্যাভ্যাসৰ বাবেই নহয়; ইয়াৰ উপৰিও প্ৰায়ে জিনীয়ভাৱে এই সমস্যা হোৱা দেখা যায়। নেচনেল লাইব্ৰেৰী অৱ মেডিচিনৰ মতে, বৃক্কৰ পাথৰ হোৱাৰ সমস্যা মূল কাৰণ হৈছে জিনীয়। প্ৰায় ২০ৰ পৰা ৩০ শতাংশ লোকৰ ক্ষেত্ৰত এই কাৰণটো দেখা যায়। অৰ্থাৎ পিতৃ-মাতৃ বা ঘনিষ্ঠ আত্মীয়ৰ যদি কিডনীত পাথৰ হৈছে তেন্তে পৰৱৰ্তী প্ৰজন্মৰ বাবে ইয়াৰ আশংকা বৃদ্ধি পায়।

নেফ্ৰ’লজী বিভাগৰ ডাঃ হিমাংশু ভাৰ্মাই কয় যে, ইয়াৰ মূল কাৰণ হ’ল শৰীৰৰ বিপাকীয় প্ৰক্ৰিয়া। কিছুমান মানুহৰ শৰীৰত স্বাভাৱিকতে কেলচিয়াম, ইউৰিক এচিড বা অক্সালেটৰ মাত্ৰা অধিক থাকে। ইয়াৰ ফলত স্বাভাৱিক খাদ্য গ্ৰহণ কৰিলেও কিডনীত পাথৰ সৃষ্টি হোৱাৰ সম্ভাৱনা বেছি। তদুপৰি যিবোৰ পৰিয়ালত পাথৰ গঠন সাধাৰণ, সেইবোৰ পৰিয়ালত জিনীয় কাৰকে মূল ভূমিকা পালন কৰে বুলি বিশ্বাস কৰা হয়। জীৱনশৈলীৰ দুৰ্বল অভ্যাসেও সমস্যাটো আৰু বেছি ভয়াৱহ কৰি তুলিব পাৰে, যেনে- পানীৰ অভাৱ, নিমখ আৰু প্ৰ’টিন বেছিকৈ সেৱন কৰা বা সঘনাই প্ৰস্ৰাৱৰ সংক্ৰমণ (UTI) হোৱা। এই কাৰণেই পৰিয়ালৰ কাৰোবাৰ যদি বৃক্কত পাথৰ হৈছে, তেন্তে আৰম্ভণিৰে পৰা সজাগ হৈ থাকিব লাগে আৰু নিয়মীয়াকৈ পৰীক্ষা কৰাব লাগে।

কেনেকৈ প্ৰতিৰোধ কৰিব পাৰি?

দিনটোৰ ভিতৰত প্ৰচুৰ পৰিমাণে পানী খাব লাগে।

নিমখ আৰু প্ৰটিনৰ পৰিমাণ নিয়ন্ত্ৰণ কৰক।

অক্সালেট সমৃদ্ধ খাদ্য সীমিত কৰক।

খাদ্যত সতেজ শাক-পাচলি আৰু ফল-মূল অন্তৰ্ভুক্ত কৰক।

মদ আৰু ফাষ্ট ফুডৰ পৰা আঁতৰি থাকক।

বিশেষকৈ যদি পৰিয়ালত বৃক্কত পাথৰ হোৱাৰ সমস্যা আছে তেন্তে নিয়মীয়াকৈ স্বাস্থ্য পৰীক্ষা কৰক।