খালী পেটত মিঠা বস্তু খাব পাৰি নে নোৱাৰি? চিকিৎসকৰ পৰা জানক…

পুৱা বিচনাৰ পৰা উঠিয়ে মিঠা বস্তু খোৱাৰ অভ্যাস বহু লোকৰে ৰুটিনৰ এটা অংশ। সেয়া চাহৰ সৈতে বিস্কুট হওক, মিঠাই হওক বা ব্ৰেড-জামে হওক। কিন্তু সঁচাকৈয়ে খালী পেটত মিঠাই খোৱাটো নিৰাপদ নে? এইটো এটা সাধাৰণ অভ্যাস নে স্বাস্থ্যৰ বাবে ক্ষতিকাৰক বুলি প্ৰমাণিত হ’ব পাৰে? শেহতীয়া এই বিষয়ে গৱেষণা আৰু চিকিৎসা বিশেষজ্ঞসকলে দিয়া মতামতে আচৰিত কৰিব আপোনাকো।

খালী পেটত যেতিয়া মিঠাই (গ্লুক’জ বা ফ্ৰুক্ট’জ) খোৱা হয় তেতিয়া হঠাতে তেজৰ চুগাৰৰ পৰিমাণ দ্ৰুতগতিত বৃদ্ধি পায়। ইয়াৰ ফলত শৰীৰত বৃহৎ পৰিমাণৰ ইনচুলিন হৰম’ন নিৰ্গত হয়। আমেৰিকান জাৰ্নেল অৱ ক্লিনিকেল নিউট্ৰিচনত প্ৰকাশিত এক গৱেষণাৰ মতে পুৱা খালী পেটত মিঠাই খালে ইনচুলিন ৰেজিষ্টেন্সৰ সম্ভাৱনা বৃদ্ধি পায় যিয়ে টাইপ ২ ডায়েবেটিছ আৰু মেদবহুলতাৰ দৰে ৰোগৰ সৃষ্টি কৰিব পাৰে। এই অভ্যাস দীৰ্ঘদিন ধৰি থাকিলে বিপাকীয় স্বাস্থ্যত বেয়া প্ৰভাৱ পৰিব পাৰে।

শক্তি হ্ৰাস আৰু মুডৰ ওপৰত প্ৰভাৱ

আৰ এম এল হাস্পতালৰ চিকিৎসা বিভাগৰ ডাঃ সুভাষ গিৰীয়ে কয় যে পুৱা খালী পেটত মিঠাই খালে কিছু সময়ৰ বাবে তাৎক্ষণিক শক্তি আৰু ভাল অনুভৱ হ’ব পাৰে, কিন্তু কিছু সময়ৰ পিছত যেতিয়া তেজৰ চুগাৰৰ পৰিমাণ কমি যায় তেতিয়া ক্লান্তি, খিংখিঙীয়া আৰু কম শক্তিৰ দৰে সমস্যা অনুভৱ কৰিব পাৰি। ইয়াক চুগাৰ ক্ৰেচ বোলা হয়। ইয়াৰ ফলত দিনটোৰ কাৰ্যক্ষমতাতো প্ৰভাৱ পৰে। কিছুমান বিশেষজ্ঞই ইয়াক ৰিএক্টিভ হাইপ’গ্লাইচেমিয়া বুলি কয়, য’ত প্ৰথমে তেজৰ চুগাৰৰ বৃদ্ধি পায় আৰু তাৰ পিছত অতি দ্ৰুতগতিত কমি যায়।

পেট আৰু হজম শক্তিৰ ওপৰত প্ৰভাৱ

মিঠাইত থকা প্ৰচেছড চেনি খালী পেটত খালে গেছ, এচিডিটি আৰু বদহজম হ’ব পাৰে। খালী পেটত মিঠাই খালে পেটত থকা ভাল বেক্টেৰিয়াৰ ভাৰসাম্য বিঘ্নিত হ’ব পাৰে। ইয়াৰ ফলত শৰীৰত ফুলা, পেট ফুলাৰ দৰে সমস্যা হ’ব পাৰে। ৰাতিপুৱাৰ সময় পাচনতন্ত্ৰৰ বাবে অতি সংবেদনশীল, গতিকে এই সময়ত প্ৰচেছড বা ৰিফাইন চেনি পৰিহাৰ কৰাটো ভাল।

গৱেষণাই কি কয়?

বহু গৱেষণাৰ পৰা দেখা গৈছে যে খালী পেটত মিঠাই খালে ঘ্ৰেলিন নামৰ ভোক প্ৰৰোচক হৰম’ন সক্ৰিয় হৈ পৰে, যাৰ ফলত গোটেই দিনটো বাৰে বাৰে ভোক অনুভৱ কৰিব পাৰে আৰু আপুনি অতিমাত্ৰা খাদ্য গ্ৰহণ কৰিব পাৰে। ইয়াৰ উপৰিও হাৰ্ভাৰ্ড স্কুল অৱ পাব্লিক হেল্থৰ তথ্য অনুসৰি স্বাস্থ্যসন্মত আৰু উচ্চ আঁহযুক্ত খাদ্যৰে দিনটো আৰম্ভ কৰা লোকসকলৰ তেজত চেনি আৰু কলেষ্টেৰলৰ মাত্ৰা অধিক নিয়ন্ত্ৰণত থাকে।

সঠিক সময় কেতিয়া?

যদি আপুনি মিঠাই খাবলৈ মন যায় তেন্তে পুৱা বা দুপৰীয়া মূল ব্ৰেকফাষ্টৰ পিছত খালে ভাল, যেতিয়া পাচনতন্ত্ৰ সক্ৰিয় হৈ থাকে আৰু শৰীৰে শক্তি ভালদৰে প্ৰক্ৰিয়াকৰণ কৰিব পাৰে। আপুনি কল, আপেল বা খেজুৰৰ দৰে ফল খাব পাৰে, যিবোৰ প্ৰাকৃতিক চেনিৰ লগতে আঁহো যোগান ধৰে। ইয়াৰ ফলত তেজত চেনি লাহে লাহে বৃদ্ধি পায় আৰু ইয়াক সুস্থিৰ কৰি ৰাখে।