শৰীৰৰ এই অংগসমূহত বছৰ বছৰ ধৰি থাকিব পাৰে মাৰবাৰ্গ ভাইৰাছ, WHO-এ জাৰি কৰিলে সতৰ্কবাণী

মাৰবাৰ্গ ভাইৰাছ বা তেজ ওলোৱা চকুৰ ভাইৰাছ সম্পৰ্কে বিপদ ক্ৰমাগতভাৱে বৃদ্ধি পাইছে। আফ্ৰিকাৰ আন বহু অঞ্চললৈও ইয়াৰ বিয়পি পৰাৰ সম্ভাৱনা আছে। বিশ্ব স্বাস্থ্য সংস্থাই এই ভাইৰাছ সন্দৰ্ভত নতুন তথ্য দিছে। এই ভাইৰাছবিধৰ পৰা সুস্থ হৈ উঠাৰ পাছতো যৌনাংগকে ধৰি শৰীৰৰ বহু অংশত এই ভাইৰাছ থাকিব পাৰে বুলি WHOই জনাইছে। ভাইৰাছৰ পৰা সুস্থ হৈ উঠা লোকসকলে বিশেষ সাৱধানতা অৱলম্বন কৰাটো জৰুৰী৷

এই ভাইৰাছ সংক্ৰমিত ব্যক্তিৰ সৈতে শাৰীৰিক সংস্পৰ্শৰ জৰিয়তেও বিয়পি পৰে বুলিও বিশ্ব স্বাস্থ্য সংস্থাই প্ৰকাশ কৰিছে। WHO য়ে কৈছে যে, পুৰুষ বা মহিলা ৰোগীৰ তেজত মাৰবাৰ্গ ভাইৰাছ নিগেটিভ পোৱা যায়, তথাপিও তেওঁলোকে নিজৰ যত্ন লোৱা উচিত। সুস্থ হোৱাৰ সময়ত আৰু তাৰ পিছত স্বাস্থ্যৰ যত্ন লোৱাটো গুৰুত্বপূৰ্ণ।

মাৰবাৰ্গ ভাইৰাছ বছৰ বছৰ ধৰি শৰীৰৰ এই অংগবোৰত থাকিব পাৰে

এই ভাইৰাছবিধৰ পৰা সুস্থ হৈ উঠা একাংশ লোকৰ শৰীৰত বছৰ বছৰ ধৰি এই ভাইৰাছ থাকিব পাৰে বুলি WHOই প্ৰকাশ কৰিছে। এই ভাইৰাছে পুৰুষৰ অণ্ডকোষ আৰু চকুৰ ভিতৰৰ ভাগত এই ভাইৰাছ থাকিব পাৰে। যদিও মাৰবাৰ্গ ভাইৰাছৰ ওপৰত বিশেষ তথ্য পোৱা যোৱা নাই, অন্যান্য ফাইল’ভাইৰাছৰ তথ্য অনুসৰি গৰ্ভৱতী অৱস্থাত সংক্ৰমিত মহিলাৰ প্লেচেন্টা, এম্নিয়টিক তৰল পদাৰ্থ আৰু স্তনপান কৰোৱাৰ সময়ত সংক্ৰমিত মহিলাৰ শিশুলৈও এই ভাইৰাছ সংক্ৰমিত হ’ব পাৰে।

ই ভাইৰাছৰ পৰা এজন ব্যক্তি সুস্থ হোৱাৰ সাত সপ্তাহৰ পাছতো এই ভাইৰাছ বীৰ্যৰ যোগেদি এজনৰ পৰা আন এজনলৈ বিয়পিব পাৰে বুলি WHO য়ে কৈছে। যৌনাংগ সক্ৰিয় লোকে বিশেষ সাৱধানতা অৱলম্বন কৰাটো জৰুৰী।

WHO-ৰ নিৰ্দেশনা

পুৰুষে সাৱধানতা অৱলম্বন কৰে

মাৰবাৰ্গত আক্ৰান্ত হোৱাৰ পিছতো স্বাস্থ্যৰ যত্ন লওক

চিকিৎসকে সুস্থ ৰোগী আৰু তেওঁলোকৰ সংগীসকলক সম্ভাৱ্য বিপদৰ বিষয়ে অৱগত কৰিব লাগে

নিৰাপদ যৌন সম্পৰ্ক স্থাপন কৰক আৰু ক’ণ্ডম ব্যৱহাৰ কৰক