Diabetes: নিয়ন্ত্ৰণত থাকিব চুগাৰৰ মাত্ৰা! ডায়েবেটিছৰ বাবে উপকাৰী এই ৬ বিধ ফল…

পকা, সতেজ ফল খোৱাৰ ফলত প্ৰচেছড, চেনি সমৃদ্ধ খাদ্য যেনে কেক আৰু পেষ্ট্ৰিৰ দৰে প্ৰভাৱ শৰীৰত নহয়। ফলত আঁহ আৰু পানীৰ সুৰক্ষামূলক স্তৰ থাকে আৰু ইয়াত পলিফিনল এন্টিঅক্সিডেন্ট, ভিটামিন, খনিজ পদাৰ্থ প্ৰচুৰ পৰিমাণে থাকে।

Frontiers in Endocrinology ত প্ৰকাশিত এক পৰ্যালোচনাত দেখা গৈছে যে, ডায়েবেটিছ ৰোগীয়ে গোটা, সতেজ ফল খালে তেজৰ গ্লুক’জ যথেষ্ট হ্ৰাস পায়। কিন্তু ফল নিৰ্বাচনৰ ক্ষেত্ৰত মনলৈ বিভ্ৰান্তি আহে , কোনবোৰ নিৰাপদ আৰু কোনবোৰ নহয়। এনে ৬টা ফলৰ বিষয়ে জানো আহক যিবোৰৰ গ্লাইচেমিক সূচকাংক প্ৰাকৃতিকভাৱে কম।

ফলৰ নিৰাপদ মাত্ৰা কিমান?

নিউট্ৰিচন ৰিভিউছত প্ৰকাশিত অধ্যয়নত দেখা গৈছে যে, ডায়েবেটিছ ৰোগীয়ে ফল-মূল খোৱা লোকৰ হৃদৰোগৰ সম্ভাৱনা কম। ইয়াৰ পিছতো ডায়েবেটিছ ৰোগীয়ে সীমিত পৰিমাণৰ ফল-মূল খাবলৈ পৰামৰ্শ দিয়া হয়। বিশেষজ্ঞসকলে পৰামৰ্শ দিয়ে যে একেলগে অধিক পৰিমাণৰ ফল খোৱাৰ পৰিৱৰ্তে দিনটোৰ ভিতৰত তিনিটা ভাগত ভাগ কৰিব লাগে।

আপেল

ইয়াৰ গ্লাইচেমিক সূচকাংক কম হোৱাই নহয়, ইয়াত ভিটামিন চি, দ্ৰৱণীয় আঁহ, এন্টিঅক্সিডেন্ট আদিও প্ৰচুৰ পৰিমাণে থাকে।

নাচপতি

এই ফলত ৮৪% পৰ্যন্ত পানী থাকে। ইয়াৰ উপৰিও ইয়াত প্ৰচুৰ পৰিমাণে আঁহ আৰু ভিটামিন থাকে, যিয়ে তেজৰ চেনিৰ মাত্ৰা নিয়ন্ত্ৰণ কৰাত সহায় কৰে। গ্লাইচেমিক ইনডেক্স কম হোৱাৰ লগতে শৰীৰত ইনচুলিনৰ সংবেদনশীলতা বৃদ্ধি কৰে।

এভোকেডো

স্বাস্থ্যকৰ চৰ্বি আৰু পটাছিয়ামযুক্ত এভোকেডো ডায়েবেটিছ ৰোগীৰ বাবে অতি উপকাৰী বুলি গণ্য কৰা হয়। ই ট্ৰাইগ্লিচাৰাইড আৰু বেয়া কলেষ্টেৰলৰ মাত্ৰা হ্ৰাস কৰে। ইয়াৰ গ্লাইচেমিক সূচকাংক কম আৰু ডায়েবেটিছ ৰোগীৰ বাবে নিৰাপদ বুলি ধৰা হয়।

ডালিম

ডায়েবেটিছ ৰোগীৰ বাবে ইয়াক উপকাৰী বুলি গণ্য কৰা হয় কাৰণ ই তেজৰ চেনিৰ মাত্ৰা নিয়ন্ত্ৰণ কৰাত সহায় কৰে।

অমিতা

অমিতাৰ পুষ্টিকৰ উপাদানে ইয়াক ডায়েবেটিছ ৰোগীৰ বাবে স্বাস্থ্যকৰ কৰি তোলাই নহয় হৃদৰোগ প্ৰতিৰোধতো সহায় কৰে। ইয়াৰ এনজাইমে ফ্ৰী ৰেডিকেলৰ আশংকাৰ পৰা ৰক্ষা কৰে।

কমলা

মধুমেহ ৰোগৰ বাহিৰেও আন বহু ৰোগৰ বাবে কমলা উপকাৰী বুলি বিবেচিত হয়। ইয়াৰ আঁহ, কম চেনিৰ পৰিমাণ, আৰু সমৃদ্ধ ভিটামিন চি আৰু বি ১ য়ে তেজৰ চেনি নিয়ন্ত্ৰণ কৰাত সহায় কৰে। ইয়াত ৮৭% পৰ্যন্ত পানী থাকে আৰু গ্লাইচেমিক সূচকাংক কম।