বেছিকৈ মিঠা খালে চুলিত কি প্ৰভাৱ পৰে, জানক বিশেষজ্ঞৰ পৰা…

বয়স বৃদ্ধি হোৱাৰ লগে লগে চুলি বগা হোৱা স্বাভাৱিক। কিন্তু বহুতৰ কম বয়সতে চুলি বগা হোৱা দেখা যায়। । সূৰ্যৰ পোহৰ, প্ৰদূষণ, বেয়া খাদ্য-পানীয়, মানসিক চাপৰ লগতে থাইৰয়ড, প্ৰটিনৰ অভাৱ, ৰক্তহীনতা আৰু জিনীয় কাৰণতো কম বয়সত এই সমস্যাৰ সন্মুখীন হ’ব পাৰে। অৱশ্যে কিছুমা বিশেষ উপায়ৰ দ্বাৰা এই সমস্যা দূৰ কৰিব পাৰে।

কিন্তু আপুনি জানেনে যে বেছিকৈ মিঠাই খালেও চুলি অকালতে বগা হৈ পৰিব পাৰে? হয়, চেনিয়ে চুলি বগা হোৱাত সহায় কৰে। কিন্তু কেনেকৈ তলত উল্লেখ কৰা হ’ল-

চুলি আৰু চেনি

গাজিয়াবাদৰ মেক্স হাস্পতালৰ ছালৰ বিশেষজ্ঞ ডাঃ সৌম্য সচদেৱে কয় যে মিঠা খোৱাৰ ফলত চুলি বগা হোৱাৰ কোনো প্ৰত্যক্ষ সম্পৰ্ক নাই। কিন্তু কোনোৱে যদি দৈনন্দিত অত্যধিক পৰিমাণৰ মিছা খাই তেন্তে ই শৰীৰত গ্লুক’জৰ মাত্ৰা বৃদ্ধি কৰে। যাৰ ফলত তেজত চেনিৰ পৰিমাণ কম-বেছি হৈ থাকিব পাৰে। ই চুলিৰ শিপা আৰু মেলানিন উৎপাদনত প্ৰভাৱ পেলাব পাৰে। মেলানিন এবিধ ৰঞ্জক পদাৰ্থ যিয়ে চুলি ক’লা বা বাদামী কৰি ৰাখে। যেতিয়া ইয়াৰ পৰিমাণ কমি যায় তেতিয়া চুলি বগা হ’বলৈ  ধৰে।

ফ্ৰী ৰেডিকেল আৰু ক্ষতি

বেছিকৈ চেনি খালে শৰীৰত ফ্ৰী ৰেডিকেল বৃদ্ধি পায়। ই আমাৰ চুলিৰ শিপাৰ ক্ষতি কৰে।  যাৰ ফলত চুলি দুৰ্বল হৈ সৰিবলৈ আৰম্ভ কৰে আৰু বগা হৈ যায়। ফ্ৰী ৰেডিকেল হৈছে আমাৰ শৰীৰৰ ভিতৰত গঠিত অস্থিৰ অণু। ইয়াত কেতিয়াবা ইলেক্ট্ৰনৰ অভাৱ বা অতিৰিক্ত ইলেক্ট্ৰন থাকে, যাৰ বাবে ই শৰীৰৰ সুস্থ কোষৰ পৰা ইলেক্ট্ৰন কাঢ়ি লৈ ​​নিজৰ ভাৰসাম্য ৰক্ষা কৰে। এনেবোৰ কাৰণত চুলিৰ ক্ষতি হয়।

মানসিক চাপৰ লগত মিঠাৰ সম্পৰ্ক

অত্যধিক মানসিক চাপৰ বাবে মানুহে মিঠা খাবলৈ আৰম্ভ কৰে। ইয়াৰ পাছত অলপ সময়ৰ বাবে শৰীৰ কিছু ভাল লাগে যদিও ই সমস্যাৰ সৃষ্টি কৰিব পাৰে। হৰম’নৰ ভাৰসাম্য ব্যাঘত হ’ব পাৰে। হৰমনৰ পৰিবৰ্তনো চুলি সৰা বা বগা হোৱাৰ অন্যতম কাৰণ।

পৰিত্ৰাণৰ উপায়

• অত্যধিক মিঠা খোৱাৰ পৰা আঁতৰি থাকক।
• সুষম খাদ্য খাওক।
• যোগাসন কৰক।
• ভিটামিন বি১২ থকা খাদ্য খাওক।
• দীৰ্ঘদিন ধৰি সমস্যা থাকিলে বিশেষজ্ঞৰ পৰামৰ্শ গ্ৰহণ কৰক।

অন্য খবৰ পঢ়কঃ হাৰ্ট এটেকৰ পূৰ্বে শৰীৰে দিয়ে এই ৫ টা ইংগিত, জানক বিশেষজ্ঞৰ পৰা…