ভাগৰ, খং, অনিদ্ৰা…এয়া অকালতে মগজু বুঢ়া হোৱাৰ লক্ষণ নেকি? জানক…

বৰ্তমান দ্ৰুত গতিৰ জীৱনশৈলীৰ বাবে প্ৰতিজন ব্যক্তিৰ জীৱনত মানসিক চাপত থাকে। কামৰ কথাই হওক বা ব্যক্তিগত সম্পৰ্কৰ কথাই হওক, আৰ্থিক অৱস্থাৰ বাবেই হওক বা অহৰহ পৰিৱৰ্তিত জীৱনশৈলীৰ বাবেই হওক। এই সকলোবোৰ মিলি মগজুৰ ওপৰত অধিক বোজা পৰে। অলপ মানসিক চাপে কেতিয়াবা প্ৰেৰণা দিয়ে, কিন্তু যদি প্ৰতিদিনে মানসিক চাপ থাকে, তেন্তে ই মানসিক আৰু শাৰীৰিক দুয়োটা স্বাস্থ্যৰ ওপৰত প্ৰভাৱ পেলায়।

জি বি পণ্ট হাস্পতালৰ প্ৰাক্তন স্নায়ুচাৰ্জন ডাঃ দলজিৎ সিঙে কয় যে অহৰহ মানসিক চাপৰ বাবে অকালতে মগজু বুঢ়া হ’ব পাৰে। আমি যেতিয়া মানসিক চাপ লওঁ তেতিয়া শৰীৰে কৰ্টিছল নামৰ এটা মানসিক চাপৰ হৰম’ন বৃহৎ পৰিমাণে নিৰ্গত কৰে। এই হৰম’নে সজাগ হৈ থকাত আৰু তাৎক্ষণিক পৰিস্থিতিৰ সৈতে মোকাবিলা কৰাত সহায় কৰে, কিন্তু যদিহে মানসিক চাপ বহু পৰিমাণে দীৰ্ঘদিন ধৰি থাকে তেন্তে মগজুৰ কোষবোৰৰ ওপৰত চাপ বাঢ়িবলৈ আৰম্ভ কৰে। যাৰ ফলত আমাৰ স্মৃতিশক্তি, শিক্ষণ ক্ষমতা আৰু চিন্তা শক্তি ক্ৰমান্বয়ে দুৰ্বল হ’বলৈ আৰম্ভ কৰে।

অত্যধিক মানসিক চাপৰ ফলত পাহৰণিৰ সৃষ্টি হয়

অত্যধিক মানসিক চাপে মগজুৰ হিপ’কেম্পছ নামৰ অংশটোত প্ৰভাৱ পেলায়। এই অংশই স্মৃতি আৰু আৱেগক চম্ভালে। অহৰহ মানসিক চাপৰ বাবে হিপ’কেম্পছ সংকুচিত হ’বলৈ আৰম্ভ কৰে। এই কাৰণতে অনবৰতে মানসিক চাপত থকা লোকসকলৰ পাহৰি যোৱা, খিংখিঙীয়া আৰু পাহৰি যোৱাৰ সমস্যা বেছি হয়।

অত্যধিক মানসিক চাপৰ বাবে ডিমেনচিয়াৰ আশংকা

যদি কোনো ব্যক্তি দীৰ্ঘদিন ধৰি মানসিক চাপত থাকে, তেন্তে এক প্ৰকাৰে তেওঁৰ মগজুটো অন মোডত থাকে। ঠিক যেনেকৈ মেচিন এটা অবিৰতভাৱে চলাৰ পিছতো ভাগৰুৱা নহয়, কিন্তু ইয়াৰ ক্ষতি নিশ্চিতভাৱে হ’ব পাৰে। মগজুৰ স্নায়ুবোৰ ভাগৰুৱা হৈ দুৰ্বল হৈ পৰাৰ সময়ত মগজুৰ ক্ষেত্ৰতো একেধৰণৰ পৰিস্থিতিৰ সৃষ্টি হয়। এই কাৰণেই অধিক মানসিক চাপ লোৱা লোকসকলৰ হতাশা, উদ্বেগ আনকি ডিমেনচিয়াৰ দৰে গুৰুতৰ ৰোগৰ আশংকাও বৃদ্ধি পায়।

মগজুত অহৰহ মানসিক চাপৰ লক্ষণ

• সৰু সৰু কথাত খং উঠা
• শুব নোৱাৰা
• সদায় ভাগৰুৱা অনুভৱ
• মনোযোগ দিব নোৱাৰা
• নেতিবাচক চিন্তাধাৰা
• বাৰে বাৰে ভয়, উদ্বিগ্নতা আৰু অস্থিৰতা।

এইবোৰেই হৈছে মানসিক চাপে আপোনাৰ মগজুত প্ৰভাৱ পেলোৱাৰ প্ৰাৰম্ভিক লক্ষণ। এনে পৰিস্থিতিত ইয়াক সহজভাৱে লোৱাটো উচিত নহয়। মানসিক চাপৰ পৰা হাত সাৰিবলৈ কিছুমান সহজ অভ্যাস-

১) দৈনিক ধ্যান আৰু যোগাসন কৰিলে মন শান্ত হয় আৰু মানসিক চাপৰ হৰম’নৰ ওপৰত নিয়ন্ত্ৰণ লাভ কৰে।
২) খোজ কঢ়া বা চাইকেল চলোৱাৰ দৰে লঘু ব্যায়ামৰ দ্বাৰা সুখী হৰম’ন নিৰ্গত হয়, যাৰ ফলত মানসিক চাপ কম হয়।
৩) ইয়াৰ বাহিৰেও ৭ৰ পৰা ৮ ঘণ্টা ভালদৰে টোপনি যোৱাটোৱেই মগজুক সতেজ কৰি তোলাৰ সৰ্বোত্তম উপায়।
৪) স্বাস্থ্যসন্মত আহাৰ সমানেই গুৰুত্বপূৰ্ণ। ওমেগা-৩ ফেটি এচিড, সেউজীয়া শাক-পাচলি, ফল-মূলে মগজুক শক্তি প্ৰদান কৰে।
৫) বন্ধু-বান্ধৱ আৰু পৰিয়ালৰ সৈতে সংযুক্ত হৈ থকা, ইতিবাচক কথা-বতৰা পাতি থকা আৰু মোবাইল বা স্ক্ৰীণৰ সময় কমোৱা আদিয়েও মানসিক চাপ কমোৱাত সহায় কৰে।

বিশেষজ্ঞসকলৰ মতে মানসিক চাপ সম্পূৰ্ণৰূপে হ্ৰাস কৰিব নোৱাৰি কিন্তু ইয়াক নিয়ন্ত্ৰণ কৰিব পাৰি। তেনে কৰাটো গুৰুত্বপূৰ্ণ কাৰণ অহৰহ মানসিক চাপে কেৱল মেজাজ নষ্ট কৰাই নহয় মগজুৰ বয়স বৃদ্ধিও কৰে। দৈনন্দিন জীৱনত সৰু সৰু পৰিৱৰ্তন কৰি মগজুক অকাল বয়স বৃদ্ধিৰ পৰা ৰক্ষা কৰিব পাৰি।

লগতে পঢ়ক: মুখৰ পৰা অসহ্যকৰ দুৰ্গন্ধ কিয় ওলায়? মুক্তি পাবলৈ কৰক এই কাম…