টাটু কৰিলে হ’ব পাৰে নেকি ছালৰ কেঞ্চাৰ! গৱেষণাত পোহৰলৈ আহিছে এনে তথ্য
টাটু এতিয়া একপ্ৰকাৰে ফেশ্বনৰে অংশ হৈ পৰিছে। সাধাৰণতে টাটুৱে শৰীৰৰ কোনো ক্ষতি নকৰে যদিও ইয়াৰ ফলত HIVৰ সম্ভাৱনাও বৃদ্ধি কৰিব পাৰে। অৱশ্যে এতিয়া এক অধ্যয়নত টাটু সন্দৰ্ভত এক গুৰুত্বপূৰ্ণ তথ্য প্ৰকাশ পাইছে।
সম্প্ৰতি বহুলোকৰ মাজত বিশেষকৈ যুৱচামৰ মাজত টাটু কৰাৰ প্ৰৱণতা যথেষ্ট বৃদ্ধি পাইছে। একপ্ৰকাৰে টাটু ফেশ্বনৰে অংশ হৈ পৰিছে। সাধাৰণতে টাটুৱে শৰীৰৰ কোনো ক্ষতি নকৰে যদিও ইয়াৰ ফলত HIVৰ সম্ভাৱনাও বৃদ্ধি কৰিব পাৰে। অৱশ্যে এতিয়া এক অধ্যয়নত টাটু সন্দৰ্ভত এক গুৰুত্বপূৰ্ণ তথ্য প্ৰকাশ পাইছে। ছুইডেনৰ এখন বিশ্ববিদ্যালয়ৰ গৱেষণাত দাবী কৰা হৈছে যে টাটুৰ দ্বাৰা ছালৰ কৰ্কট ৰোগৰ সম্ভাৱনা বৃদ্ধি পায়। এই গৱেষণাত লগতে টাটু কৰাসকলৰ মেলানোমা হোৱাৰ সম্ভাৱনা বেছি বুলিও দাবী কৰা হৈছে।
এই গৱেষণাত মেলানোমা ৰোগত আক্ৰান্ত হৈ থকা ২০ৰ পৰা ৬০ বছৰ বয়সৰ ২৮৮০ জন লোকক অন্তৰ্ভুক্ত কৰা হৈছিল। গৱেষণাত প্ৰকাশ পোৱা তথ্য মতে যিসকল লোকে ১০ বছৰতকৈ অধিক সময় টাটু কৰি আছে, তেওঁলোকৰ বাবে এই বিপদ অধিক হৈ পৰে।
গৱেষণাৰ মতে যেতিয়া টাটুৰ চিয়াঁহী ছালত সোমোৱাই হয়, তেতিয়া ছালে এই চিয়াঁহীক বাহিৰৰ পদাৰ্থ হিচাপে গ্ৰহণ কৰে আৰু ছালৰ ওপৰত আক্ৰমণ হোৱা বুলি বিশ্বাস কৰে। ইয়াৰ ফলত ৰোগ প্ৰতিৰোধ ক্ষমতা সক্ৰিয় হয় আৰু ৰোগ প্ৰতিৰোধ ক্ষমতা কোষে চিয়াঁহীৰ ৰংবোৰক আগুৰি ধৰে।
ইয়াৰ উপৰিও এই চিয়াঁহী লিম্ফ ন’ডত উপনীত হয়। চিয়াঁহীত কিছুমান বিশেষ ৰাসায়নিক পদাৰ্থও থাকে, এই পদাৰ্থসমূহক কাৰ্চিনোজেনিক বুলি গণ্য কৰা হয়। দীৰ্ঘদিন ৰ’দত থাকিলে ছালৰ কৰ্কট ৰোগৰ সম্ভাৱনা বৃদ্ধি পাব পাৰে।
টাটুৰ ফলত কেঞ্চাৰ হয় নেকি?
এই গৱেষণাৰ পৰা টাটু আৰু ছালৰ কৰ্কট ৰোগৰ মাজত কোনো প্ৰত্যক্ষ সম্পৰ্ক সন্দৰ্ভত সিদ্ধান্ত লোৱা হোৱা নাই যদিও ইয়াৰ ফলত ছালৰ কৰ্কট ৰোগৰ সম্ভাৱনা বৃদ্ধি পাব পাৰে। গতিকে টাটু কৰাসকলে আতংকিত হোৱাৰ প্ৰয়োজন নাই। কিন্তু টাটু কৰাৰ পূৰ্বে সাৱধানতা অৱলম্বন কৰিব লাগে।
দেহৰ সঠিক স্থানতহে টাটু কৰক। টাটুৰ পিছত বিশেষকৈ সূৰ্যৰ পোহৰৰ সংস্পৰ্শলৈ আহিলে সেই ঠাইখিনি কাপোৰেৰে ঢাকি বা ছানস্ক্ৰীণ লগাই নিজৰ ছালৰ সঠিক যত্ন লওক। যদি ছালৰ ৰং সলনি হয় বা টাটু কৰা ঠাইৰ ওচৰত খজুৱতি হয়, তেতিয়া চিকিৎসকৰ পৰামৰ্শ লওক। এই বিষয়ত কেতিয়াও গাফিলতি নকৰিব।
টাটু কৰাৰ ক্ষেত্ৰত চিন্তাৰ প্ৰয়োজন আছেনে?
গৱেষণাৰ পৰা দেখা গৈছে যে টাটু কৰা লোকসকল আতংকিত হোৱাৰ কোনো প্ৰয়োজন নাই। এই গৱেষণাই সজাগতা আৰু সাৱধানতা বৃদ্ধিৰ দিশত সহায় কৰিছে কৰে। টাটু কৰা অংশটো ৰ’দত ঢাকি ৰখা উচিত আৰু কোনো লক্ষণ দেখা পালে চিকিৎসকৰ পৰামৰ্শ লোৱাটো অত্যন্ত প্ৰয়োজনীয়।
