ডায়েবেটিছ আৰু উচ্চ ৰক্তচাপৰ ৰোগীৰ বাবে দীপাৱলীৰ স্বাস্থ্য পৰামৰ্শ

দেৱালীৰ সময়ত মিঠাই, ভজা খাদ্য আৰু ৰুটিন সলনি কৰিলে ডায়েবেটিছ আৰু উচ্চ ৰক্তাচপ থকা ৰোগীৰ স্বাস্থ্যত প্ৰভাৱ পৰিব পাৰে। এই সময়ত মানুহে খাদ্যাভ্যাস নিয়ন্ত্ৰণ কৰিবলৈ প্ৰায়ে পাহৰি যায়, যাৰ ফলত চুগাৰ আৰু ৰক্তচাপৰ মাত্ৰা অধিক বেয়া হ’ব পাৰে। দেৰিলৈকে শুই থকা, মানসিক চাপ আৰু প্ৰদূষণেও পৰিস্থিতি আৰু বেয়া কৰি তুলিব পাৰে। গতিকে সঠিক খাদ্যাভ্যাস, নিয়মীয়া ঔষধ, পৰ্যাপ্ত টোপনি অতি প্ৰয়োজনীয়।

উৎসৱৰ সময়ত খাদ্যাভ্যাস বেয়া, অত্যধিক মিঠাই খোৱা, নিমখ খোৱাটো ডায়েবেটিছ আৰু উচ্চ ৰক্তাচপ থকা ৰোগীৰ বাবে বিপদজনক হ’ব পাৰে। ইয়াৰ ফলত তেজৰ চুগাৰ বৃদ্ধি, হঠাতে ৰক্তচাপ বৃদ্ধি বা হ্ৰাস, হৃদযন্ত্ৰৰ সমস্যা আদিৰ সম্ভাৱনা বৃদ্ধি পাব পাৰে। তেলীয়া খাদ্য আৰু চেনিযুক্ত পানীয় আদিয়েও প্ৰদাহ আৰু ভাগৰ বৃদ্ধি কৰিব পাৰে। টোপনিৰ অভাৱ আৰু মানসিক চাপে পৰিস্থিতি আৰু বেয়া কৰি তুলিব পাৰে।

ডায়েবেটিছ আৰু উচ্চ ৰক্তচাপ ৰোগীয়ে এইবোৰ কথা মনত ৰাখিব লাগে

ডাঃ আলী শ্বেৰে পৰামৰ্শ দিয়ে যে, দীপাৱলীৰ দৰে উৎসৱৰ সময়ত ডায়েবেটিছ আৰু উচ্চ ৰক্তচাপ ৰোগীয়ে ঘৰতে বনোৱা চেনিবিহীন মিঠাই বা শুকান ফলৰ বিকল্প গ্ৰহণ কৰিব লাগে। লগতে দেৰিলৈকে শুই থকা, মানসিক চাপ বা অত্যধিক ভাগৰুৱা হোৱাৰ পৰা বিৰত থাকিব লাগে, কিয়নো এইবোৰে হৃদযন্ত্ৰ আৰু তেজৰ চুগাৰৰ মাত্ৰাত প্ৰভাৱ পেলাব পাৰে।

উৎসৱৰ সময়ত মনত ৰাখিব যে, ঔষধ খোৱা আৰু প্ৰচুৰ পৰিমাণে পানী খাব লাগে যাতে হাইড্ৰেটেড হৈ থাকে। চিকিৎসকসকলেও কয় যে, দৈনিক অলপ খোজ কাঢ়িলে, লঘু যোগাসন বা ধ্যান কৰিলে শৰীৰ সক্ৰিয় আৰু মন শান্ত হৈ থাকে।

এই কথাবোৰত গুৰুত্ব দিয়ক

নিয়মীয়া ঔষধ সময়মতে খাব লাগে।

পৰ্যাপ্ত পৰিমাণে পানী খাই থাকিব।

ৰাতি দেৰিলৈকে শুই থকাৰ পৰা বিৰত থাকক।

মানসিক চাপ আৰু ক্লান্তিৰ পৰা আঁতৰি থাকক।

দৈনিক তেজৰ চুগাৰ আৰু ৰক্তচাপ পৰীক্ষা কৰক।

লঘু ব্যায়াম বা খোজ কঢ়াটো আপোনাৰ ৰুটিনত অন্তৰ্ভুক্ত কৰক।