মুখৰ পৰা ওলোৱা দুৰ্গন্ধৰ বাবে লাজত পৰে নেকি আপুনি? ই বেমাৰৰ লক্ষণো হ’ব পাৰে, জানক মুখৰ দুৰ্গন্ধ নিৰাময়ৰ সহজ উপায়

আপুনি নিশ্চয় লক্ষ্য কৰিছে যে কিছুমান মানুহৰ মুখৰ পৰা এটা অদ্ভুত গোন্ধ ওলায়। যাৰ বাবে এনে মানুহৰ সমুখত ৰৈ কথা পতাটো প্ৰায় অসম্ভৱ হৈ পৰে। কেতিয়াবা এই দুৰ্গন্ধ কিছু খাদ্যৰ বাবেই হয়। কেতিয়াবা মুখখন ভালদৰে চাফা নকৰাৰ বাবেও এনে দুৰ্গন্ধ ওলাব পাৰে। কিন্তু মুখৰ দুৰ্গন্ধই আপোনাৰ আত্মবিশ্বাস হ্ৰাস কৰাই নহয, লগতে কেতিয়াবা লজ্জ্বিত অনুভৱ কৰায়। কিন্তু অতি কম সংখ্যক লোকেহে জানে যে মুখৰ দুৰ্গন্ধও এটা ডাঙৰ স্বাস্থ্যজনিত সমস্যাৰ লক্ষণ হ’ব পাৰে।

হয়, বিজ্ঞানৰ মতে বিভিন্ন ধৰণৰ মুখৰ দুৰ্গন্ধ বিভিন্ন ৰোগৰ লক্ষণ হ’ব পাৰে। ঠিক যেনেকৈ নখৰ সমস্যাই ৰোগৰ ইংগিত দিয়ে। গতিকে যদি আপোনাৰ মুখৰ পৰাও যদি বেয়া গোন্ধ ওলায় তেন্তে ইয়াক সহজভাৱে ল’ব নালাগে। এয়া কোনো ডাঙৰ ৰোগৰ লক্ষণ হ’ব পাৰে। কোন ধৰণৰ মুখৰ দুৰ্গন্ধই কোনটো ৰোগৰ ইংগিত দিয়ে এই লেখাটোত সেই বিষয়ে আলোচনা কৰা হৈছে।

ফলৰ গোন্ধ

বিশেষজ্ঞ জাঙে কয় যে যদি কাৰোবাৰ মুখৰ পৰা ফলৰ গোন্ধ ওলায় তেন্তে ই ডায়েবেটিছ ৰোগত আক্ৰান্ত হোৱাৰ লক্ষণ হ’ব পাৰে। গৱেষকগৰাকীৰ মতে, এই ধৰণৰ গোন্ধে তেজত কিট’নৰ মাত্ৰা অধিক হোৱাৰ ইংগিত দিয়ে। এই গোন্ধটো কিছু পৰিমাণে পেলনীয়া বেয়া মিঠাই বা নেলপলিচ ৰিম’ভাৰৰ দৰে হয়।

ধাতুৰ গোন্ধ

মুখৰ পৰা ধাতুৰ গোন্ধ ওলালে আপোনাৰ বৃক্কৰ সমস্যা হ’ব পাৰে। এনে হ’লে আমাৰ বৃক্কই শৰীৰৰ পৰা বিষাক্ত পদাৰ্থ সঠিকভাৱে আঁতৰাবলৈ অক্ষম হয়, য’ত ইউৰিয়াও থাকে আৰু ই এমোনিয়াৰ সৈতে মিলি লালটিত প্ৰভাৱ পেলায়। এই কাৰণেই মুখৰ পৰা ধাতুৰ গোন্ধ ওলায়।

মাছৰ দৰে গোন্ধ

বিশেষজ্ঞ জাঙে বুজাইছে যে কিছুমান মানুহৰ মুখৰ পৰা মাছৰ দৰে গোন্ধ ওলায়, যাক ট্ৰাইমিথাইলএমিনুৰিয়া বোলা হয়। এই অৱস্থাটো এটা বিপাকীয় বিকাৰ, য’ত শৰীৰে ট্ৰাইমিথাইলামিন সঠিকভাৱে ভাঙি পেলাব নোৱাৰে। মাছৰ দৰে গোন্ধ ওলোৱাটোৱে আপোনাৰ লিভাৰৰ সমস্যা হোৱাৰ ইংগিত দিয়ে।

গেলা কণীৰ গোন্ধ

যেতিয়া কাৰোবাৰ মুখৰ পৰা গেলা কণীৰ দৰে গোন্ধ ওলায়, তেতিয়া আপোনাৰ পাচনতন্ত্ৰৰ সমস্যাৰ ইংগিত পোৱা যায়। ইয়াক হাইড্ৰ’জেন ছালফেট গেছ বুলিও কোৱা হয়। ই হজমৰ সময়ত উৎপন্ন হয়।

ভেঁকুৰৰ গোন্ধ

মুখৰ পৰা অদ্ভুত গোন্ধ ওলোৱাটো আপোনাৰ বৃক্ক বা যকৃতৰ সমস্যা হোৱাৰ লক্ষণ। ইয়াৰ উপৰিও এই ধৰণৰ গোন্ধে আপুনি মুখখন ভালদৰে চাফা নকৰাৰ কথাও সূচায়।

এই ভাৰতীয় পদ্ধতিৰে মুখৰ দুৰ্গন্ধ দূৰ কৰক

মুখৰ দুৰ্গন্ধ কেতিয়াবা লাজৰ কাৰণ হৈ পৰে। যদিও, ইয়াৰ বাবে বহু ধৰণৰ মাউথ ফ্ৰেছনাৰ বজাৰত উপলব্ধ, কিন্তু কিছুমান প্ৰাকৃতিক বস্তুৰ সহায়তো এই গোন্ধ আঁতৰাব পাৰি। উদাহৰণস্বৰূপে ২ টা লং চোবাই খালে মুখৰ দুৰ্গন্ধৰ পৰা সকাহ পোৱা যায়। লঙত এন্টিবেক্টেৰিয়েল গুণ থাকে যিয়ে মুখৰ পৰা বেক্টেৰিয়া আঁতৰাই পেলায়। ইয়াৰ উপৰিও ইলাচি খালেও মুখৰ দুৰ্গন্ধ দূৰ হয়। ই মাউথ ফ্ৰেছনাৰৰ দৰে কাম কৰে।

প্ৰাকৃতিকভাৱে মুখৰ দুৰ্গন্ধ কম কৰিবলৈ তুলসীৰ পাতৰ সহায় ল’ব পাৰি, কাৰণ এই সেউজীয়া পাতত ইউজেনল, উৰছলিক এচিড আৰু কাৰ্ভাক্ৰলৰ দৰে উপাদান থাকে। যিয়ে বেক্টেৰিয়াৰ পৰা পৰিত্ৰাণ পোৱাত সহায় কৰে। এইবোৰৰ উপাদানৰ প্ৰভাৱত মুখত বেক্টেৰিয়াৰ বৃদ্ধি কমি যায় আৰু মুখৰ পৰা দুৰ্গন্ধৰ ওলোৱাৰ সমস্যাৰ পৰাও উপশম পোৱা যায়।