Amla Juice: একেৰাহে ৭ দিন পুৱা আমলখিৰ ৰস খালে শৰীৰৰ কি কি লাভ হয়? জানক…

আমলখি শৰীৰৰ বাবে উপকাৰী এবিধ ফল। ইয়াত বিভিন্ন ধৰণৰ পুষ্টিকৰ উপাদান থাকে, যাৰ বাবে ইয়াক চুপাৰফুড বুলি কোৱা হয়। আমলখিত ভিটামিন চি, এন্টিঅক্সিডেন্ট, ভিটামিন এ, ভিটামিন বি, পটেছিয়াম, কেলছিয়াম, মেগনেছিয়াম, আয়ৰন, ফেনোলি আদি প্ৰচুৰ পৰিমাণে থাকে। যিয়ে শৰীৰৰ বিভিন্ন সমস্যাৰ সমাধান দিয়ে। আমলখি বিভিন্ন প্ৰকাৰে খাব পাৰি। কিছুমানে জুচ বনাই খায়। গতিকে আপুনি ৭ দিন যদি পুৱা খালী পেটত আমলখি ৰস (Amla Juice) খাই তেন্তে বহু উপকাৰ লাভ কৰিব।

আমলখিৰ ৰসৰ উপকাৰ

• ৰোগ প্ৰতিৰোধ ক্ষমতাঃ আমলখিৰ ৰসত ভিটামিন চি প্ৰচুৰ পৰিমাণে থাকে। গতিকে প্ৰতিদিনে আমলখিৰ ৰস খালে ৰোগ প্ৰতিৰোধ ক্ষমতা শক্তিশালী হয়। এনে অৱস্থাত শৰীৰ বিভিন্ন সংক্ৰমণৰ পৰা ৰক্ষা পৰে।
• পাচন প্ৰক্ৰিয়াঃ আমলখি খালে কৌষ্ঠকাঠিন্য, এচিডিটি, গেছ আদিৰ সমস্যাৰ পৰা মুক্তি পোৱা যায়। পাচন প্ৰক্ৰিয়াৰ বাবে আমলখিৰ ৰস ভাল।
• ছাল আৰু চুলিঃ আমলখিত এন্টিঅক্সিডেন্ট থাকে। এনে অৱস্থাত ই ছাল ধুনীয়া উজ্বল কৰি তোলাৰ লগতে চুলি মজবুত আৰু ঘন কৰাত সহায় কৰে।
• ওজন হ্ৰাসঃ ওজন হ্ৰাস কৰাৰ বাবে আমলখিৰ ৰস উপকাৰী। আমলখিত থকা উপাদানে বিপাকীয় ক্ৰিয়া ভাল কৰে আৰু শৰীৰৰ বেয়া পদাৰ্থ বাহিৰ কৰে। এনে অৱস্থাত ই ওজন হ্ৰাস কৰাৰ বাবে সহায়ক হয়।
• ব্লাড চুগাৰঃ ডায়েবেটিছ ৰোগীৰ বাবে আমলখিৰ ৰস উপকাৰী। এই ৰসে ব্লাড চুগাৰ নিয়ন্ত্ৰণত ৰখাত সহায় কৰে।
• হৃদযন্ত্ৰঃ আমলখিৰ ৰসে কলেষ্টেৰল নিয়ন্ত্ৰণ কৰি তেজৰ চলাচল ভাল কৰে। যাৰ ফলত হৃদযন্ত্ৰ সুস্থ হৈ থাকে।
• চকুঃ চকুৰ বাবেও আমলখিৰ ৰস ভাল। ই দৃষ্টিশক্তি ভাল কৰে।

উল্লেখ্য যে, আমলখিৰ ৰস স্বাস্থ্যৰ বাবে ভাল। কিন্তু আপোনাৰ যদি কোনো বিশেষ স্বাস্থ্যজনিত সমস্যা আছে তেন্তে যিকোনো বস্তু খোৱাৰ আগত বিশেষজ্ঞৰ পৰামৰ্শ গ্ৰহণ কৰিব লাগে।

অন্য খবৰ পঢ়কঃ প্ৰতি পুৱা ১০ মিনিট ৰ’দত বহিলে কি হয়? বিশেষজ্ঞই জনালে আচৰিত উপকাৰৰ বিষয়ে…