Voter list controversy: নিৰ্বাচন আয়োগলৈ বিৰোধী সাংসদৰ পদযাত্ৰা, ৰাহুল গান্ধীসহ বহুকেইগৰাকী সাংসদক আটক

শেহতীয়াকৈ ভোট চুৰিৰ বিষয়টোৰ বাবে দেশৰ ৰাজনৈতিক মহল উত্তপ্ত হৈ পৰিছে। ভোটাৰ তালিকাত বিসংগতি সন্দৰ্ভত গুৰুতৰ অভিযোগ উত্থাপন কৰিছে বিৰোধী দলৰ নেতা ৰাহুল গান্ধীয়ে। এই সন্দৰ্ভত আজি সংসদৰ মকৰ দ্বাৰৰ পৰা নিৰ্বাচন আয়োগৰ কাৰ্যালয়লৈ পদযাত্ৰা কৰিছে বিৰোধী সাংসদসকলে।

ইফালে ৰাহুল গান্ধী, প্ৰিয়ংকা গান্ধী, অখিলেশ যাদৱকে ধৰি বহু বিৰোধী সাংসদক আৰক্ষীয়ে আটক কৰি ৰাখিছে। সাংসদৰ পদযাত্ৰা নিৰ্বাচন আয়োগলৈ যাবলৈ দিয়া নাছিল আৰক্ষীয়ে। ইয়াৰ পিছতো বিৰোধী সাংসদসকলে পদযাত্ৰা কৰিছিল, তাৰ পিছতে আৰক্ষীয়ে ব্যৱস্থা গ্ৰহণ কৰে।

একে সময়তে নিৰ্বাচন আয়োগৰ কাৰ্যালয়ৰ বাহিৰত দিল্লী আৰক্ষীৰ লগতে অৰ্ধসামৰিক বাহিনীৰ জোৱান মোতায়েন কৰা হৈছে। বেৰিকেড লগাই এই পদযাত্ৰা বন্ধ কৰি দিয়া হয়। বহু সাংসদে বেৰিকেডত উঠি বাধা অতিক্ৰমৰ চেষ্টা কৰে। বেৰিকেডৰ পৰা জপিয়াই আয়োগৰ কাৰ্যালয়ত প্ৰৱেশৰ চেষ্টা কৰে অখিলেশ যাদৱে। টিএমচিৰ সাংসদ সাগৰিকা ঘোষ আৰু মহুৱা মৈত্ৰকো বেৰিকেড বগোৱা দেখা যায়। তাৰ পিছত অখিলেশ যাদৱ ধৰ্ণাত বহে। তেওঁ কয় যে আৰক্ষীয়ে তেওঁলোকক বাধা দিছে।

#WATCH | Delhi: Lok Sabha LoP and Congress MP Rahul Gandhi says, “The reality is that they cannot talk. The truth is in front of the country. This fight is not political. This fight is to save the Constitution. This fight is for One Man, One Vote. We want a clean, pure voters… pic.twitter.com/Aj9TvCQs1L

— ANI (@ANI) August 11, 2025

ৰাহুল গান্ধীয়ে কয়, ‘‘বাস্তৱটো হ’ল তেওঁলোকে কথা ক’ব নোৱাৰে। সত্য দেশৰ সন্মুখত। এই যুঁজখন ৰাজনৈতিক নহয়। সংবিধান বচাবলৈ এই যুঁজ। এই যুঁজখন এক ব্যক্তি, এটা ভোটৰ। আমি এখন পৰিষ্কাৰ ভোটাৰ তালিকা বিচাৰো।” প্ৰিয়ংকা গান্ধীয়ে কয়, ‘‘এই মানুহবোৰ ভয় খাইছে। চৰকাৰ কাপুৰুষ।‘‘

জয়ৰাম ৰমেশে কয় যে কেৱল ৩০ জনেই নহয় সমগ্ৰ বিৰোধী দল নিৰ্বাচন আয়োগৰ ওচৰলৈ যাব। এই কথাত অখিলেশে কয়, “যাৰ ওচৰলৈ যাবলৈ দিয়া হয় তাৰ ওচৰলৈ যাবলৈ আমি সাজু। যদি আৰক্ষীয়ে যাবলৈ অনুমতি দিয়ে তেন্তে আমি নিৰ্বাচন আয়োগৰ ওচৰলৈ যাবলৈ সাজু। আৰক্ষীয়ে আমাক যাবলৈ দিয়া নাই। ৰাহুল গান্ধী, প্ৰিয়ংকা গান্ধীকে ধৰি বহু সাংসদক আটক কৰিছে আৰক্ষীয়ে। সকলোকে বাছত লৈ যোৱা হৈছে।”

#WATCH | Delhi: Samajwadi Party chief Akhilesh Yadav jumps over a police barricade as Delhi Police stops INDIA bloc leaders marching from the Parliament to the Election Commission of India to protest against the Special Intensive Revision (SIR) of electoral rolls in poll-bound… pic.twitter.com/X8YV4mQ28P

— ANI (@ANI) August 11, 2025

ইয়াৰ পূৰ্বে আজি নিৰ্বাচন আয়োগে ৩০ জনীয়া বিৰোধী প্ৰতিনিধি দলক বৈঠকৰ বাবে আহ্বান জনায়। নিৰ্বাচন আয়োগে দুপৰীয়া ১২ বজাত ৩০ জন লোকক বৈঠকলৈ আমন্ত্ৰণ জনায়। ভাৰতীয় নিৰ্বাচন আয়োগৰ সচিবালয়ে কংগ্ৰেছৰ সাংসদ জয়ৰাম ৰমেশলৈ পত্ৰ লিখি দুপৰীয়া ১২:০০ বজাত আলোচনাৰ বাবে সময় দিয়ে। ঠাইৰ অভাৱত সৰ্বাধিক ৩০ জন ব্যক্তিৰ নাম অৱগত কৰিবলৈ অনুৰোধ জনোৱা হ’ল।

এই সন্দৰ্ভত বিৰোধীয়ে কয় যে হয় সকলোৱে নিৰ্বাচন আয়োগলৈ যাব, নহয় কোনেও নাযায়। আমি প্ৰতিনিধি দলটোক লগ কৰিবলৈ নহয়, একেলগে স্মাৰকপত্ৰ দিবলৈ সময় বিচাৰিছিলোঁ।

#WATCH | Delhi Police stops INDIA bloc leaders marching from the Parliament to the Election Commission of India to protest against the Special Intensive Revision (SIR) of electoral rolls in poll-bound Bihar and allegations of “voter fraud” during the 2024 Lok Sabha elections. pic.twitter.com/4KcXEALWxY

— ANI (@ANI) August 11, 2025

ভোটাৰ তালিকাক লৈ যুদ্ধ অব্যাহত আছে

ভোটাৰ তালিকাৰ অনিয়মক লৈ যুদ্ধ অব্যাহত আছে। ৰাহুলকে ধৰি সকলো বিৰোধী নেতাই নিৰ্বাচন আয়োগক লৈ বহু প্ৰশ্ন উত্থাপন কৰিছে। নিৰ্বাচন আয়োগৰ বিৰুদ্ধে পোনপটীয়াকৈ ভোট চুৰিৰ অভিযোগ কৰিছিল ৰাহুলে। কালি এই সন্দৰ্ভতো তেওঁ অভিযান আৰম্ভ কৰিছে। ইয়াৰ অধীনত ৰাহুলে এটা ৱেবছাইটো মুকলি কৰিছে। ইয়াৰ সমান্তৰালকৈ তেওঁ ৰাইজক এই অভিযানত যোগদান কৰিবলৈও আহ্বান জনাইছে।