মাজ সাগৰত মুম্বাই অভিমুখী জাহাজত অগ্নিকাণ্ড, ৫ গৰাকী কৰ্মচাৰী নিৰুদ্দেশ
কোজিকোডৰ বেপুৰ উপকূলত এখন মালবাহী জাহাজত বিস্ফোৰণ সংঘটিত হৈছে। ছিংগাপুৰৰ পতাকা থকা মালবাহী জাহাজখনৰ দৈৰ্ঘ্য ২৭০ মিটাৰ আৰু ড্ৰাফ্ট ১২.৫ মিটাৰ । এনপিচি মুম্বাইৰ সৈতে ৭ জুনত জাহাজখনে কলম্বোৰ পৰা ৰাওনা হয় ।
কেৰালাৰ উপকূলত সংঘটিত হৈছে এক দুৰ্ঘটনা । কলম্বোৰ পৰা নাভা শ্বেভালৈ যোৱা মালবাহী জাহাজ MV WAN HAI 503 ত সাগৰৰ মাজতে এক বৃহৎ বিস্ফোৰণ সংঘটিত হয় । এই বিস্ফোৰণটো কোচিৰ পৰা প্ৰায় ৩১৫ কিলোমিটাৰ পশ্চিমে জাহাজখনৰ আণ্ডাৰ ডেক (তলৰ অংশ)ত সংঘটিত হৈছিল । দুৰ্ঘটনাৰ পিছৰে পৰা জাহাজখনৰ ৪ জন ক্ৰু নিৰুদ্দেশ হোৱাৰ বিপৰীতে ৫ জন লোক আহত হৈছে । জাহাজখনত মুঠ ২২ জন ক্ৰু মেম্বাৰ আছিল । জাহাজখনত কণ্টেইনাৰ ভৰ্তি হৈ আছে ।
ক্ৰু সদস্যসকলক উদ্ধাৰৰ প্ৰচেষ্টা অব্যাহত আছে । জানিব পৰা মতে জাহাজখনত ৰখা ৫০টা কণ্টেইনাৰ সাগৰত পৰি যায় । জাহাজখনত ৬০০ৰো অধিক কণ্টেইনাৰ আছিল । নৌসেনা আৰু উপকূলৰক্ষী বাহিনীৰ জাহাজ সেই স্থানলৈ ৰাওনা হৈছে । একে সময়তে বিস্ফোৰণৰ কাৰণ এতিয়াও স্পষ্ট হোৱা নাই যদিও কোনো পাত্ৰৰ ভিতৰৰ পৰা বিস্ফোৰণ হোৱা বুলি সন্দেহ কৰা হৈছে ।
MV WAN HAI 503 on passage from Colombo to Nhava Sheva reported an explosion under deck in position 315, Kochi 130. 04 crew reported missing and 05 crew injured. The ship was carrying containerised cargo with a total crew of 22. CGDO on task diverted for assessment. ICGS Rajdoot… https://t.co/bZeEO2LG4M pic.twitter.com/tvQVlQuerm
— ANI (@ANI) June 9, 2025
ভাৰতীয় নৌসেনাৰ পি আৰ অ’ই কয়, ‘কোজিকোডৰ বেপুৰ উপকূলত এখন মালবাহী জাহাজত বিস্ফোৰণ সংঘটিত হৈছে। ছিংগাপুৰৰ পতাকা থকা মালবাহী জাহাজখনৰ দৈৰ্ঘ্য ২৭০ মিটাৰ আৰু ড্ৰাফ্ট ১২.৫ মিটাৰ । এনপিচি মুম্বাইৰ সৈতে ৭ জুনত জাহাজখনে কলম্বোৰ পৰা ৰাওনা হয় ।’
উদ্ধাৰ অভিযান আৰম্ভ
ইফালে ভাৰতীয় উপকূলৰক্ষী বাহিনীয়ে ততাতৈয়াকৈ সাহায্য আৰু উদ্ধাৰৰ কাম আৰম্ভ কৰিছে । পৰিস্থিতিৰ বুজ ল’বলৈ পঠিওৱা হৈছে উপকূলৰক্ষী বাহিনীৰ ডৰ্নিয়াৰ বিমান । ইয়াৰ লগতে তিনিখন উপকূলক্ষী জাহাজ আইচিজিএছ ৰাজদূত (নিউ মাংগালুৰৰ পৰা), আইচিজিএছ অৰ্ণৱেশ (কোচিৰ পৰা), আইচিজিএছ সচেট (আগট্টিৰ পৰা)কো ততাতৈয়াকৈ সেই স্থানলৈ প্ৰেৰণ কৰা হৈছে ।
জাহাজখনৰ বাকী ক্ৰু সদস্যসকল নিৰাপদ
নিৰুদ্দেশ হোৱা লোকসকলক বিচাৰি উলিওৱা আৰু আহতসকলক প্ৰাথমিক চিকিৎসা প্ৰদানৰ বাবে দ্ৰুতগতিত কাম কৰা হৈছে বুলি উপকূলৰক্ষী বাহিনীয়ে প্ৰকাশ কৰিছে । বৰ্তমান জাহাজখনৰ বাকী ক্ৰু সদস্যসকল সুৰক্ষিত বুলি জানিব পৰা গৈছে । পৰিস্থিতিৰ ওপৰত তীক্ষ্ণ দৃষ্টি ৰাখিছে উপকূলৰক্ষী বাহিনীয়ে । ঘটনাস্থলীলৈ প্ৰেৰণ কৰা হৈছে সাহায্য জাহাজ আৰু বিমান । সকলো ধৰণৰ সাহায্য প্ৰদান কৰা হৈছে ।
