মানহানিৰ গোচৰত দোষী সাব্যস্ত শিৱসেনাৰ সাংসদ সঞ্জয় ৰাউত: ১৫ দিনৰ জে’ল, ২৫ হাজাৰ টকাৰ জৰিমনা

শিৱসেনাৰ সাংসদ সঞ্জয় ৰাউতক মানহানিৰ গোচৰত দোষী সাব্যস্ত কৰা হৈছে। আদালতে তেওঁক ১৫ দিনৰ কাৰাদণ্ডৰ শাস্তি বিহিছে। লগতে আদালতে তেওঁৰ ওপৰত ২৫,০০০ টকাৰ জৰিমনাও আৰোপ কৰিছে। বিজেপি নেতা কিৰিট সোমিয়াৰ পত্নী মেধা কিৰিটে ৰাউতৰ বিৰুদ্ধে গোচৰ ৰুজু কৰিছিল। মেধাই তেওঁৰ বিৰুদ্ধে ১০০ কোটি টকাৰ মানহানিৰ গোচৰ ৰুজু কৰিছিল।

মুম্বাইৰ সেৱাৰী আদালতত চলিছিল মেধা সোমিয়াৰ আবেদনৰ শুনানি। আদালতে এই ক্ষেত্ৰত দোষী সাব্যস্ত কৰিছে শিৱসেনাৰ সাংসদক । মেধাৰ অধিবক্তা বিবেকানন্দ গুপ্তাই কৈছে যে আদালতে সঞ্জয় ৰাউতক ১৫ দিনৰ কাৰাদণ্ডৰে দণ্ডিত কৰিছে আৰু তেওঁৰ ওপৰত ২৫,০০০ টকাৰ জৰিমনা আৰোপ কৰিছে।

ৰাউতে মেধাৰ ওপৰত ১০০ কোটি টকাৰ শৌচাগাৰ কেলেংকাৰীত জড়িত থকাৰ অভিযোগ উত্থাপন কৰিছিল। ৰাউতৰ এই অভিযোগমেধাই খণ্ডন কৰিছিল আৰু কৈছিল যে তেওঁৰ বিৰুদ্ধে তেওঁৰ অভিযোগ ভিত্তিহীন আৰু অপমানসূচক।

Maharashtra | Metropolitan Magistrate Mazgaon convicts Shiv Sena (UBT) leader Sanjay Raut in the defamation case on a complaint filed by Dr. Medha Kirit Somaiya, wife of BJP leader Kirit Somaiya: Vivekanand Gupta, advocate for Dr. Medha Kirit Somaiya

— ANI (@ANI) September 26, 2024

ঘটনাটো ২০২২ চনৰ । সঞ্জয় ৰাউতে মেধাৰ বিৰুদ্ধে সোমিয়াক মুলুন্দৰ শৌচাগাৰ কেলেংকাৰীত জড়িত থকাৰ অভিযোগ উত্থাপন কৰিছিল। ইয়াৰ পাছত কিৰিট সোমিয়াই সঞ্জয় ৰাউতক এই অভিযোগৰ প্ৰমাণ দিবলৈ প্ৰত্যাহ্বান জনাইছিল। কোনো প্ৰমাণ দাখিল নকৰাৰ পাছত মেধা সোমিয়াই সঞ্জয় ৰাউতৰ বিৰুদ্ধে ১০০ কোটি টকাৰ মানহানিৰ গোচৰ ৰুজু কৰিছিল।

সোমিয়াই অভিযোগ কৰিছিল যে ৰাউতে পাছদিনা ১৬ এপ্ৰিলত অভিযোগবোৰ পুনৰাবৃত্তি কৰি ইলেক্ট্ৰনিক সংবাদ মাধ্যমক এটা সাক্ষাৎকাৰ দিছিল। তেওঁৰ দাবীৰ সমৰ্থনত ৰাউতৰ সাক্ষাৎকাৰৰ এটা ভিডিঅ’ ক্লিপ আদালতত দাখিল কৰিছিল। সোমিয়াই কৈছিল যে অভিযোগবোৰ আগশাৰীৰ বাতৰি চেনেলসমূহৰ দ্বাৰা বহুলভাৱে প্ৰচাৰিত হৈছিল। আমাৰ ভাবমূৰ্তি কলুষিত কৰাৰ চেষ্টা কৰা হৈছিল।

আদালতৰ সিদ্ধান্তক লৈ ৰাউতে কি কৈছে?

সঞ্জয় ৰাউতে এই সন্দৰ্ভত এটা ডাঙৰ বিবৃতি দিছে। শিৱসেনাৰ সাংসদগৰাকীয়ে কৈছে, “মই আদালতৰ আদেশক সন্মান কৰোঁ কিন্তু বিশ্বাস কৰিব পৰা নাই যে তেওঁলোকে এনে আদেশ প্ৰদান কৰিছে।
আমি কেনেকৈ এনে এখন দেশত ন্যায় আশা কৰিব পাৰোঁ য’ত প্ৰধানমন্ত্ৰীয়ে গণেশ উৎসৱৰ বাবে ভাৰতৰ মুখ্য ন্যায়াধীশৰ বাসগৃহলৈ যায় আৰু মোদক খায়।”