বিনা প্ৰতিদ্বন্দ্বিতাৰে বিজেপিৰ ৰাষ্ট্ৰীয় সভাপতি নিৰ্বাচিত, আনুষ্ঠানিক ঘোষণা বাকী
সোমবাৰে বিয়লি ২ বজাৰ পৰা ৪ বজাৰ ভিতৰত মনোনয়ন পত্ৰ দাখিল কৰা হয়। সভাপতি পদৰ বাবে নীতিন নবীনৰ সমৰ্থনত মুঠ ৩৭ টা খন মনোনয়ন দাখিল কৰা হয়। সকলো মনোনয়ন পত্ৰ ভালদৰে পৰীক্ষা কৰা হৈছিল আৰু সম্পূৰ্ণ বৈধ প্ৰমাণিত হয়।
বিজেপিৰ ৰাষ্ট্ৰীয় কাৰ্যকৰী সভাপতি তথা পাঁচবাৰৰ বিধায়ক নীতিন নবীন বিনা প্ৰতিদ্বন্দ্বিতাৰে বিজেপিৰ ৰাষ্ট্ৰীয় সভাপতি হিচাপে নিৰ্বাচিত হৈছে। কাইলৈ অৰ্থাৎ মঙলবাৰে পুৱা ১১:৩০ বজাত তেওঁৰ নাম আনুষ্ঠানিকভাৱে ঘোষণা কৰা হ’ব। নীতিন নবীনৰ বাবে ৩৭ খন মনোনয়ন পত্ৰ দাখিল কৰা হয়।
ৰিটাৰ্নিং বিষয়া ড০ কে লক্ষ্মণে বিজেপিৰ ৰাষ্ট্ৰীয় সভাপতি নিৰ্বাচনৰ প্ৰক্ৰিয়া সম্পূৰ্ণ হোৱা বুলি উল্লেখ কৰে। নিয়ম অনুসৰি এই প্ৰক্ৰিয়া আৰম্ভ হৈছিল যেতিয়া ৩৬খন ৰাজ্যৰ ভিতৰত ৩০খন ৰাজ্যত ৰাজ্যিক সভাপতিৰ নিৰ্বাচন সম্পূৰ্ণ হৈছিল, যিটোৱে প্ৰয়োজনীয় ৫০ শতাংশৰ বহুখিনি অতিক্ৰম কৰিছে। এই নিৰ্বাচনৰ আনুষ্ঠানিক অধিসূচনা ২০২৬ চনৰ ১৬ জানুৱাৰীত জাৰি কৰা হৈছিল।
নীতিন নবীনৰ বাবে ৩৭ খন মনোনয়ন পত্ৰ দাখিল
সোমবাৰে বিয়লি ২ বজাৰ পৰা ৪ বজাৰ ভিতৰত মনোনয়ন পত্ৰ দাখিল কৰা হয়। সভাপতি পদৰ বাবে নীতিন নবীনৰ সমৰ্থনত মুঠ ৩৭ টা খন মনোনয়ন দাখিল কৰা হয়। সকলো মনোনয়ন পত্ৰ ভালদৰে পৰীক্ষা কৰা হৈছিল আৰু সম্পূৰ্ণ বৈধ প্ৰমাণিত হয়। মনোনয়ন প্ৰত্যাহাৰৰ সময়সীমা পাৰ হোৱাৰ পিছত নিৰ্বাচনী বিষয়াগৰাকীয়ে আনুষ্ঠানিকভাৱে ঘোষণা কৰে যে, সভাপতি পদৰ বাবে মাত্ৰ এজন প্ৰাৰ্থী নিতিন নবীনহে ওলাইছে।
১৪ ডিচেম্বৰত ভাৰপ্ৰাপ্ত সভাপতি হয়
বিহাৰ চৰকাৰৰ মন্ত্ৰী নীতিন নবীনক বিগত বৰ্ষৰ ১৪ ডিচেম্বৰত ডাঙৰ দায়িত্ব দিয়া হৈছিল। বিজেপিয়ে তেওঁক দলৰ ৰাষ্ট্ৰীয় ভাৰপ্ৰাপ্ত সভাপতি হিচাপে নিযুক্তি দিয়ে। পাটনাৰ বাংকীপুৰৰ পৰা পাঁচবাৰৰ বিধায়ক হিচাপে নিৰ্বাচিত নবীনৰ বয়স ৪৫ বছৰ আৰু চৰকাৰ আৰু সংগঠনৰ ক্ষেত্ৰত যথেষ্ট অভিজ্ঞতা আছে। নীতিন নবীন বিজেপি নেতা নবীন কিশোৰ প্ৰসাদ সিনহাৰ পুত্ৰ। নীতিন নবীনে তিনিবাৰকৈ বিহাৰ চৰকাৰৰ কেবিনেট মন্ত্ৰী হিচাপে কাৰ্যনিৰ্বাহ কৰিছে। তেওঁ ছত্তীশগড় বিজেপিৰ প্ৰভাৰী হিচাপেও কাৰ্যনিৰ্বাহ কৰি আহিছে। তেওঁ বিজেপি যুৱ মৰ্চাৰ ৰাজ্যিক সভাপতি হিচাপেও কাৰ্যনিৰ্বাহ কৰি আহিছে।
নীতিন নবীন কোন?
১৯৮০ চনৰ ২৩ মে’ত ঝাৰখণ্ডৰ ৰাঁচীত জন্মগ্ৰহণ কৰিছিল নীতিন নবীনে। তেওঁৰ পিতৃ নবীন কিশোৰ প্ৰসাদ সিনহাও এজন বিধায়ক আছিল আৰু জে পি আন্দোলনৰ সৈতে জড়িত আছিল। তেওঁ বিজেপিৰ অন্যতম প্ৰতিষ্ঠাপক সদস্য আছিল। পিতৃৰ মৃত্যুৰ পিছত ৰাজনীতিত প্ৰৱেশ কৰিছিল নীতিনে। ২০০৬ চনত তেওঁ প্ৰথম বিধায়ক হয়।তাৰ পিছত তেওঁ ধাৰাবাহিকভাৱে বাংকীপুৰৰ পৰা নিৰ্বাচনত জয়লাভ কৰে। ২০১০, ২০১৫, ২০২০, আৰু ২০২৫ চনত বাংকীপুৰৰ পৰা একেৰাহে জয়লাভ কৰি ভাৰতীয় জনতা যুৱ মৰ্চাৰ সভাপতি আৰু ৰাষ্ট্ৰীয় সাধাৰণ সম্পাদকৰ দৰে পদতো কাৰ্যনিৰ্বাহ কৰি আহিছে।
