হিজবুল মুজাহিদীনৰ নেতা চৈয়দ ছালাহুদ্দিনৰ জামিনবিহীন ৱাৰেণ্ট জাৰি
চৈয়দ ছালাহুদ্দিন হিজবুল মুজাহিদীনৰ নেতা। তেওঁৰ প্ৰকৃত নাম মহম্মদ ইউছুফ শ্বাহ। তেওঁ কাশ্মীৰত সক্ৰিয় সন্ত্ৰাসবাদী সংগঠন হিজবুল মুজাহিদীনৰ নেতৃত্ব দিয়ে। তেওঁ পাকিস্তানস্থিত, আই এছ আইৰ পৃষ্ঠপোষকতাত থকা জেহাদী সন্ত্ৰাসবাদী সংগঠন ইউনাইটেড জেহাদ কাউন্সিলৰো মুৰব্বী।
এন আই এৰ বিশেষ আদালতে ২০১২ চনত বুডগাম থানাত অবৈধ কাৰ্যকলাপ (প্ৰতিৰোধ) আইন আৰু ভাৰতীয় দণ্ডবিধিৰ ৫০৬ ধাৰাত পঞ্জীয়ন হোৱা সন্ত্ৰাসবাদী গোচৰত হিজবুল মুজাহিদীনৰ নেতা চৈয়দ ছালাহুদ্দিনৰ বিৰুদ্ধে জামিনবিহীন ৱাৰেণ্ট জাৰি কৰিছে।
বুডগামৰ ছৈয়বোৰ বাসিন্দা ছালাহুদ্দিনে গ্ৰেপ্তাৰৰ পৰা হাত সাৰিবলৈ পাকিস্তানলৈ পলায়ন কৰা বুলি আদালতে এই ৱাৰেণ্ট জাৰি কৰে। আদালতে এই গোচৰত ইউএইপিএৰ ১৩, ১৮, ২০, আৰু ৩৯ নং ধাৰাৰ অধীনত অপৰাধৰ সৈতে তেওঁ জড়িত বুলি ধৰা পেলাইছে আৰু তদন্তকাৰী বিষয়াজনে সংগ্ৰহ কৰা সামগ্ৰীয়ে ছালাহুদ্দিনক সন্ত্ৰাসবাদী কাৰ্যকলাপৰ সৈতে জড়িত বুলি প্ৰমাণ দৃঢ় কৰি তুলিছে।
NIA আদালতে তেওঁক পলাতক বুলি ঘোষণা কৰিছিল
চি আৰ পি চিৰ ৭৩ নং ধাৰাৰ ওপৰত নিৰ্ভৰ কৰি বিশেষ ন্যায়াধীশগৰাকীয়ে জম্মু-কাশ্মীৰ আৰক্ষীক ৩৩১/২০১২ নং এফ আই আৰৰ সৈতে জড়িত ছালাহুদ্দিনক গ্ৰেপ্তাৰ কৰি অনুমোদনৰ পিছত অনুপস্থিতিত বিচাৰকে ধৰি অধিক আইনী আনুষ্ঠানিকতা সম্পূৰ্ণ কৰিবলৈ নিৰ্দেশ দিয়ে। ইয়াৰ পূৰ্বে এন আই এৰ আদালতে তেওঁক আনুষ্ঠানিকভাৱে পলাতক বুলি ঘোষণা কৰি ২০২৫ চনৰ ৩০ আগষ্টৰ পূৰ্বে আদালতত হাজিৰ হ’বলৈ নিৰ্দেশ দিছিল।
প্ৰকৃত নাম: মহম্মদ ইউছুফ শ্বাহ
চৈয়দ ছালাহুদ্দিন হিজবুল মুজাহিদীনৰ নেতা। তেওঁৰ প্ৰকৃত নাম মহম্মদ ইউছুফ শ্বাহ। তেওঁ কাশ্মীৰত সক্ৰিয় সন্ত্ৰাসবাদী সংগঠন হিজবুল মুজাহিদীনৰ নেতৃত্ব দিয়ে। তেওঁ পাকিস্তানস্থিত, আই এছ আইৰ পৃষ্ঠপোষকতাত থকা জেহাদী সন্ত্ৰাসবাদী সংগঠন ইউনাইটেড জেহাদ কাউন্সিলৰো মুৰব্বী। জম্মু-কাশ্মীৰৰ বুডগাম জিলাৰ ছৈয়বো গাঁৱৰ বাসিন্দা চৈয়দ ছালাহুদ্দিন। ভাৰতীয় ৰাষ্ট্ৰীয় অনুসন্ধান সংস্থাৰ মষ্ট ৱাণ্টেড সন্ত্ৰাসবাদীৰ তালিকাত তেওঁৰ নাম আছে। তেওঁক আমেৰিকাৰ বিদেশ মন্ত্ৰালয়ে বিশেষভাৱে নিৰ্ধাৰিত গ্ল’বেল টেৰ’ৰিষ্ট হিচাপে চিহ্নিত কৰিছে। ১৯৪৬ চনৰ ডিচেম্বৰ মাহত কাশ্মীৰ উপত্যকাৰ বুডগামৰ ছৈয়বোত জন্মগ্ৰহণ কৰিছিল চৈয়দ ছালাহুদ্দিনে।
হিজবুল মুজাহিদীনৰ মুৰব্বী
১৯৮৯ চনত নিৰ্বাচনৰ সময়ত হিংসাত্মক প্ৰতিবাদৰ বাবে চৈয়দ ছালাহুদ্দিনক গ্ৰেপ্তাৰ কৰা হৈছিল। মুক্তিৰ লগে লগে তেওঁ মহম্মদ আহছান দাৰ ওৰফে “মাষ্টাৰ”ৰ দ্বাৰা প্ৰতিষ্ঠা কৰা হিজবুল মুজাহিদীনত যোগদান কৰে। অতি সোনকালেই তেওঁ হিজবুল মুজাহিদীনৰ মুৰব্বী হিচাপে দায়িত্ব লয়।
