মুছলমানৰ বাবে মুকলি হয়নে RSSৰ দ্বাৰ! ‘বিচ্ছিন্নতাবাদ’ প্ৰসঙ্গৰে মোহন ভাগৱতে কৰিলে ডাঙৰ মন্তব্য
মুছলমান সকলৰ বাবে মুকলি হৈছে নেকি আৰ এছৰ এছ প্ৰৱেশদ্বাৰ? সংঘৰ মুৰব্বী মোহন ভাগৱতক উদ্দেশ্যি স্পষ্টকৈ কৰা হৈছিল এই প্ৰশ্ন। এনে প্ৰশ্নৰ উত্তৰত মোহন ভাগৱতে কৰিছে গুৰুত্বপূৰ্ণ মন্তব্য। তেওঁৰ এই মন্তব্যক লৈ এতিয়া দেশজুৰি চলিছে চৰ্চা।
সংঘ পৰিবাৰত প্ৰৱেশৰ অনুমতি দিয়া হৈছে নেকি মুছলমানক? মুছলমান সকলৰ বাবে মুকলি হৈছে নেকি আৰ এছৰ এছ প্ৰৱেশদ্বাৰ? সংঘৰ মুৰব্বী মোহন ভাগৱতক উদ্দেশ্যি স্পষ্টকৈ কৰা হৈছিল এই প্ৰশ্ন। কেৱল ইমানেই নহয়, দেশৰ সংখ্যালঘুসকলক লৈ সংঘৰ চিন্তাধাৰা সন্দৰ্ভতো মোহন ভাগৱতৰ প্ৰতি নিক্ষেপ কৰা হৈছিল প্ৰশ্নবাণ। ৰাইজৰ মনত উত্থাপিত এনে প্ৰশ্নৰ উত্তৰত মোহন ভাগৱতে কৰিছে গুৰুত্বপূৰ্ণ মন্তব্য। তেওঁৰ এই মন্তব্যক লৈ এতিয়া দেশজুৰি চলিছে চৰ্চা।
কি ক’লে মোহন ভাগৱতে?
আৰ এছ এছৰ শতবাৰ্ষিকী উদযাপনৰ উদ্দেশ্যে কৰ্ণাটকৰ বেংগালুৰু চহৰত এক বৈঠক আয়োজন কৰা হৈছিল। দেওবাৰে এই বৈঠকত উপস্থিত থাকে মোহন ভাগৱত। অনুষ্ঠানত উত্থাপন হোৱা প্ৰশ্নৰ উত্তৰত তেওঁ বিশেষ মন্তব্য কৰিছে। তেওঁৰ ভাষ্য অনুসৰি, কোনো মুছলমান বা খ্ৰীষ্টান সংঘত প্ৰৱেশ কৰিব নোৱাৰিব। একেদৰেই স্থান নাই কোনো ব্ৰাহ্মণ বা আন কোনো জাতি ধৰ্মৰ লোকৰ।
মোহন ভাগৱতৰ ভাষাত ‘সংঘত কেৱল হিন্দুসকলকহে প্ৰৱেশ কৰিবলৈ দিয়া হৈছে। যিকোনো আন ধৰ্ম যেনে মুছলমান, খ্ৰীষ্টানসকলে নিজৰ বিচ্ছিন্নতাবাদী আৱেগ একাষৰীয়া কৰি সংঘত যোগদান কৰিব পাৰে বুলিও আৰ এছ এছ মুৰব্বীগৰাকীয়ে মন্তব্য কৰিছে। মোহন ভাগৱতৰ মতে, সংঘত যেতিয়া কোনোৱে যোগদান কৰে তেতিয়া তেওঁ কোনো বিশেষ ধৰ্ম বা জাতিৰ নহয়।
#WATCH | Bengaluru | On being asked are Muslims allowed in RSS?, RSS Chief Mohan Bhagwat says, “No Brahmin is allowed in Sangha. No other caste is allowed in Sangha. No Muslim is allowed, no Christian is allowed in the Sangha… Only Hindus are allowed. So people with different… https://t.co/CbBHvT9H7n pic.twitter.com/WJNjYWPMSq
— ANI (@ANI) November 9, 2025
তেওঁৰ ভাষ্য অনুসৰি, “ভাৰত মাতৃৰ পুত্ৰ আৰু হিন্দু সম্প্ৰদায়ৰ সদস্য হিচাপে যিকোনো ব্যক্তিয়ে সংঘত যোগদান কৰিব পাৰে।” মোহন ভাগৱতে লগতে কয়, “মুছলমান, খ্ৰীষ্টান আৰু হিন্দু ধৰ্মৰ অন্যান্য জাতিৰ লোকেও সংঘত যোগদান কৰিব পাৰে। তেওঁলোকক কোন বুলিও সুধিব নোৱাৰো? মই জানো যে আমি সকলোৱে ভাৰত মাতৃৰ পুত্ৰ। এয়া আমাৰ সংঘৰ নীতি।”
লক্ষণীয়ভাৱে মুছলমান সন্দৰ্ভত মোহন ভাগৱতৰ এনে মন্তব্য এয়াই প্ৰথম নহয়। ইয়াৰ পূৰ্বেও তেওঁ ভাৰতীয় মুছলমানৰ ‘অস্তিত্ব’ কাৰ্যতঃ অস্বীকাৰ কৰিছিল। ভাগৱতৰ দৃষ্টিত এই দেশত কোনো অহিন্দু বা মুছলমান বা খ্ৰীষ্টান নাই। ভাৰতৰ সকলো লোকেই হিন্দু তথা সকলোৰে পূৰ্বপুৰুষ হিন্দু বুলি তেওঁ মন্তব্য কৰিছিল।
