হত্যা নে চৰম পন্থা? এটা কোঠাতে ওলমি থকা অৱস্থাত উদ্ধাৰ পৰিয়ালৰ ৪গৰাকীকৈ সদস্যৰ মৃতদেহ

মহাৰাষ্ট্ৰৰ নাগপুৰ জিলাত ঘৰৰ ভিতৰতে এটা পৰিয়ালৰ চাৰিজন সদস্যক মৃত অৱস্থাত উদ্ধাৰৰ ঘটনাই চাঞ্চল্যৰ সৃষ্টি কৰিছে । এক দম্পতী আৰু তেওঁলোকৰ দুই পুত্ৰক ঘৰৰ ভিতৰত মৃত অৱস্থাত পোৱা গৈছে। ঘটনাটোক লৈ আৰক্ষীয়ে আত্মহত্যাৰ সন্দেহ কৰিছে। যেতিয়া চুবুৰীয়াসকলে ঘৰত কোনো শব্দ পোৱা নাছিল তেওঁলোকে আৰক্ষীক খবৰ দিছিল। তাৰ পাছত আৰক্ষী ঘটনাস্থলীত উপস্থিত হৈছিল আৰু ঘৰৰ দুৱাৰ ভাঙিছিল। ইয়াৰ পাছৰ দৃশ্য অতি ভয়াৱহ আছিল। য’ত সকলোৰে মৃতদেহ ওলমি আছিল। আৰক্ষীয়ে ঘটনাস্থলীৰ পৰা এখন চুইচাইড নোট লাভ কৰিছে।

নাগপুৰৰ ঘটনাটোৱে সমগ্ৰ অঞ্চলটোত এক চাঞ্চল্যৰ সৃষ্টি কৰিছে। আৰক্ষীয়ে জনোৱা মতে, মৃতসকলক বিজয় মধুকৰ পাচোৰী (৬৮), মধুকৰ পাচোৰীৰ পত্নী মামা (৫৫) আৰু তেওঁলোকৰ পুত্ৰ গণেশ আৰু দীপক বুলি চিনাক্ত কৰা হৈছে।

ঘৰত নীৰৱতা দেখি চুবুৰীয়াসকলে আৰক্ষীক খবৰ দিছিল। আৰক্ষী উপস্থিত হৈছিল আৰু ঘৰৰ দুৱাৰত টোকৰ মাৰিছিল কিন্তু কোনো উত্তৰ নোপোৱাত দুৱাৰখন ভাঙি দিছিল। দুৱাৰখন ভাঙি ঘৰত প্ৰৱেশ কৰাৰ লগে লগে তেওঁ দেখিলে যে পৰিয়ালৰ চাৰিজন সদস্যৰ মৃতদেহ ওলমি আছে। আৰক্ষীয়ে মৃতদেহ কেইটা তললৈ নমাই মৰণোত্তৰ পৰীক্ষাৰ বাবে প্ৰেৰণ কৰে। আৰক্ষীয়ে ঘটনাস্থলীৰ পৰা এখন চুইচাইড নোট উদ্ধাৰ কৰিছে। যাৰ পৰা এইটো স্পষ্ট যে ডাঙৰ পুত্ৰক এটা গোচৰত কাৰাগাৰলৈ নিয়াৰ বাবে পৰিয়ালৰ সকলো লোকে আত্মহত্যা কৰিছে।

নাগপুৰ গ্ৰাম্য আৰক্ষীৰ এজন বিষয়াই কয় ঘৰটোত পোৱা এটা চুইচাইড নোটে দেখুৱাইছে যে প্ৰৱঞ্চনাৰ গোচৰত পুত্ৰক গ্ৰেপ্তাৰ কৰাৰ পাছত পৰিয়ালটো চাপত আছিল। অধিক তথ্য প্ৰদান কৰি আৰক্ষী বিষয়াজনে কয় যে যেতিয়া ঘৰৰ দুৱাৰ ভাঙিছিল, পৰিয়ালৰ সকলো সদস্যক ওলমি থকা অৱস্থাত পোৱা গৈছিল। যিসকলক পাছত চিনাক্ত কৰা হৈছে।

বিষয়াসকলে কৈছে যে ঘটনাস্থলীৰ পৰা এখন চুইচাইড নোট উদ্ধাৰ কৰা হৈছে। চুইচাইড নোটখনত পৰিয়ালৰ সকলো সদস্যৰ স্বাক্ষৰ আছে। তেওঁ কয়, আৰক্ষীয়ে দুৰ্ঘটনাজনিত মৃত্যুৰ এটা গোচৰ ৰুজু কৰিছে আৰু বিষয়টো তদন্ত কৰি আছে। তাত উদ্ধাৰ হোৱা এখন চুইচাইড নোটে দেখুৱাইছে যে এই বছৰৰ আৰম্ভণিতে মধ্য প্ৰদেশৰ পান্ধুৰ্ণা আৰক্ষী থানাত পঞ্জীয়ন কৰা এটা প্ৰৱঞ্চনাৰ গোচৰত ডাঙৰ পুত্ৰক গ্ৰেপ্তাৰ কৰাৰ বাবে পৰিয়ালটো যথেষ্ট চাপত আছিল।