এগৰাকী যুৱতীৰ বাবে ভগৱান হৈ আহিল চনু সুদ! অভিনেতাগৰাকীৰ ফটোত পৰিয়ালৰ লোকে ঢালিলে গাখীৰ

৪ বছৰ আগতে দেশবাসীয়ে কৰোনাৰ সৈতে যুদ্ধ কৰি আছিল। তেতিয়া এজন মানুহে নিজৰ জীৱনতো তুচ্চ কৰি আনক সহায় কৰি আছিল। সেই ব্যক্তিজন সকলো দৰিদ্ৰ লোকৰ বাবে ত্ৰাণকৰ্তা হিচাপে থিয় দিছিল। তেওঁ হ’ল বলীউডৰ অভিনেতা চনু সুদ । অৱশ্যে এতিয়া দেশত কৰোনাৰ বিস্তাৰ হ্ৰাস পাইছে। কিন্তু চনু সুদে এতিয়াও আৰ্তজনক সহায় কৰাৰ পৰা আঁতৰি থকা নাই। শেহতীয়াকৈ চনুৱে পুনৰ অন্ধ্ৰ প্ৰদেশৰ কুৰনুলত এজনী ছোৱালীক সহায় কৰিছে। যাৰ বাবে ছোৱালীজনীৰ পৰিয়ালৰ সদস্যসকলে অভিনেতাজনৰ পোষ্টাৰত গাখীৰ ঢালিছে।

ছোৱালীজনী কুৰ্ণুল জিলাৰ আস্পৰি মণ্ডলৰ বানাভা নুৰৰ বাসিন্দা। তেওঁৰ নাম দেৱী কুমাৰী। ছোৱালীজনীয়ে বিএছচি পঢ়িব বিচাৰিছিল। কিন্তু ঘৰত ধনৰ অভাৱৰ বাবে তেওঁ পঢ়িব পৰা নাছিল। পঢ়িবলৈ তেওঁৰ ইচ্ছা দেখি এজন ব্যক্তিয়ে তেওঁৰ এটা ভিডিঅ’ ছ’চিয়েল মিডিয়াত শ্বেয়াৰ কৰিছিল। ভিডিঅ’টোত, ছোৱালীজনীয়ে পঢ়াৰ বাবে চনু সুদৰ পৰা সহায় বিচাৰি অনুৰোধ কৰিছিল আৰু কৈ আছিল, “ছাৰ মোক সহায় কৰক।” চনু সুদে সেই ভিডিঅ’টো দেখিছিল আৰু মহাবিদ্যালয়ত তেওঁৰ নামভৰ্তি কৰাইছিল।

চনু সুদে আশ্বাস দিছিল

চনু সুদে সেই ভিডিঅ’টো চোৱাৰ পাছত এটা পোষ্ট দিছিল। সেই পোষ্টটোত, তেওঁ কৈছিল, কোনো পৰিস্থিতিত আপোনাৰ পঢ়া-শুনা এৰি নিদিব। একে সময়তে, তেওঁ যুৱতীগৰাকীক কলেজলৈ যাবলৈ সাজু হ’বলৈ কৈছিল।

দেৱীয়ে কৈছিল যে তেওঁ পঢ়ি ভাল পায়। ঘৰৰ আৰ্থিক অৱস্থা দুৰ্বল হোৱাৰ বাবে, তেওঁৰ পৰিয়ালে বিচাৰিছিল যে তেওঁ মাজতে পঢ়া-শুনা এৰি দিয়ক। তাৰ পাছত চনু সুদে তেওঁক সহায় কৰিছিল আৰু পঢ়িবলৈ সুযোগ দিছিল। দেৱীয়ে এইটোও কৈছিল যে তেওঁ চনু সুদক ঈশ্বৰ হিচাপে গণ্য কৰে।

চনুৰ ফটোত গাখীৰ ঢালিছিল

চনু সুদৰ উত্তৰৰ পাছত, ছোৱালীজনী আৰু তেওঁ পৰিয়াল সুখী হৈছিল আৰু তেওঁলোকে চনুৰ পোষ্টাৰত গাখীৰ ঢালিছিল। লগতে ভিডিঅ’টো ছ’চিয়েল মিডিয়াত আপলোড কৰা হৈছিল। চনু সুদে সেই ভিডিঅ’টো পোষ্ট কৰি লিখিছিল, “আপোনাৰ প্ৰেমৰ বাবে ধন্যবাদ। ভালদৰে অধ্যয়ন কৰিব। ইতিমধ্যে মহাবিদ্যালয়ত আপোনাৰ নামভৰ্তি কৰা হৈছে।” তেওঁ অন্ধ্ৰ প্ৰদেশৰ এই কন্যাগৰাকীক জীৱনৰ উচ্চ শিখৰত যোৱাত কৰাত সহায় কৰিছিল।