বঞ্চিত গৌৰৱ গগৈ! স্থান পালে শশী থাৰুৰে… চৰকাৰে গঠন কৰা সৰ্বদলীয় প্ৰতিনিধি দলক লৈ তীব্ৰ বিবাদ

শেহতীয়াকৈ ভাৰত আৰু পাকিস্তানৰ মাজত সংঘাতৰ পিছত ১০ মে’ত যুদ্ধবিৰতি ঘোষণা কৰা হৈছিল। ভাৰতৰ প্ৰতিশোধমূলক কাৰ্যত ১০০ৰো অধিক সন্ত্ৰাসবাদী নিহত হয়। পাক অধিকৃত কাশ্মীৰত নিজৰ শিবিৰ পাতিছিল সকলোৱে। ভাৰতৰ আক্ৰমণৰ পিছত সমগ্ৰ বিশ্বই দেখিছে পাকিস্তানৰ বাস্তৱ; সন্ত্ৰাসবাদীক আশ্ৰয় দিয়াৰ ধৰণ। ইয়াৰ মাজতে  অপাৰেশ্যন সেন্দূৰ সন্দৰ্ভত ৮খন দেশলৈ এটা প্ৰতিনিধি দল প্ৰেৰণ কৰিব ভাৰতে।  সাংসদৰ সৰ্বদলীয় প্ৰতিনিধি দল নিযুক্তি কৰিছে ভাৰত চৰকাৰে । এই প্ৰতিনিধি দলত অন্তৰ্ভুক্ত কৰা হৈছে তিৰুৱনন্তপুৰমৰ কংগ্ৰেছৰ সাংসদ শশী থাৰুৰক , যাক লৈ এতিয়া ৰাজনীতি আৰম্ভ হৈছে।

১৬ মে’ত লোকসভাৰ বিৰোধী দলপতি ৰাহুল গান্ধীয়ে সংসদীয় পৰিক্ৰমা মন্ত্ৰী কিৰেন ৰিজিজুলৈ এখন পত্ৰ লিখি কংগ্ৰেছৰ প্ৰাক্তন মন্ত্ৰী আনন্দ শৰ্মা, লোকসভাৰ কংগ্ৰেছৰ উপ-নেতা গৌৰৱ গগৈ, ৰাজ্যসভাৰ সাংসদ ড০ চৈয়দ নাছিৰ হুছেইন আৰু লোকসভাৰ সাংসদ অমৰিন্দৰ সিং ৰাজা ৱাডিংকে ধৰি কংগ্ৰেছৰ চাৰিজন সাংসদৰ নাম উল্লেখ কৰিছিল। অৱশ্যে তেওঁলোকৰ কোনোৱেই সৰ্বদলীয় প্ৰতিনিধি দলত স্থান নাপালে।

কংগ্ৰেছৰ সাধাৰণ সম্পাদক জয়ৰাম ৰমেশে ছ’চিয়েল মিডিয়া প্লেটফৰ্ম “এক্স”ত তথ্য শ্বেয়াৰ কৰি কয় যে, “শুকুৰবাৰে পুৱা সংসদীয় পৰিক্ৰমা মন্ত্ৰীয়ে কংগ্ৰেছৰ সভাপতি আৰু বিৰোধী দলপতিৰ সৈতে ফোন বাৰ্তালাপ কৰে। য’ত ৰাহুল গান্ধীয়ে মন্ত্ৰীলৈ প্ৰতিনিধি দলত অন্তৰ্ভুক্ত হ’বলৈ চাৰিজন সাংসদৰ নাম পৰামৰ্শ দিছিল, যিয়ে আন্তঃৰাষ্ট্ৰীয় মঞ্চত ভাৰতৰ দৃষ্টিভংগী ফলপ্ৰসূভাৱে উপস্থাপন কৰিব। অৱশ্যে ৰাহুলে পৰামৰ্শ দিয়া কোনো নাম বাছি লোৱা নাই কিৰেন ৰিজিজুৱে। এই কাৰণেই শশী থাৰুৰ নিযুক্তি সন্দৰ্ভত বহু প্ৰশ্ন উত্থাপন হৈছে।”

Yesterday morning, the Minister of Parliamentary Affairs Kiren Rijiju spoke with the Congress President and the Leader of the Opposition in the Lok Sabha. The INC was asked to submit names of 4 MPs for the delegations to be sent abroad to explain India’s stance on terrorism from…

— Jairam Ramesh (@Jairam_Ramesh) May 17, 2025

ইফালে অসমৰ মুখ্যমন্ত্ৰী হিমন্ত বিশ্ব শৰ্মাই শনিবাৰে প্ৰতিনিধি দলৰ বাবে কংগ্ৰেছৰ সাংসদ গৌৰৱ গগৈৰ নাম প্ৰেৰণ কৰাক লৈ উদ্বেগ প্ৰকাশ কৰে। ছ’চিয়েল মিডিয়া হেণ্ডেল এক্সত পোষ্ট কৰি নাম নোলোৱাকৈ গৌৰৱ গগৈক টাৰ্গেট কৰে হিমন্ত বিশ্ব শৰ্মাই। তেওঁ কয়, তালিকাত নাম উল্লেখ কৰা এজন সাংসদে (অসমৰ) পাকিস্তানত দীৰ্ঘদিনীয়া থকাৰ কথা অস্বীকাৰ কৰা নাই।” ইয়াৰ লগতে তেওঁ আৰু কয়, “নিৰ্ভৰযোগ্য নথি-পত্ৰই দেখুৱাই যে ভাৰতত কাম কৰি থকাৰ সময়ত তেওঁৰ পত্নীয়ে পাকিস্তান ভিত্তিক এন জি অ’ৰ পৰা দৰমহা লৈছিল।”

असम के जिस कांग्रेसी सांसद ने न तो कभी पाकिस्तान का विरोध किया और न ही उसके ख़िलाफ़ कुछ बोला, बल्कि जो स्वयं पाकिस्तान जाकर आए हैं, उसी व्यक्ति को कांग्रेस ने पाकिस्तान के विरुद्ध सर्वदलीय प्रतिनिधिमंडल में नियुक्त कर दिया! pic.twitter.com/n712JwILsm

— Himanta Biswa Sarma (@himantabiswa) May 17, 2025

ইয়াক ৰাষ্ট্ৰীয় নিৰাপত্তাৰ কথা আখ্যা দি অসমৰ মুখ্যমন্ত্ৰীয়ে কংগ্ৰেছ নেতা ৰাহুল গান্ধীক নেতা (গৌৰৱ গগৈ)ক “স্পৰ্শকাতৰ আৰু কৌশলগত এচাইনমেণ্ট”ত জড়িত নকৰিবলৈ কয়।কংগ্ৰেছৰ সাধাৰণ সম্পাদক জয়ৰাম ৰমেশে কংগ্ৰেছৰ সাধাৰণ সম্পাদক জয়ৰাম ৰমেশে পাকিস্তানজনিত সন্ত্ৰাসবাদৰ ক্ষেত্ৰত ভাৰতৰ স্থিতিৰ ব্যাখ্যাৰ লক্ষ্যৰে চৰকাৰৰ বিদেশী প্ৰতিনিধি দলৰ বাবে চাৰিজন সাংসদৰ নাম দাখিল কৰা বুলি নিশ্চিত কৰাৰ পিছতে এক্সত বিজেপি নেতা শৰ্মাই এই পোষ্টটো প্ৰকাশ কৰে।

উল্লেখ্য যে,  জম্মু-কাশ্মীৰৰ পহলগামত সংঘটিত সন্ত্ৰাসবাদী আক্ৰমণ আৰু ইয়াৰ প্ৰতি সঁহাৰি জনাই অপাৰেশ্যন সেন্দূৰ আৰম্ভ হোৱাৰ পিছতে চৰকাৰে এই সিদ্ধান্ত গ্ৰহণ কৰিছে। এই আক্ৰমণ ২২ এপ্ৰিলত বৈসাৰণ উপত্যকাত সংঘটিত হৈছিল, য’ত তেওঁলোকৰ ধৰ্মৰ বিষয়ে সুধি হত্যা কৰা হৈছিল ২৬ জন পৰ্যটকক। এই সন্ত্ৰাসবাদী আক্ৰমণত ২৬ জন পৰ্যটক নিহত হয়।

ইয়াৰ পাছতে পহলগাম আক্ৰমণৰ প্ৰতিশোধ ল’বলৈ বহু কঠোৰ সিদ্ধান্ত গ্ৰহণ কৰে ভাৰত চৰকাৰে। ইয়াৰ ভিতৰত আছিল সিন্ধু জল চুক্তি আৰু সকলো পাকিস্তানীক ভাৰত এৰি যাবলৈ দিয়া নিৰ্দেশ। ইয়াৰ বাহিৰেও পাকিস্তানৰ এই আক্ৰমণৰ প্ৰতিশোধ ল’বলৈ ভাৰতে ৬ মে’ৰ নিশা আৰু ৭ মে’ৰ পুৱা অপাৰেশ্যন সেন্দূৰৰ আৰম্ভ কৰিছিল। এই অভিযানত সেনাই পাক অধিকৃত কাশ্মীৰৰ সন্ত্ৰাসবাদী শিবিৰত বোমা বিস্ফোৰণ কৰিছিল। ইয়াৰ ফলত ১০০ৰো অধিক সন্ত্ৰাসবাদী নিহত হয়।