ব্ৰহ্মপুত্ৰ এপাৰ্টমেণ্টত ভয়ংকৰ অগ্নিকাণ্ড, ৰাজ্যসভাৰ সাংসদৰ বাসগৃহ ভস্মীভূত
সংসদ ভৱনৰ পৰা মাত্ৰ ২০০ মিটাৰ দূৰত্বত অৱস্থিত এই এপাৰ্টমেণ্টত সংঘটিত অগ্নিকাণ্ডৰ ঘটনাই স্থানীয় বাসিন্দা আৰু নিৰাপত্তাৰক্ষীৰ মাজত তীব্ৰ আতংকৰ সৃষ্টি কৰিছে। জানিব পৰা মতে, অগ্নিকাণ্ডৰ ৩০ মিনিটৰ পাছতহে অগ্নিনিৰ্বাপক বাহিনীৰ বাহনসমূহ ঘটনাস্থলীত উপস্থিত হৈছিল।
দিল্লীৰ প্ৰখ্যাত ডাঃ বিষম্বৰ দাস মাৰ্গৰ ব্ৰহ্মপুত্ৰ এপাৰ্টমেণ্টত আজি এক ভয়ংকৰ অগ্নিকাণ্ড সংঘটিত হয়। এই এপাৰ্টমেণ্টসমূহত ৰাজ্যসভাৰ অধিকাংশ সাংসদৰ বাসগৃহ আছে। সংসদ ভৱনৰ পৰা মাত্ৰ ২০০ মিটাৰ দূৰত্বত অৱস্থিত এই এপাৰ্টমেণ্টত সংঘটিত অগ্নিকাণ্ডৰ ঘটনাই স্থানীয় বাসিন্দা আৰু নিৰাপত্তাৰক্ষীৰ মাজত তীব্ৰ আতংকৰ সৃষ্টি কৰিছে। জানিব পৰা মতে, অগ্নিকাণ্ডৰ ৩০ মিনিটৰ পাছতহে অগ্নিনিৰ্বাপক বাহিনীৰ বাহনসমূহ ঘটনাস্থলীত উপস্থিত হৈছিল।
জুই নিয়ন্ত্ৰণৰ বাবে ছটা অগ্নিনিৰ্বাপক বাহিনীৰ ইঞ্জিন মোতায়েন কৰা হৈছে। অৱশ্যে এতিয়ালৈকে কোনো লোক হতাহতিৰ খবৰ পোৱা নাই। টিএমচিৰ সাংসদ সাকেত গোখলেই টুইটাৰযোগে লিখিছে, “দিল্লীৰ বিডি মাৰ্গৰ ব্ৰহ্মপুত্ৰ এপাৰ্টমেণ্টত এক বৃহৎ অগ্নিকাণ্ড সংঘটিত হয়। আটাইকেইজন বাসিন্দা ৰাজ্যসভাৰ সাংসদ। সংসদ ভৱনৰ পৰা ২০০ মিটাৰ দূৰত্বত অট্টালিকাটো। ৩০ মিনিটত অগ্নিনিৰ্বাপক বাহিনীৰ লোক আহি পোৱা নাই। জুই এতিয়াও জ্বলি আছে। বাৰে বাৰে ফোন কৰাৰ পিছতো অগ্নিনিৰ্বাপক বাহিনীৰ ইঞ্জিন নিৰুদ্দেশ। দিল্লী চৰকাৰ, অলপ চৰম কৰক।”
#WATCH | A fire broke out at Brahmaputra Apartments in New Delhi. Six vehicles have been dispatched to the spot. Efforts are underway to put out the fire. https://t.co/QfqJWbteUi pic.twitter.com/0RY9JOzGbq
— ANI (@ANI) October 18, 2025
এই অগ্নিকাণ্ডত বহুলাখ টকা মূল্যৰ সামগ্ৰী নষ্ট
অগ্নিকাণ্ড সংঘটিত হোৱা অট্টালিকাটোৰ সমুখত ৰৈ বিনোদ নামৰ ব্যক্তিজনে ক’লে, “মোৰ কুকুৰটো ভিতৰত আবদ্ধ হৈ পৰিল। মোৰ ছোৱালীজনীৰ বিয়া কেইমাহমানৰ পাছত, আৰু আমি কিনা সকলো গহনা, সোণ, কাপোৰ-কানি ভিতৰত… মোৰ পত্নী আৰু মোৰ এটা সন্তানো জ্বলি গৈছে। তেওঁলোক হাস্পতালত আছে…জুই কেনেকৈ লাগিল সেই বিষয়ে আমাৰ হাতত কোনো তথ্য নাই… মোৰ ঘৰটো তৃতীয় মহলাত।”
#WATCH | Delhi | Vinod, a resident of Brahmaputra apartments, says, “… My dog was stuck inside. My daughter is about to be married in a matter of months, and all the jewellery, gold, and clothes we had bought are also inside… My wife and one of my children also suffered… pic.twitter.com/MwwGU6P7fM
— ANI (@ANI) October 18, 2025
দিল্লীৰ অন্যতম ভিআইপি এলেকা
এই অঞ্চলটোক অতি স্পৰ্শকাতৰ আৰু গুৰুত্বপূৰ্ণ চৰকাৰী অঞ্চল বুলি গণ্য কৰা হয়। সেয়ে অগ্নিকাণ্ড আৰু অগ্নিনিৰ্বাপক বাহিনীৰ আগমনত পলম হোৱাত বহু প্ৰশ্নৰ উত্থাপন হৈছে। প্ৰাথমিকভাৱে কোনো বৃহৎ ক্ষয়-ক্ষতিৰ খবৰ পোৱা নাই যদিও অগ্নিকাণ্ডৰ সঠিক কাৰণ এতিয়াও জানিব পৰা হোৱা নাই। ঘটনাস্থলীত অগ্নিনিৰ্বাপক বাহিনীয়ে অধ্যৱসায়ীভাৱে কাম কৰি আছে জুই নিয়ন্ত্ৰণ আৰু ক্ষয়-ক্ষতিৰ মূল্যায়ন। আৰক্ষীয়েও তদন্ত আৰম্ভ কৰিছে।
