টোল কৰৰ বাবে এতিয়া আৰু চিন্তা কৰিব নালাগে, ৩০০০ টকাত এবছৰৰ বাবে পাব ফাষ্টটেগ ৰিচাৰ্জ

ৰাষ্ট্ৰীয় ঘাইপথেৰে যাত্ৰা কৰোঁতে টোল কৰৰ বাবে আপুনি নিশ্চয় অস্বস্তিত পৰে। অসমত টোল কৰক লৈ বিভিন্ন সময়ত বিতৰ্ক, চৰকাৰক সমালোচনা আদি কৰা দেখা যায়। কিন্তু এতিয়া দেশৰ ৰাষ্ট্ৰীয় ঘাইপথত সঘনাই যাত্ৰা কৰা লোকসকলৰ বাবে আহিছে এক সুখবৰ।

কেন্দ্ৰীয় মন্ত্ৰী নীতিন গাডকাৰীয়ে বুধবাৰে কয় যে চৰকাৰে ব্যক্তিগত বাহনৰ বাবে ফাষ্টটেগৰ বাৰ্ষিক পাছ প্ৰদান কৰিব, যাৰ বাবে ৩ হাজাৰ টকা খৰচ হ’ব। এই পাছ ব্যৱস্থা ২০২৫ চনৰ ১৫ আগষ্টৰ পৰা আৰম্ভ হ’ব। এই পাছৰ জৰিয়তে ব্যক্তিগত বাহনৰ মালিকসকলে কম খৰচত আৰু চাপমুক্তভাৱে ৰাষ্ট্ৰীয় ঘাইপথত যাত্ৰা কৰিব পাৰিব। এই পাছৰ অধীনত বাহনৰ মালিকসকলে এবছৰত সৰ্বাধিক ২০০ বাৰ টোল গেটৰ মাজেৰে পাৰ হ’ব পাৰিব।

কেন্দ্ৰীয় মন্ত্ৰী গাডকাৰীয়ে এক্সত এক পোষ্টযোগে জনোৱা মতে, অবাণিজ্যিক যান-বাহনৰ কথা মনত ৰাখি এই সুবিধা বিশেষভাৱে প্ৰস্তুত কৰা হৈছে, যাতে ৰাষ্ট্ৰীয় ঘাইপথত মসৃণ আৰু নিৰৱচ্ছিন্ন যাত্ৰা সম্ভৱপৰ হ’ব পাৰে। গডকাৰীয়ে কয় যে অতি সোনকালে এই পাছৰ বাবে NHAI আৰু MoRTHৰ ৱেবছাইট আৰু ‘ৰাজস্থান যাত্ৰা এপ’ত সুকীয়া লিংক উপলব্ধ কৰা হ’ব, যাৰ জৰিয়তে বাহনৰ মালিকে পাছ লাভ কৰিব পাৰিব। নবীকৰণ প্ৰক্ৰিয়া অনলাইনতো কৰিব পাৰিব।

महत्वपूर्ण घोषणा। 📢

एक ऐतिहासिक पहल के तहत, 15 अगस्त 2025 से ₹3,000 की कीमत वाला FASTag आधारित वार्षिक पास शुरू किया जा है। यह पास सक्रिय होने की तिथि से एक वर्ष तक या 200 यात्राओं तक, जो भी पहले हो, वैध रहेगा।

यह पास केवल गैर-व्यावसायिक निजी वाहनों (कार, जीप, वैन आदि) के लिए…

— Nitin Gadkari (@nitin_gadkari) June 18, 2025

নতুন পাছ ব্যৱস্থাৰ কি লাভ হ’ব?

গাডকাৰীয়ে কয় যে নতুন বাৰ্ষিক পাছ নীতিৰ লক্ষ্য হৈছে ৬০ কিলোমিটাৰ ব্যাসাৰ্ধত অৱস্থিত টোল প্লাজাৰ সৈতে জড়িত পুৰণি সমস্যাসমূহ সমাধান কৰা। একক ডিজিটেল লেনদেনৰ জৰিয়তে টোল কৰ প্ৰদান সহজ কৰি তোলা, টোল প্লাজাত অপেক্ষাৰ সময় হ্ৰাস কৰা, যানজঁট হ্ৰাস কৰা আৰু বিবাদ দূৰ কৰা ইয়াৰ প্ৰধান লক্ষ্য। এই ঘোষণাই লাখ লাখ ব্যক্তিগত বাহন চালকক যথেষ্ট সকাহ দিব বুলি আশা কৰা হৈছে, যিয়ে তেওঁলোকৰ যাত্ৰা দ্ৰুত কৰাই নহয়, অধিক আৰামদায়ক আৰু মানসিক চাপমুক্ত কৰিব।