পাৰ্কিঙত বহিয়েই বোমা নিৰ্মাণ কৰিছিল ডাঃ ওমৰে, তদন্তত চাঞ্চল্যকৰ তথ্য প্ৰকাশ
নিৰাপত্তা সংস্থাৰ ভিতৰৰ সূত্ৰৰ মতে, ঘটনাস্থলীত উদ্ধাৰ হোৱা প্ৰমাণৰ ভিত্তিত ওমৰে মাত্ৰ ৫ৰ পৰা ১০ মিনিটতে বিস্ফোৰণটো সংঘটিত কৰিছিল। সন্ত্ৰাসবাদী ডাঃ ওমৰ মহম্মদে হয়তো এমোনিয়াম নাইট্ৰেট, পেট্ৰলিয়াম, বিস্ফোৰক সামগ্ৰী ব্যৱহাৰ কৰি বোমা প্ৰস্তুত কৰিছিল।
দিল্লী বোমা বিস্ফোৰণৰ তদন্তই গতি লোৱাৰ লগে লগে বহু নতুন নতুন তথ্য পোহৰলৈ আহিছে। হাৰিয়ানা, দিল্লী, কাশ্মীৰৰ পিছত এতিয়া সমগ্ৰ ষড়যন্ত্ৰ উন্মোচন কৰিবলৈ তদন্তকাৰী সংস্থা পঞ্জাৱত উপস্থিত হৈছে। পঞ্জাৱৰ পাঠানকোটৰ ব্যক্তিগত চিকিৎসা মহাবিদ্যালয় আৰু চিকিৎসালয়ৰ পৰা ৰিয়াজ আহমেদ নামৰ এজন চিকিৎসকক আটক কৰিছে নিৰাপত্তা সংস্থাই।
প্ৰাথমিক তথ্য অনুসৰি চিকিৎসকগৰাকীয়ে ২০২০ চনৰ পৰা ২০২১ চনলৈ ফৰিদাবাদৰ আল-ফালাহ বিশ্ববিদ্যালয়ত কাম কৰিছিল। খবৰ অনুসৰি বিশ্ববিদ্যালয়খনৰ চিকিৎসকৰ সৈতে নিয়মীয়াকৈ সংস্পৰ্শত আছিল ৰিয়াজ আৰু দিল্লী বোমা বিস্ফোৰণৰ মূল অভিযুক্ত ডাঃ ওমৰৰ সৈতেও তেওঁ সংস্পৰ্শত আছিল। সম্প্ৰতি নিৰাপত্তা সংস্থাই ৰিয়াজক সোধা-পোছাৰ বাবে লৈ গৈছে।
দিল্লী বিস্ফোৰণৰ তদন্তত ডাঙৰ তথ্য প্ৰকাশ
নিৰাপত্তা সংস্থাৰ তদন্তত প্ৰকাশ পাইছে যে দিল্লী বিস্ফোৰণত ২ কিলোগ্ৰামতকৈ অধিক এমোনিয়াম নাইট্ৰেট ব্যৱহাৰ কৰা হৈছিল। মূল অভিযুক্ত ডাঃ ওমৰ নবী আছিল বোমা নিৰ্মাণৰ বিশেষজ্ঞ। এই কথা প্ৰকাশ কৰিছে বিস্ফোৰণত ব্যৱহাৰ কৰা আই-২০ গাড়ীখনৰ ৬০ শতাংশ অৱশিষ্টই।
সূত্ৰ অনুসৰি বিস্ফোৰণত বিস্ফোৰণক সামগ্ৰীও ব্যৱহাৰ কৰা হৈছিল। ঘটনাস্থলীৰ পৰা ফৰেনছিক দলটোৱে পাতল তাঁৰ উদ্ধাৰ কৰাৰ লগতে পেট্ৰলিয়াম ব্যৱহাৰ কৰা বুলিও নিৰ্ণয় কৰে। খননত ব্যৱহাৰ কৰা বিস্ফোৰক সামগ্ৰী উদ্ধাৰ কৰা হৈছে।
তদন্তকাৰী সংস্থাসমূহৰ সূত্ৰই কি ক’লে?
ফৰেনছিক দলটোৱে এতিয়ালৈকে ৫২টাতকৈও অধিক বিস্ফোৰক নমুনাৰ বিশ্লেষণত প্ৰকাশ পাইছে যে সন্ত্ৰাসবাদী ডাঃ ওমৰ মহম্মদে হয়তো এমোনিয়াম নাইট্ৰেট, পেট্ৰলিয়াম, বিস্ফোৰক সামগ্ৰী ব্যৱহাৰ কৰি বোমা প্ৰস্তুত কৰিছিল।
নিৰাপত্তা সংস্থাৰ ভিতৰৰ সূত্ৰৰ মতে, ঘটনাস্থলীত উদ্ধাৰ হোৱা প্ৰমাণৰ ভিত্তিত ওমৰে মাত্ৰ ৫ৰ পৰা ১০ মিনিটতে বিস্ফোৰণটো সংঘটিত কৰিছিল। ফৰেনছিক তদন্ততো এনে বিস্ফোৰক বিস্ফোৰণৰ বাবে মাত্ৰ ৫ৰ পৰা ১০ মিনিটতে প্ৰস্তুত কৰিব পৰা যাব বুলিও পোহৰলৈ আহিছে।
