নচলিব গুণ্ডা কৰ! সম্পূৰ্ণ বৈধভাৱে আৰম্ভ হ’ল কয়লা ব্যৱসায়…
সম্পূৰ্ণ বৈধ পদ্ধতিৰে আৰম্ভ কয়লা ব্যৱসায়।চুবুৰীয়া ৰাজ্য মেঘালয়ৰ সোতৰ মাইলত এটা বৈধ কয়লা ডিপোৰ শুভাৰম্ভ। ৰাজ্যখনৰ জয়ন্তীয়া হিলচৰ ৰজাই শুভাৰম্ভণি কৰে এই ডিপো।
সম্পূৰ্ণ বৈধভাৱে আৰম্ভ হ’ল কয়লা ব্যৱসায়। বুধবাৰে গুৱাহাটীৰ সমীপৰ বৰ্নিহাটৰ ১৭ মাইলত দুখন কয়লা ভৰ্তি ট্ৰাকৰ ফ্লেগ অফ কৰি এখন বিহাৰৰ বাবে আৰু আনখন উত্তৰ প্ৰদেশলৈ প্ৰেৰণ কৰে। এয়া আছিল চুবুৰীয়া ৰাজ্য মেঘালয়ৰ প্ৰথমটো বৈজ্ঞানিক কয়লা খনন ব্লকৰ পৰিবহণ।
শেহতীয়াকৈ মেঘালয়ৰ মুখ্যমন্ত্ৰী কনৰাড চাংমাই মুকলি কৰা পূৱ জয়ন্তীয়া পাহাৰৰ বাইণ্ডিহাটীস্থিত সৰিংখাম-এ” কয়লা খনিৰ খনন পট্টাটোৰ স্বত্বাধিকাৰী দপমেইন শ্বিলাই এই বাণিজ্যিক পৰিৱৰ্তন স্থান আৰম্ভ কৰিছিল। মেঘালয়ৰ পৰা কয়লা পৰিবহণৰ ফলত ভাৰতলৈ কয়লা আমদানি যথেষ্ট হ্ৰাস পাব বুলি আশা কৰা হৈছে।
২০২৪ চনৰ জানুৱাৰী মাহত কেন্দ্ৰ আৰু মেঘালয়ৰ তিনিজন খনিকৰৰ মাজত চুক্তি স্বাক্ষৰিত হৈছিল। তাৰ পাছতে কয়লা বাণিজ্যৰ ক্ষেত্ৰখনলৈ এই পৰিবৰ্তন আহিছে। ৰাষ্ট্ৰীয় সেউজ ন্যায়াধিকৰণ (National Green Tribunal, NGT) য়ে পাৰম্পৰিক, অবৈজ্ঞানিক ৰেট হোল খননৰ লগত জড়িক ব্যাপক সুৰক্ষা আৰু পৰ্যাবৰণ সম্পৰ্কীয় কাৰণত ২০১৪ চনত মেঘালয়ত কয়লা খনতত সম্পূৰ্ণ নিষেধাজ্ঞা আৰোপ কৰিছিল।
এই প্ৰথাৰ ফলত বিশেষকৈ কয়লা সমৃদ্ধ জয়ন্তীয়া পাহাৰ অঞ্চলত অসংখ্য খনিকৰৰ মৃত্যু হৈছিল। কিন্তু ৰাজ্য চৰকাৰে উচ্চতম ন্যায়ালয়ত সফলতাৰে আবেদন জনায় আৰু ২০১৯ চনত এন জি টি নিষেধাজ্ঞা উঠাই লয়।
ইয়াৰ পাছতে আজি এই নতুন ব্যৱসায় আৰম্ভ হয়। এই সময়চোৱাত বাহিৰৰ পৰা অহা ব্যৱসায়ীসকলে আজিৰ অনুষ্ঠানত অংশগ্ৰহণ কৰে। এই অনুষ্ঠানত স্থানীয় ৰাইজে অংশগ্ৰহণ কৰি এই সিদ্ধান্তৰ শলাগ লয় আৰু কয় যে ইয়ে অঞ্চলটোৰ উন্নতি সাধন কৰিব।
উল্লেখ কৰা প্ৰয়োজন যে, যোৱা ১৭ মাৰ্চত মেঘালয়ৰ মুখ্যমন্ত্ৰী কনৰাড চাংমাই পূব জয়ন্তীয়া পাহাৰৰ বাইণ্ডিহাটীস্থিত সৰিংখাম-এ” কয়লা খনি মুকলি কৰিছিল।
২০১৪ চনৰ নিষেধাজ্ঞাৰ পূৰ্বে কয়লা খননে মেঘালয়ৰ বাবে বাৰ্ষিক প্ৰায় ৭০০ কোটি টকা ৰাজহ আহৰণ কৰিছিল। মেঘালয় চৰকাৰ আৰু কয়লা ইণ্ডিয়া লিমিটেডে এতিয়ালৈকে বৈজ্ঞানিক খননৰ বাবে ১২টা লেছ নিযুক্তি দিছিল। এতিয়া বৈজ্ঞানিক খননে ৰাজ্যত অবৈধ অবৈজ্ঞানিক খনন হ্ৰাস কৰিব। আইনী বৈধ জি এছ টি কাগজেৰে এই পৰিবহণে অবৈধ কয়লাৰ ব্যৱসায়ো বন্ধ কৰিব। ইয়াৰ পূৰ্বতে ব্যৱসায়ীসকলে গুণ্ডা কৰ হিচাপে মেঘালয়, অসম, পশ্চিম বংগ আৰু বিহাৰ পাৰ হ’বলৈ ৩ লাখ টকা দিব লাগিছিল।
অন্য খবৰ পঢ়কঃ মৰ্মান্তিক! সেনাৰ বাহনৰ ওপৰত বাগৰি পৰিল ডাঙৰ পাথৰ, শ্বহীদ জোৱান, আহত বহুতো…
