আহমেদাবাদত ভূ-পতিত এয়াৰ ইণ্ডিয়াৰ বিমান, কোনখন দেশৰ কিমানজন যাত্ৰী আছিল?

গুজৰাটৰ আহমেদাবাদত দুৰ্ঘটনাগ্ৰস্ত হোৱা এয়াৰ ইণ্ডিয়াৰ বিমানখনত মুঠ ২৪২ জন লোকৰ ভিতৰত বহু বিদেশী যাত্ৰীও আছিল। বিমানখনে লণ্ডনলৈ উৰা মাৰিছিল যদিও হঠাতে দুৰ্ঘটনাৰ সন্মুখীন হ’বলগীয়া হয়। আহতসকলক চিকিৎসালয়ত ভৰ্তি কৰোৱা হৈছে। অব্যাহত আছে সাহায্য আৰু উদ্ধাৰ অভিযান।

গুজৰাটৰ আহমেদাবাদত দুৰ্ঘটনাগ্ৰস্ত হৈছে এয়াৰ ইণ্ডিয়াৰ বয়িং ৮৭৮-৮ যাত্ৰীবাহী বিমান। পিটিআইৰ মতে, বিমানবন্দৰৰ পৰা উৰা মৰা বিমানখন মেঘনানী নগৰ অঞ্চলৰ এখন মানসিক চিকিৎসালয়ত ভাঙি পৰে। এই বিমানখনত মুঠ ২৪২ জন লোক আছিল, য’ত আছিল ২ জন পাইলট, ১০ জন ক্ৰু মেম্বাৰ আৰু ২৩০ জন যাত্ৰী।

কোন দেশৰ পৰা কিমান যাত্ৰী

এয়াৰ ইণ্ডিয়াই দিয়া তথ্য অনুসৰি বিমানখনে দুপৰীয়া ১৩:৩৮ বজাত উৰা মাৰিছিল। বিমানখনত  ২৪২ জন যাত্ৰী আছিল, ইয়াৰে ১২ জন বিমান কৰ্মী, বাকী ২৩০ জন যাত্ৰীৰ ভিতৰত সৰ্বাধিক ১৬৯ জন ভাৰতীয় আছিল। তাৰ ভিতৰত ৫৩ জন ব্ৰিটিছ নাগৰিক, ১ জন যাত্ৰী কানাডাৰ আৰু ৭ জন পৰ্তুগীজ নাগৰিক। এয়াৰ ইণ্ডিয়াৰ তথ্য অনুসৰি আহতসকলক চিকিৎসালয়ত ভৰ্তি কৰোৱা হৈছে। এই বিমান দুৰ্ঘটনাত ২০ জনতকৈ অধিক ছাত্ৰ-ছাত্ৰীৰ মৃত্যুৰ আশংকা।  বি জে মেডিকেল কলেজৰ হোষ্টেলৰ অট্টালিকাত দুৰ্ঘটনাগ্ৰস্ত হৈছিল বিমানখন।

সাময়িকভাৱে বন্ধ বিমানবন্দৰ

হেল্পলাইন নম্বৰ মুকলি