শোকাৱহ ঘটনা! পাহাৰত নিৰ্মিত ৰ’পৱে ভাঙি ৬ জনৰ মৃত্যু, আহত বহু…

গুজৰাটৰ পঞ্চমহল জিলাৰ সংঘটিত হৈছে এক শোকাৱহ ঘটনা।  পাহাৰত নিৰ্মিত এটা ৰ’পৱে ভাঙি পৰাৰ ফলত এই পৰ্যন্ত ৬ জন লোকৰ মৃত্যুৰ খবৰ পোহৰলৈ আহিছে। এই দুৰ্ঘটনাত বহু লোক আহত হোৱাৰ খবৰ পোৱা গৈছে। দুৰ্ঘটনা সংঘটিত হোৱাৰ লগে লগে স্থানীয় প্ৰশাসনিক বিষয়াসকলে সেই স্থানত উপস্থিত হৈ উদ্ধাৰ অভিযান আৰম্ভ কৰে। আহতসকলক নিকটৱৰ্তী চিকিৎসালয়ত ভৰ্তি কৰোৱা হৈছে। বৰ্তমান সময়ত দুৰ্ঘটনাটো কেনেকৈ সংঘটিত হ’ল তাৰ তদন্ত চলি আছে?

তথ্য অনুসৰি এই ৰ’পৱেটো পঞ্চমহল জিলাৰ পাৱাগঢ় পাহাৰত নিৰ্মাণ কৰা হৈছিল। পাহাৰত নিৰ্মাণৰ কাম চলি আছে। এই ৰ’পৱে’ৰ জৰিয়তে নিৰ্মাণ সামগ্ৰী পাহাৰৰ ওপৰলৈ নিয়া হৈছিল। ৰ’পৱে লিফ্টত বহুত গধুৰ সামগ্ৰী তুলি পাহাৰৰ ওপৰলৈ নিবলৈ চেষ্টা কৰি থাকোঁতে ভাঙি যায় ৰ’পৱেটো। এই দুৰ্ঘটনাত ২ জন অপাৰেটৰকে ধৰি মুঠ ৬ জন লোকৰ মৃত্যু হয়।

কি ক’লে মন্ত্ৰী ঋষিকেশ পেটেলে

এই দুৰ্ঘটনা সন্দৰ্ভত গুজৰাটৰ মন্ত্ৰী ঋষিকেশ পেটেলে কয় যে, পাৱাগঢ় পাহাৰত দুটা ৰ’পৱে আছে, ইয়াৰে এটা যাত্ৰী কঢ়িয়াই নিয়াৰ বাবে আৰু আনটো সামগ্ৰী ডেলিভাৰীৰ বাবে। প্ৰাথমিক তথ্য অনুসৰি সামগ্ৰী কঢ়িয়াই অনা ৰ’পৱেটো ভাঙি গৈছে। ১ নং টাৱাৰৰ ওচৰত ৬ জন শ্ৰমিক আৰু সামগ্ৰী কঢ়িয়াই অনা লিফ্টখনৰ তাঁৰ ছিঙি যায়। তাৰ পিছত গোটেই বগীখন তললৈ পৰি যায়। লিফ্টত থকা ৬ জন শ্ৰমিকৰ মৃত্যু হৈছে। তেওঁলোকৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰা হৈছে।

#WATCH | Gandhinagar | On Panchmahal ropeway accident, Gujarat Minister Rushikesh Patel says, “…In Pavagadh, one ropeway is for passengers and the other is to transport goods. According to primary information, near tower no. 1, the wire of a bogie carrying six labourers broke,… https://t.co/dKdWfGI16A pic.twitter.com/ALijOcTUxu

— ANI (@ANI) September 6, 2025

উল্লেখ্য যে ,পাৱাগঢ় দেশৰ অন্যতম প্ৰধান শক্তিপীঠ মন্দিৰ। হাজাৰ হাজাৰ ভক্তই তালৈ গৈ মাৰ দৰ্শন কৰে। মালবাহী ৰ’পৱেটো ভাঙি যোৱাৰ কাৰণ এতিয়াও জানিব পৰা হোৱা নাই যদিও দুৰ্ঘটনাত দুজন লিফ্টমেন, দুজন শ্ৰমিক আৰু আন দুজন লোকৰ মৃত্যু হৈছে। দুৰ্ঘটনাটোৰ সন্দৰ্ভত তদন্তৰ নিৰ্দেশ দিয়া হৈছে। তদন্তৰ অন্তত দোষীৰ বিৰুদ্ধে কঠোৰ ব্যৱস্থা গ্ৰহণ কৰা হ’ব।