গাঁওবাসীয়ে পুৱা শোৱাপাটী নেৰোতেই আহিল আৰক্ষীৰ দল, কেউফালে হাহাকাৰ, যিয়ে যেনিয়েই পাৰে কেৱল পলাইছে…ক’ত, কিয় এই ঘটনা?

আমাৰ দেশৰ বিভিন্ন প্ৰান্তত বিভিন্ন কাহিনী লুকাই থাকে। বহু ঘটনাও নিতৌ ঘটি থাকে, যিবোৰৰ কিছুমান পোহৰলৈ আহে আৰু কিছুমান লোকচক্ষুৰ আঁৰত ৰৈ যায়। আজি আমি এনে এখন গাঁৱৰ বিষয়ে ক’বলৈ লৈছোঁ, যিখন গাঁও জনাজাত হৈছে গাঁওবাসীৰ ঠগ-প্ৰৱঞ্চনাৰ বাবে। জানো আহক এই গাঁৱৰ মানুহেনো কেনেকৈ ঠগ-প্ৰৱঞ্চনা কৰিলে।

মথুৰাৰ গোবৰ্ধনৰ প্ৰতিটো কোণতে ভগৱান শ্ৰীকৃষ্ণই বাস কৰে মানুহে বিশ্বাস কৰে। কিন্তু এই পবিত্ৰ ভূমি বিগত দুটা দশকত প্ৰৱঞ্চনাৰ কেন্দ্ৰবিন্দু হৈ পৰিছে। দেৱছেৰাছ, মোডছেৰাছ, মন্দৌৰা, নাগলা মেও গাঁৱৰ শতাধিক যুৱকে সোনকালে ধনী হোৱাৰ আশাত প্ৰৱঞ্চনাৰ আশ্ৰয় লৈছে। বৃহস্পতিবাৰে পুৱাতে মথুৰা আৰক্ষীয়ে দেৱছেৰাছ গাঁৱত অভিযান চলাই এক চাঞ্চল্যৰ সৃষ্টি কৰে।

ঠাণ্ডাৰ দিন, মানুহবোৰ টোপনিৰ পৰা সাৰ পোৱাৰ সময়তেই হঠাৎ পথাৰত গধুৰ খোজৰ শব্দ প্ৰতিধ্বনিত হ’ল। কিছু মুহূৰ্তৰ ভিতৰতে কেইবাজনো বিষয়া আৰু শতাধিক আৰক্ষীয়ে গাঁওখন ঘেৰি ধৰে। আৰক্ষীয়ে প্ৰায় ৪২ জন লোকক আটক কৰাৰ বিপৰীতে ১২০ জন প্ৰৱঞ্চকে পথাৰৰ মাজেৰে পলায়ন কৰে।

২০ বছৰতকৈও অধিক সময় ধৰি মথুৰাৰ গোৱৰ্ধনত সক্ৰিয় হৈ আছে টাটলু চক্ৰ। ইতিমধ্যে হাজাৰ হাজাৰ লোকক ফান্দত পেলাইছে প্ৰৱঞ্চকে। প্ৰথম অৱস্থাত সস্তীয়া সোণৰ প্ৰতিশ্ৰুতিৰে মানুহক প্ৰলোভিত কৰিছিল, তাৰ পিছত পণবন্দী কৰি লুটপাত কৰিছিল। সময়ৰ লগে লগে এই প্ৰৱঞ্চকসকলে নিজৰ কৌশল সলনি কৰিলে আৰু যোৱা দশকত ই এক সংগঠিত চাইবাৰ জালিয়াতিৰ নেটৱৰ্কত পৰিণত হৈছে। এতিয়া এই গেংবোৰে ফেচবুক আৰু ইনষ্টাগ্ৰাম আইডি হেক কৰি অ’টিপি আৰু অন্যান্য বেংক একাউণ্টৰ সবিশেষ লাভ কৰি জালিয়াতিৰ আশ্ৰয় লৈছে।

গোবৰ্ধনৰ দেৱছেৰাছ গাঁৱত আছে কেলেংকাৰীকাৰীৰ এটা নেটৱৰ্ক

এই সমগ্ৰ জালিয়াতিৰ নেটৱৰ্কৰ কেন্দ্ৰবিন্দু হিচাপে গণ্য কৰা হয় গোবৰ্ধনৰ দেৱছেৰাছ গাঁও। গাঁওখনৰ সত্তৰ শতাংশ বাসিন্দা কোনোবা নহয় কোনোবা প্ৰকাৰে প্ৰৱঞ্চনাৰ সৈতে জড়িত। ইয়াৰে বৃহৎ সংখ্যক মেও সম্প্ৰদায়ৰ। ইয়াৰ পৰা কাম কৰা গেং সদস্যসকলে বেছিভাগেই গাঁৱৰ বাহিৰত কাম কৰে আৰু আৰক্ষীৰ কাৰ্যকলাপ তীব্ৰতৰ হোৱাৰ লগে লগে আন ৰাজ্যলৈ পলায়ন কৰে।

প্ৰায় বিশ বছৰ আগলৈকে এই গেঙে মানুহক সস্তীয়া সোণ বুলি পিতল বিক্ৰী কৰিছিল আৰু তাৰ পিছত বাটত লুটপাত কৰিছিল। কেতিয়াবা, সহায় বিচাৰি বাটত আক্ৰমণ কৰিছিল। কাৰোবাৰ পৰা পৰ্যাপ্ত ধন লাভ কৰিব নোৱাৰিলে পণবন্দী কৰি পৰিয়ালৰ সদস্যৰ পৰা মুক্তিপণ দাবী কৰিছিল। তেওঁলোকৰ মূল লক্ষ্য আছিল বিল্ডাৰ, ব্যৱসায়ী, বাহিৰৰ পৰা অহা মানুহ।

কিন্তু যোৱা দশকত এই দলটোৱে ডিজিটেল জগতত প্ৰৱেশ কৰিছে, আৰু চাইবাৰ জালিয়াতি তেওঁলোকৰ নতুন কৌশলত পৰিণত হৈছে। ফেচবুক আৰু ইনষ্টাগ্ৰাম আইডি হেক কৰা, কাৰোবাৰ নামত ধন দাবী কৰা, বেংকৰ কৰ্মচাৰী বা কোম্পানীৰ প্ৰতিনিধিৰ ৰূপ লৈ ফোন কৰা, অ’টিপি লাভ কৰা আৰু একাউণ্ট খালী কৰা আদি তেওঁলোকৰ মূল পদ্ধতি হৈ পৰিছে।

নাম প্ৰকাশত অনিচ্ছুক এজন গাঁৱৰ মানুহে কয় যে ইয়াত ২০ বছৰতকৈও অধিক সময় ধৰি এই প্ৰৱঞ্চনা চলি আহিছে। চাইবাৰ জালিয়াতি যোৱা চাৰি-পাঁচ বছৰত শেহতীয়াকৈহে আৰম্ভ হৈছে। এই গাঁৱত নিবনুৱা সমস্যা বেছি, যাৰ বাবে যুৱক-যুৱতীসকলে প্ৰৱঞ্চনাৰ আশ্ৰয় লয়।

প্ৰথমবাৰৰ বাবে মথুৰাত প্ৰৱঞ্চকৰ বিৰুদ্ধে এনে বৃহৎ ব্যৱস্থা

বৃহস্পতিবাৰে দেৱছেৰাছ গাঁৱত আৰক্ষীয়ে সংঘটিত কৰে এতিয়ালৈকে সৰ্ববৃহৎ অভিযান। এই অভিযানৰ পূৰ্বে আৰক্ষীয়ে এটা সম্পূৰ্ণ পৰিকল্পনা প্ৰস্তুত কৰিছিল। চাৰিজন আই পি এছ বিষয়া, চাৰিজন চি অ’, ২৬ জন পৰিদৰ্শক, আৰু প্ৰায় ৪০০ আৰক্ষী আৰু পি এ চিৰ কৰ্মী এই অভিযানৰ অংশ আছিল। গোপনে চলাইছিল এই অভিযান।

গাঁৱৰ পৰা কিছু দূৰৈত আৰক্ষীৰ বাহন ৰখাই দিয়া হৈছিল, আৰু নিৰাপত্তা বাহিনীটোৱে পথাৰৰ মাজেৰে গাঁওখনত প্ৰৱেশ কৰিছিল, যাতে কোনো অভিযুক্তই পৰিস্থিতিৰ বিষয়ে অৱগত নহয়। অভিযান আৰম্ভ হোৱাৰ লগে লগে আতংকই গাঁওবাসীক আগুৰি ধৰিলে।

এই অভিযানত আৰক্ষীয়ে মুঠ ৪০ জন লোকক আটক কৰাৰ বিপৰীতে প্ৰায় ১২০ জন অভিযুক্তই পলায়ন কৰে। পলায়ন কৰা বহু প্ৰৱঞ্চক চুবুৰীয়া ৰাজ্য হাৰিয়ানা আৰু ৰাজস্থানৰ ফালে পলায়ন কৰে, কিয়নো গাঁওখনৰ পৰা ৰাজ্যৰ সীমান্ত পাৰ হ’বলৈ মাত্ৰ এক মিনিট সময় লাগে। এই কাৰণেই এই অপৰাধীক খেদি খেদি ধৰাটো আৰক্ষীৰ বাবে অহৰহ প্ৰত্যাহ্বান হৈয়েই আছে।

কেৱল দেৱছেৰাছ গাঁৱতে নহয়, আশে-পাশে থকা কেইবাখনো গাঁৱতো এক সমান্তৰাল চাইবাৰ জালিয়াতিৰ নেটৱৰ্ক দীৰ্ঘদিন ধৰি সক্ৰিয় হৈ আছে। কিন্তু এই সমগ্ৰ নেটৱৰ্কটো মূলতঃ দেৱছেৰাছৰ পৰা পৰিচালিত হয়, যাৰ ফলত ইয়াক “মিনি-জামতাৰা” বুলি কোৱা হৈছে। ইয়াত চাইবাৰ জালিয়াতিৰ ৰেকেটৰ বিকাশ ঘটিছে ঝাৰখণ্ডৰ কুখ্যাত জামতাৰা মডেলৰ দৰেই।