প্ৰথমে কিশোৰীৰ সৈতে বলপূৰ্বকভাৱে বিবাহ ৬০ বছৰীয়া বৃদ্ধৰ, তাৰ পিছত জংঘললৈ নি…

অপৰাধীৰ কোনো বয়স নাই। সেই কথাকে প্ৰমাণিত কৰি ১৫ বছৰীয়া কিশোৰীৰ সৈতে বলপূৰ্বকভাৱে বিবাহ এজন ৬০ বছৰীয়া বৃদ্ধৰ। তাৰ পিছত কিশোৰীগৰাকীক জংঘললৈ লৈ গৈ অপকৰ্ম সংঘটিত কৰিলে। কেৱল এয়াই নহয়, পিছত ঘৰত কিশোৰীগৰাকীক হাৰাশাস্তিৰ লগতে উপৰ্যুপৰি ধৰ্ষণ কৰাৰ অভিযোগ উত্থাপন হয়। ইতিমধ্যে অভিযুক্ত বৃদ্ধজনক গ্ৰেপ্তাৰ কৰি জে’ললৈ প্ৰেৰণ কৰিছে আৰক্ষীয়ে। ঘটনা সন্দৰ্ভত থানাত গোচৰ ৰুজু কৰিছিল কিশোৰীগৰাকীৰ পৰিয়ালে।

ঘটনাটো উত্তৰ প্ৰদেশৰ কুছিনগৰৰ নেবুৱা নৌৰাংগীয়া গাঁৱৰ। তথ্য অনুসৰি অঞ্চলটোত বাস কৰা আদবয়সীয়া লোকজনে প্ৰথমে ১৫ বছৰীয়া কিশোৰীগৰাকীক প্ৰলোভিত কৰি মদনপুৰত অৱস্থিত মন্দিৰলৈ লৈ যায়। তাতে তেওঁ ছোৱালীজনীৰ কিশোৰীগৰাকীৰ শিৰত সেন্দূৰ পিন্ধাই কয়- এতিয়া তেওঁ মোৰ পত্নী। তাৰ পাছত কিশোৰীগৰাকী ওচৰৰ হাবি এখনলৈ লৈ যায়। তাত ছোৱালীজনীৰ লগতে অপকৰ্ম সংঘটিত কৰে বৃদ্ধজনে । ইয়াৰ পিছত তেওঁ ছোৱালীজনীক ঘৰলৈ পঠিয়াই দিয়ে। যোৱাৰ সময়ত তেওঁ ছোৱালীজনীক ভাবুকি দি কয়, “যদি এই কথা কাৰোবাক কোৱা তেন্তে মই তোমাক মাৰি পেলাম।”

ছোৱালীজনীয়েও এই কথা কাকো কোৱা নাছিল। মঙলবাৰে নিশা নাবালিকা ছোৱালীজনী ঘৰৰ পৰা ওলাই অহাত বৃদ্ধজনে পুনৰ মুখ বন্ধ কৰি নিজৰ ঘৰলৈ লৈ গ’ল। তাতো তেওঁৰ ঘৰত কিশোৰীগৰাকীক পুনৰ ধৰ্ষণ কৰে। কিছুসময়ৰ পাছত যেতিয়া ছোৱালীজনীৰ মাকে ছোৱালীজনীক বিচাৰি ওলাই আহিল, তেতিয়া দেখিলে যে বৃদ্ধজনে কন্যাক লৈ ঘৰত সোমাইছে। ছোৱালীজনীৰ মাকে দিয়া তথ্যৰ ভিত্তিত পৰিয়ালৰ লোকে বৃদ্ধজনৰ ঘৰত উপস্থিত হয়।

তাৰ পিছত ততাতৈয়াকৈ উত্তৰ প্ৰদেশ ১১২ আৰক্ষীক খবৰ দিয়া হয়। পলম নকৰাকৈ আৰক্ষীয়ে নিশাই সেই স্থানত উপস্থিত হয় আৰু বৃদ্ধজনৰ ঘৰত কিশোৰীগৰাকীক বিচলিত অৱস্থাত বহি থকা দেখা পায়। কিশোৰীগৰাকীয়ে মাতৃ দেখি সাৱটি ধৰি কান্দিবলৈ ধৰে। কিশোৰীগৰাকীয়ে ক’লে- “তেওঁ মোৰ লগত বেয়া কাম কৰিছে। কথাটো গম পোৱাৰ পিছত লগে লগে আৰক্ষীয়ে বৃদ্ধজনক আটক কৰে। কিশোৰীগৰাকীৰ চিকিৎসা পৰীক্ষা কৰোৱা হয়।

অভিযুক্ত বৃদ্ধক জে’ললৈ প্ৰেৰণ

বুধবাৰে পুনৰ এই গোচৰত ভুক্তভোগীৰ ভাতৃয়ে আৰক্ষীক এজাহাৰ দিয়ে। তাৰ পিছত আৰক্ষীয়ে বৃদ্ধ ৰঞ্জিত সিঙৰ বিৰুদ্ধে এফআইআৰ দাখিল কৰি আদালতত কাষ চাপে। য’ত অভিযুক্তক জে’ললৈ প্ৰেৰণ কৰা হয়। ঘটনা সন্দৰ্ভত SO দীপক কুমাৰ সিঙে কয়  – “ভুক্তভোগীৰ ভাতৃৰ অভিযোগৰ ভিত্তিত অভিযুক্তৰ বিৰুদ্ধে গোচৰ ৰুজু কৰি জে’ললৈ প্ৰেৰণ কৰা হয়। এই গোচৰত অধিক তদন্ত কৰি থকা হৈছে।”