পুনেত ভয়ংকৰ হেলিকপ্টাৰ দুৰ্ঘটনা, নিহত ৩ জন…

বুধবাৰে পুৱা ভাগতে এক ভয়ংকৰ দুৰ্ঘটনাত পতিত হৈছে এখন হেলিকপ্টাৰ(helicopter crashes in Pune) । এই দুৰ্ঘটনাটো মহাৰাষ্ট্ৰৰ পুনে জিলাত সংঘটিত হোৱা বুলি জানিব পৰা গৈছে । সূত্ৰই জানিবলৈ দিয়া মতে, মহাৰাষ্ট্ৰৰ পুনে জিলাত বুধবাৰে পুৱা এখন হেলিকপ্টাৰ দুৰ্ঘটনাত পতিত হৈ অগ্নিকাণ্ড সংঘটিত হয় । ইয়াৰ ফলত তিনিজন লোকৰ মৃত্যু হোৱা বুলি আৰক্ষীয়ে জানিবলৈ দিয়ে।

জানিব পৰা মতে দুৰ্ঘটনাগ্ৰস্ত হোৱা হেলিকপ্টাৰখন দিল্লীৰ এটা ব্যক্তিগত বিমান পৰিবহণ প্ৰতিষ্ঠানৰ আছিল । হেলিকপ্টাৰখন অক্সফৰ্ড গলফ কোৰ্ছৰ হেলিপেডৰ পৰা মুম্বাইৰ জুহুৰ অভিমুখে গৈ আছিল । এগৰাকী বিষয়াই জানিবলৈ দিয়া মতে, এই যাত্ৰাৰ কালতে হেলিকপ্টাৰখন দুৰ্ঘটনাত পতিত হয় । প্ৰাথমিক তথ্য অনুসৰি, এই দুৰ্ঘটনাত মৃত্যু হোৱা তিনিজন লোকৰ ভিতৰত দুজন পাইলট আৰু এজন অভিযন্তা আছিল বুলি বিষয়াসকলে জানিবলৈ দিছে ।

STORY | Helicopter crashes in Pune; 2 persons feared dead

READ: https://t.co/JiZqJ3gIPL

VIDEO: #PuneHelicopterCrash #PuneNews

(Third Party) pic.twitter.com/SJmhRzPTh1

— Press Trust of India (@PTI_News) October 2, 2024

আৰক্ষীৰ সূত্ৰই সদৰী কৰা মতে, অক্সফৰ্ড গলফ খেলপথাৰৰ সমীপৱৰ্তী বাভধান অঞ্চলৰ পাহাৰীয়া ভূখণ্ডৰ সমীপত পুৱা ৬.৪৫ বজাত এই দুৰ্ঘটনাটো সংঘটিত হয়। “হেলিকপ্টাৰ দুৰ্ঘটনাটোত তিনিজন লোকৰ মৃত্যু হৈছে। অগ্নিনিৰ্বাপক বাহিনীৰ গাড়ীসহ আমাৰ দলসমূহ সেই স্থানত উপস্থিত হৈছে।” এইদৰে কয় আৰক্ষীৰ সূত্ৰই ।

আৰক্ষীয়ে জনোৱা মতে, হেলিকপ্টাৰখন দুৰ্ঘটনাত পতিত হোৱাৰ কাৰণ এতিয়াও জানিব পৰা হোৱা নাই । দুৰ্ঘটনাত পতিত হোৱাৰ পাছতে হেলিকপ্টাৰখনত জুই লাগি যায় । অগ্নিকাণ্ডৰ ফলত হেলিকপ্টাৰখন সম্পূৰ্ণৰূপে ভস্মীভূত হয় । দুৰ্ঘটনাৰ কাৰণ সন্দৰ্ভত তদন্ত আৰম্ভ কৰিছে আৰক্ষীয়ে ।