ইছলামত মদ স্পৰ্শ কৰাটোও পাপ! তেন্তে বাংলাদেশত কোনে হজম কৰিলে কোটি কোটি টকাৰ সুৰা? কোম্পানী হ’ল মালামাল

বাংলাদেশ এখন মুছলমান সংখ্যাগৰিষ্ঠ দেশ। মুছলমান ধৰ্মত মদ খোৱা নিষিদ্ধ। ইয়াৰ পিছতো দেশখনত সুৰাৰ বিক্ৰীয়ে অভিলেখ সৃষ্টি কৰিছে। মুছলমান ধৰ্মত মদ নিষিদ্ধ হোৱাৰ বাবে কঠোৰ নিয়মৰ ব্যৱস্থা কৰা হৈছে, যাৰ ফলত সুৰা ক্ৰয় কৰাটো কঠিন হৈ পৰিছে। বাংলাদেশৰ অমুছলমানে অনুমতি পত্ৰৰ সহায়তহে মদ ক্ৰয় কৰিব পাৰে, এই অনুমতি পত্ৰৰ বাবে বয়সৰ সীমা কমেও ২১ বছৰ হ’ব লাগে। তদুপৰি দেশখনত মাত্ৰ এটা সুৰা প্ৰস্তুত কোম্পানী আছে। কিন্তু এই নিষেধাজ্ঞাৰ মাজতো সুৰাৰ বিক্ৰী বৃদ্ধি পাইছে।

ৰাষ্ট্ৰীয় সুৰা কোম্পানী কেৰুৰ এম ডি ৰবিক হাছানে ডি ডব্লিউ হিন্দীক কয়, “এয়া কোম্পানীটোৰ আৰম্ভণিৰ পৰাই সৰ্বাধিক লাভ। এই লাভৰ সৈতে কেৰুৱে ইতিহাস ৰচনা কৰিছে। কোম্পানীটো ব্ৰিটিছ যুগত প্ৰতিষ্ঠা কৰা হৈছিল। তেতিয়াৰ পৰাই ২০২৪-২০২৫ চনত সুৰা বিক্ৰীয়ে অভিলেখ সৃষ্টি কৰিছে। কোম্পানীটোৱে ১০ মিলিয়ন মাৰ্কিন ডলাৰ (প্ৰায় ৮৪ কোটি টকা) লাভ অৰ্জন কৰিছে।”

কোনে কৰে সুৰাপান?

বাংলাদেশ মুছলমান সংখ্যাগৰিষ্ঠ দেশ, ইছলামত মদ খোৱা নিষিদ্ধ। গতিকে, প্ৰশ্ন উত্থাপন হয় যে যদি মদ খোৱাটো নিষিদ্ধ, তেন্তে দেশৰ কোনে ইমান মদ খাইছে যে কোম্পানীটোৱে যথেষ্ট লাভ অৰ্জন কৰিছে? সঁচাকৈয়ে ইয়াত বিদেশী নাগৰিকে উল্লেখযোগ্য ভূমিকা পালন কৰিছে নেকি?

দেশখনৰ চাহ বাগানত বৃহৎ সংখ্যক বিদেশী নাগৰিকে কাম কৰে। এই বাগিচাৰ শ্ৰমিকসকলেই হৈছে সৰ্বাধিক সুৰা সেৱনকাৰী। কেৰুৰ সস্তীয়া সুৰা ১ লাখ ৫০ হাজাৰ হিন্দু শ্ৰমিকৰ মাজত অতি জনপ্ৰিয়। ডি ডব্লিউ হিন্দীৰ তথ্য অনুসৰি বাংলাদেশৰ ১৭ কোটি জনসংখ্যাৰ ১০% অমুছলমান, বেছিভাগেই হিন্দু। এই লোকসকলেও সুৰা সেৱন কৰে।

চৰকাৰে কিয় কোম্পানীটো চলাই আছে?

কেৰুৰ এম ডি ৰবিক হাছানে কয় যে দেশৰ ধন যাতে বাহিৰলৈ ওলাই নাযায় তাৰ বাবে চৰকাৰে কোম্পানীটো চলায়। তেওঁ লগতে কয়, “আমি ইয়াৰ প্ৰচাৰ নকৰো বা নতুনকৈ অহা কোনো লোকক সুৰাপান কৰিবলৈ উৎসাহিত নকৰো। আমি ইতিমধ্যে সুৰাপান কৰাসকলকহে বিক্ৰী কৰো।”

কেৰুৰ জনপ্ৰিয় ব্ৰেণ্ডসমূহৰ ভিতৰত আছে সোণালী ৰঙৰ Imperial Whisky আৰু Tsarina Vodka দুয়োটা কুঁহিয়াৰৰ পৰা তৈয়াৰ কৰা। হাছানে কয়, “আমি কাকো মদ খাবলৈ উৎসাহিত নকৰো। আমি কেৱল ইতিমধ্যে মদ খোৱাসকলকহে বিক্ৰী কৰো।”