মোদী-জিনপিঙৰ দ্বিপাক্ষিক বৈঠক, চীনৰ ৰাষ্ট্ৰপতিয়ে ক’লে- ড্ৰেগন আৰু হাতী একেলগে অহাটো…
৭ বছৰৰ পাছত চীনৰ ভূমিত ৰাষ্ট্ৰপতি জিনপিং আৰু প্ৰধানমন্ত্ৰী মোদীৰ মাজত অনুষ্ঠিত হৈছে বৈঠক। যাৰ বাবে সকলোৰে দৃষ্টি এই বৈঠকৰ ওপৰত নিবদ্ধ হৈ আছে। আমেৰিকাৰ শুল্কৰ মাজত চীনৰ সৈতে ভাৰতৰ ঘনিষ্ঠতা লৈ এতিয়া সমগ্ৰ বিশ্বতে চৰ্চা চলিছে।
২ দিনীয়া ভ্ৰমণসূচী লৈ শনিবাৰে চীন উপস্থিত হৈছিল প্ৰধানমন্ত্ৰী নৰেন্দ্ৰ মোদী। আজি SCOৰ সভাত অংশগ্ৰহণ কৰিছে প্ৰধানমন্ত্ৰীয়ে। ২০খনতকৈও অধিক দেশে এই বৈঠকত অংশগ্ৰহণ কৰিছে। এই সন্মিলনত চীনৰ ৰাষ্ট্ৰপতি জিনপিঙক সাক্ষাৎ কৰে প্ৰধানমন্ত্ৰী মোদীয়ে। ইয়াৰ মাজতে প্ৰধানমন্ত্ৰী মোদীয়ে কয় যে সীমান্তত শান্তিৰ পৰিৱেশ বিৰাজ কৰিছে। একে সময়তে প্ৰধানমন্ত্ৰী মোদীৰ চীন ভ্ৰমণক লৈ আনন্দ প্ৰকাশ কৰিছে জিনপিঙে। ইয়াৰ লগতে তেওঁক উষ্ম আদৰণি জনায়। সভাত জিনপিঙে কয় যে ড্ৰেগন আৰু হাতী একেলগে অহাটো প্ৰয়োজনীয়।
৭ বছৰৰ পাছত চীনৰ ভূমিত ৰাষ্ট্ৰপতি জিনপিং আৰু প্ৰধানমন্ত্ৰী মোদীৰ মাজত অনুষ্ঠিত হৈছে বৈঠক। যাৰ বাবে সকলোৰে দৃষ্টি এই বৈঠকৰ ওপৰত নিবদ্ধ হৈ আছে। আমেৰিকাৰ শুল্কৰ মাজত চীনৰ সৈতে ভাৰতৰ ঘনিষ্ঠতা লৈ এতিয়া সমগ্ৰ বিশ্বতে চৰ্চা চলিছে।
টিয়ানজিনত প্ৰধানমন্ত্ৰী নৰেন্দ্ৰ মোদী আৰু চীনৰ ৰাষ্ট্ৰপতি ছি জিনপিঙৰ মাজত হোৱা দ্বিপাক্ষিক বৈঠক প্ৰায় এঘণ্টা ধৰি চলিছিল। এই বৈঠকত বহু বিষয়ৰ ওপৰত আলোচনা হোৱাৰ সম্ভাৱনা প্ৰকাশ কৰা হৈছে। প্ৰধানমন্ত্ৰী মোদীৰ সৈতে বৈদেশিক মন্ত্ৰী বিক্ৰম মিশ্ৰী আৰু এন এছ এ অজিত ডোভালো উপস্থিত থাকে।
চীনৰ ৰাষ্ট্ৰপতি জিং জিনপিঙৰ সৈতে হোৱা দ্বিপাক্ষিক বৈঠকৰ সময়ত প্ৰধানমন্ত্ৰী নৰেন্দ্ৰ মোদীয়ে কয়, “যোৱা বছৰ কাজানত আমাৰ এক অতি উপযোগী আলোচনা হৈছিল, যিয়ে আমাৰ সম্পৰ্কক ইতিবাচক দিশ দিছে। সীমান্তত সৈন্য প্ৰত্যাহাৰৰ পিছত শান্তি আৰু স্থিতিশীলতাৰ পৰিৱেশৰ সৃষ্টি হৈছে।”
বৈঠকত কি ক’লে মোদীয়ে
এই বৈঠকত প্ৰধানমন্ত্ৰী মোদীয়ে কয়, “আমাৰ সম্পৰ্কই ইতিবাচক দিশ লাভ কৰিছে। Disengagementৰ পিছতো সীমান্তত শান্তি আৰু স্থিতিশীলতা অব্যাহত আছে। কৈলাশ মানসৰোৱৰ পুনৰ আৰম্ভ হৈছে। ইয়াৰ লগত ২৮ কোটি লোক জড়িত হৈ আছে আৰু ইয়াৰ পৰা সমগ্ৰ মানৱ জাতিয়ে উপকৃত হ’ব। SCO ৰ সফলতাৰ বাবে অভিনন্দন জনাইছো। দুয়োখন দেশৰ মাজত পোনপটীয়া বিমান সেৱা আৰম্ভ কৰিব লাগে।”
#WATCH | Prime Minister Narendra Modi holds a bilateral meeting with Chinese President Xi Jinping in Tianjin, China.
(Source: ANI/DD News) pic.twitter.com/BNRfDkDtCW
— ANI (@ANI) August 31, 2025
প্ৰধানমন্ত্ৰী মোদীক সাক্ষাৎ কৰি কি ক’লে জিনপিঙে
টিয়ানজিনত প্ৰধানমন্ত্ৰী নৰেন্দ্ৰ মোদী আৰু চীনৰ ৰাষ্ট্ৰপতি জিং জিনপিঙৰ বৈঠক ইতিমধ্যে শেষ হৈছে । বৈঠকৰ অন্তত জি জিনপিঙে কয়, “প্ৰধানমন্ত্ৰী মোদী, আপোনাক লগ পাই ভাল লাগিল। এছ চি অ’ শীৰ্ষ সন্মিলনৰ বাবে চীনলৈ আপোনাক স্বাগতম জনাইছো।” তেওঁ আৰু কয়, “যোৱা বছৰ কাজানত আমাৰ এখন সফল বৈঠক হৈছিল।” প্ৰায় এঘণ্টা ধৰি কথা পাতিলে প্ৰধানমন্ত্ৰী মোদী আৰু চীনৰ ৰাষ্ট্ৰপতি।
৭ বছৰৰ মূৰত চীনত প্ৰধানমন্ত্ৰী মোদী
এয়া ৭ বছৰৰ মূৰত প্ৰধানমন্ত্ৰী নৰেন্দ্ৰ মোদীৰ চীন ভ্ৰমণ। ২০২০ চনৰ জুন মাহত গালৱান উপত্যকাত সংঘৰ্ষৰ পিছত ভাৰত আৰু চীনৰ সম্পৰ্ক বহু অৱনতি ঘটিছিল। কিন্তু সাম্প্রতিক সময়ত চীন আৰু ভাৰতৰ মাজত পুনৰবাৰ সম্পর্ক উন্নত কৰাৰ প্রয়াস কৰা হৈছে৷ এই ভ্ৰমণৰ উদ্দেশ্যৰ ভিতৰত আছে দুয়োখন দেশৰ মাজত সীমা বিবাদ হ্ৰাস কৰা।
৭ বছৰৰ পাছত চীনৰ বিমানবন্দৰত ৰেড কাৰ্পেটত প্ৰধানমন্ত্ৰী নৰেন্দ্ৰ মোদীক আদৰণি জনোৱা হয়। টিয়ানজিন বিমানবন্দৰত পৰম্পৰাগত নৃত্যৰে আদৰণি জনোৱা হয় প্ৰধানমন্ত্ৰী মোদীক। ভাৰত (৫০%), চীন (৩০%), কাজাখস্তান (২৫%) আৰু অন্যান্য এছ চি অ’ দেশৰ ওপৰত ট্ৰাম্পে উচ্চ শুল্ক আৰোপ কৰিছে। এনে পৰিস্থিতিত এই এছ চি অ’ৰ বৈঠকত শুল্ক সন্দৰ্ভতো আলোচনা হ’ব পাৰে।
