অপাৰেচন সাগৰ বন্ধু: মানৱীয় সাহায্যৰ লক্ষ্যৰে আন এক বিশেষ পদক্ষেপ ভাৰতৰ
ভাৰতীয় সেনাৰ এটা বিশেষ দলে বুধবাৰে শ্ৰীলংকাত উপস্থিত হয়। দেশখনক সাহায্য আৰু সাহায্য প্ৰদানৰ বাবে এইচ এ ডি আৰ অভিযান, উদ্ধাৰ, আৰু সাহায্য প্ৰচেষ্টাত নিজৰ প্ৰতিবেশী দেশক সহায় কৰিবলৈ আগবাঢ়ি গৈছে ভাৰত।
দিটৱাহ ঘূৰ্ণীবতাহৰ ফলত শ্ৰীলংকাক সহায় কৰিবলৈ ‘অপাৰেচন সাগৰ বন্ধু’ আৰম্ভ কৰিছে ভাৰতে। ভাৰতীয় সেনাৰ এটা বিশেষ দলে বুধবাৰে শ্ৰীলংকাত উপস্থিত হয়। দেশখনক সাহায্য আৰু সাহায্য প্ৰদানৰ বাবে এইচ এ ডি আৰ অভিযান, উদ্ধাৰ, আৰু সাহায্য প্ৰচেষ্টাত নিজৰ প্ৰতিবেশী দেশক সহায় কৰিবলৈ আগবাঢ়ি গৈছে ভাৰত। মঙলবাৰে বৈদেশিক পৰিক্ৰমা মন্ত্ৰী এছ জয়শংকৰে উল্লেখ কৰে যে, ভাৰতে শ্ৰীলংকাৰ বান সাহায্যৰ প্ৰচেষ্টা অব্যাহত ৰাখিছে। ইতিমধ্যো কলম্বোত উপস্থিত হৈছে চিকিৎসা দল আৰু সা-সৰঞ্জাম কঢ়িয়াই অনা ভাৰতীয় বায়ুসেনাৰ C-17 বিমান।
এক্সৰ এটা পোষ্টত তেওঁ কয় যে, ” IAF C-17, য’ত মডিউলাৰ ফিল্ড হস্পিতাল, ৭০ জনতকৈ অধিক চিকিৎসা আৰু সহায়ক কৰ্মী, আৰু বাহন থকা পৰিবহণ বিমান কলম্বোত অৱতৰণ কৰিছে। বান সাহায্যৰ ক্ষেত্ৰত শ্ৰীলংকাৰ প্ৰচেষ্টাত অব্যাহত ৰাখিছে ভাৰতে।” কলম্বোত থকা ভাৰতীয় উচ্চায়ুক্তৰ তথ্য অনুসৰি, ভাৰতে দুখন দ্ৰুতগতিত নিয়োজিত কৰিব পৰা ফিল্ড হস্পিতাল শ্ৰীলংকালৈ প্ৰেৰণ কৰিছে। লগতে উদ্ধাৰ আৰু সাহায্যৰ কাম তীব্ৰতৰ হোৱাৰ লগে লগে প্ৰায় ৭০ জন জোৱানক প্ৰভাৱিত এলেকাত সহায়ৰ বাবে পঠাইছে।
শ্ৰীলংকাৰ পৰা পোৱা বাতৰি অনুসৰি ডিটৱাহ ঘূৰ্ণীবতাহৰ সৈতে জড়িত ভয়াৱহ বতৰৰ ফলত মৃত্যু হোৱা লোকৰ সংখ্যা ৪১০ লৈ বৃদ্ধি পাইছে।দুৰ্যোগ ব্যৱস্থাপনা কেন্দ্ৰৰ উদ্ধৃতি দি স্থানীয় সংবাদ মাধ্যমে জনোৱা মতে, সমগ্ৰ দ্বীপটোত বান, ভূমিস্খলন আৰু প্ৰচণ্ড বৰষুণৰ ফলত প্ৰভাৱিত হৈছে ৪০৭,৫৯৪টা পৰিয়ালৰ ১৪ লাখ বাসিন্দা ।
ইয়াৰ পূৰ্বে ভাৰতত শ্ৰীলংকাৰ উচ্চায়ুক্ত মহিষিনী কলনে সকলোতকৈ আগতে সহায় কৰা বাবে ভাৰতৰ ভূমিকাক অতিশয় শলাগ লয়। উচ্চায়ুক্ত কলনে কয়, “শ্ৰীলংকাত ঘূৰ্ণীবতাহৰ ফলত হোৱা ক্ষতিৰ পৰিসৰ ব্যাপক। ৪০০ৰো অধিক লোকে প্ৰাণ হেৰুৱাইছে। আমি এতিয়াও সাহায্য আৰু উদ্ধাৰ পৰ্যায়ত আছো। ক্ষতিৰ পৰিসৰৰ বিস্তৃত মূল্যায়ন কৰিবলৈ কিছু সময় লাগিব। আমি ভাৰতৰ প্ৰতি কৃতজ্ঞ, সদায়ৰ দৰে প্ৰথম সহায়ক দেশ হোৱাৰ বাবে। ভাৰতে চুনামীৰ সময়ত, অৰ্থনৈতিক সংকটৰ সময়ত আমাৰ সহায়ৰ বাবে আগবাঢ়ি আহিছিল।”
লগতে কয়, “এতিয়া ঘূৰ্ণীবতাহৰ সময়ত ভাৰত আছিল সকলোতকৈ আগতে আমাৰ সহায়ৰ বাবে আহিছে। তেওঁলোকে সাহায্য আৰু উদ্ধাৰ অভিযান চলাই আছে। স্থলভাগত চিকিৎসাৰ দল, মোবাইল চিকিৎসালয় আৰু আনকি আমি কথা কৈ থকা সময়তো তেওঁলোকে আমাক সহায় কৰি আছে। শ্ৰীলংকাৰ বিষয়াসকলৰ সৈতে কাম কৰি শ্ৰীলংকাক এই কঠিন পৰ্যায়ৰ মাজেৰে পাৰ হ’বলৈ সহায় কৰিছে আৰু আমি আশাবাদী আৰু আত্মবিশ্বাসী যে শ্ৰীলংকা আৰু ভাৰতে একেলগে ঘনিষ্ঠভাৱে কাম কৰি যাব আৰু এই দুৰ্যোগে আমাৰ দুয়োখন দেশক সহায় কৰিব বন্ধন আৰু আৰু অধিক ঘনিষ্ঠ হৈ পৰিব।” (ANI)
