VIDEO: ১০ মাহ ধৰি চলি থকা এই যুদ্ধ বন্ধ হ’বনে ? গাজাত সুৰংগৰ পৰা ৬ জন পণবন্দীৰ মৃতদেহ উদ্ধাৰ ইজৰাইল সেনাৰ

যোৱা ১০ মাহ ধৰি চলি আছে ইজৰাইল আৰু হামাছৰ যুদ্ধ । এই যুদ্ধ কেতিয়া বন্ধ হ’ব, কেতিয়া দুয়োটা পক্ষই যুদ্ধ বিৰতি বা শান্তি ছুক্তি মানি ল’ব তাৰ ধাৰণা কৰাটো একেবাৰে কঠিন । কাৰণ এই যুদ্ধক আৰু অধিক ভয়াৱহ দিশলৈ লৈ যাব পৰা ঘটনা প্ৰায়ে পোহৰলৈ আহিছে । এফালে আমেৰিকা, ইজিপ্ত, কাটাৰৰ দৰে দেশে ইজৰাইল আৰু হামাছৰ মাজত চুক্তিৰ বাবে বৈঠকত মিলিত হৈছে যদিও ফলপ্ৰসূ কোনধৰণৰ আপডেট এতিয়ালৈকে লাভ কৰা নাই ।

শেহতীয়াকৈ এনে এক খবৰ প্ৰকাশ পাইছে যে, যিটো খবৰে এই দুই পক্ষৰ যুদ্ধক আৰু অধিক দীঘলীয়া কৰিব পাৰে । সামাজিক মাধ্যম এক্সৰ জৰিয়তে ইজৰাইলী সেনাই এটা ভিডিঅ’ প্ৰকাশ কৰিছে, য’ত ছয়জন ইজৰাইলী পণবন্দী লোকৰ মৃতদেহ উদ্ধাৰৰ অভিযান দেখুওৱা হৈছে। ইজৰাইল সেনাই এই ভিডিঅ’টো ২০ আগষ্টত সামাজিক মাধ্যমত শ্বেয়াৰ কৰিছে ।

During the operation to rescue the bodies of 6 Israeli hostages, the forces located a tunnel shaft about 10 meters deep leading to an underground tunnel route. The soldiers investigated the route and neutralized the blast doors, weapons, explosives and hideouts used by the… pic.twitter.com/qcbA1FQlkn

— Israel Defense Forces (@IDF) August 20, 2024

এই ভিডিঅ’টো শ্বেয়াৰ কৰি ইজৰাইলী সেনাই সদৰী কৰিছে যে, ১০ মিটাৰ গভীৰ সুৰংগত অভিযান চলাই ইজৰাইল সেনাই ৬ গৰাকী ইজৰাইলী পণবন্দীৰ মৃতদেহ উদ্ধাৰ কৰিছে । উল্লেখ্য যে, এই ইজৰাইলী পণবন্দী কেইজন হামাছৰ অভিযানত নিহত হোৱা বুলি সন্দেহ কৰা গৈছে । ইফালে, সেই সুৰংগৰ পৰা সেনাই সন্ত্ৰাসবাদীয়ে ব্যৱহাৰ অস্ত্ৰ-শস্ত্ৰ, বিস্ফোৰক সমাগ্ৰী উদ্ধাৰ কৰাৰ লগতে আত্মগোপন কৰা স্থানৰ অৱস্থিতি লাভ কৰাৰ কথাও সদৰী কৰিছে ইজৰাইল সেনাই ।

মনকৰিবলগীয়া যে, এই পণবন্দী কেইজন কি পৰিস্থিতি কেনেদৰে মৃত্যু হয় সেই সন্দৰ্ভত ইজৰাইল সেনাই কোনো ধৰণৰ তথ্য় প্ৰকাশ কৰা নাই । উল্লেখ্য যে, এতিয়াও ১১০ জন ইজৰাইলীক হামাছে পণবন্দী কৰি ৰাখিছে বুলি অনুমান কৰা হৈছে । অৱশ্যে ইজৰাইলৰ বিষয়াসকলে অনুমান কৰিছে যে, ইয়াৰে প্ৰায় এক তৃতীয়াংশ পণবন্দীৰ মৃত্যু হৈছে।