পাকিস্তানে নেখাই মৰিলেও ধনৰ অভাৱ নাই সেনা প্ৰধান আছিম মুনিৰৰ, তেওঁৰ মুঠ সম্পত্তিৰ পৰিমাণ জানিলে হ’ব আচৰিত

জেপ প্ৰায় খালী, তথাপিও যুদ্ধৰ ভাবুকি দিছে পাকিস্তানে । কোৱা হৈছে যে পাকিস্তান সেনাই এই যুদ্ধ কৰিব নিবিচাৰে, আৰু সেনা প্ৰধান জেনেৰেল অসীম মুনিৰে সমগ্ৰ যুদ্ধখনক ডাঙৰ চুক্তি কৰি তুলিছে । ক্ষোভত উত্তাল হৈ পৰিছে পাকিস্তানী সেনা । প্ৰতিদিনে শ শ জোৱানে পদত্যাগ কৰি আছে । পৰিস্থিতি এনেকুৱা যে জোৱানসকলে পদত্যাগ কৰিব নোৱাৰাৰ বাবে নিশাৰ ভিতৰতে নিয়ম প্ৰণয়ন কৰা হৈছে । ইফালে আছিম মুনিৰৰ ধন-সম্পত্তি আৰু জীৱনশৈলীৰ ওপৰত চকু ৰাখিছে সকলোৱে । পাকিস্তানে আৰ্থিক সংকটত ভুগিছে ​​যদিও আছিম মুনিৰৰ ধনৰ অভাৱ নাই ।

শেহতীয়াকৈ প্ৰকাশিত তথ্য অনুসৰি পাকিস্তান সেনা প্ৰধান জেনেৰেল মুনিৰৰ মুঠ সম্পত্তি প্ৰায় ৬,৭৭,৫৪,৬৩৬ টাকা (৮ লাখ মাৰ্কিন ডলাৰ) । ইমান টকা ক’ৰ পৰা পালে? দাবী কৰা হৈছে যে তেওঁ বিভিন্ন ব্যৱসায় আৰু বিনিয়োগৰ জৰিয়তে এই সম্পত্তি উপাৰ্জন কৰিছিল ।

জনা যায় যে পাকিস্তানী সেনাই দেশত ১০০ৰো অধিক ব্যৱসায় চলাই নিজৰ সেনা প্ৰধান আৰু বিষয়াসকলৰ বাবে বিপুল আয়ৰ সৃষ্টি কৰে । পাকিস্তানৰ ৰিয়েল এষ্টেট খণ্ডত সামৰিক বাহিনীয়ে আধিপত্য বিস্তাৰ কৰিছে ।

পাকিস্তানৰ সেনাধ্যক্ষসকলৰ বিৰুদ্ধে প্ৰায়ে অভিযোগ উত্থাপন হয় যে তেওঁলোক দেশ সেৱাতকৈ ধন বৃদ্ধিৰ প্ৰতিহে বেছি আগ্ৰহী । প্ৰাক্তন সেনা প্ৰধান জেনেৰেল কামাৰ জাভেদ বাজৱাৰ পৰা আৰম্ভ কৰি বৰ্তমানৰ সেনা প্ৰধান জেনেৰেল আছিম মুনিৰলৈকে ইয়াৰ স্পষ্ট উদাহৰণ আছে ।

সেনাবাহিনীৰ কাম দেশক সুৰক্ষা দিয়া, কিন্তু পাকিস্তানত সেনা কেৱল প্ৰতিৰক্ষাত সীমাবদ্ধ নহয় । দেশৰ অৰ্থনীতিৰ এক বৃহৎ অংশ পাকিস্তানী সেনাই নিয়ন্ত্ৰণ কৰে ।

বৰ্তমানৰ সেনা প্ৰধান জেনেৰেল আছিম মুনিৰক লৈ এতিয়া প্ৰশ্ন উত্থাপন হৈছে । এজন পাকিস্তানী ছ’চিয়েল মিডিয়া ব্যৱহাৰকাৰীৰ মতে, আছিম মুনিৰৰ সম্পত্তিৰ পৰিমাণ প্ৰায় ৮ লাখ ডলাৰ । কিন্তু তেওঁৰ আন আন গোপন ব্যৱসায় আছে, যাৰ হিচাপ কৰিলে তেওঁৰ প্ৰকৃত ধন-সম্পত্তি আৰু বেছি হ’ব ।