আজি শ্ৰীকৃষ্ণৰ জন্মাষ্টমী, অসমত জন্মাষ্টমী পালনৰ নিয়ম জানো আহক
শ্ৰীকৃষ্ণৰ জন্মাষ্টমীয়ে প্ৰতিজন ব্যক্তিকে ভগৱান কৃষ্ণৰ জীৱন আৰু শিক্ষাৰ বিষয়ে মনত পেলাই দিয়ে। আজি অসমত শ্ৰীকৃষ্ণৰ জন্মাষ্টমী পালন কৰিব সকলোৱে।
সমগ্ৰ দেশতে জন্মাষ্টমী অতি ধুমধামেৰে পালন কৰাৰ পৰম্পৰা আছে। ইতিমধ্যে অসমৰ বাহিৰত এই দিনটো উদযাপন কৰিলে কিন্তু অসমীয়া কেলেণ্ডাৰ অনুসৰি আজি অসমত জন্মাষ্টমী পালন হ’ব। প্ৰতি বছৰে ভাদ মাহৰ কৃষ্ণ পক্ষৰ অষ্টমী তাৰিখত ভগৱান শ্ৰীকৃষ্ণৰ জন্মবাৰ্ষিকী পালন কৰা হয়। বিশ্বাস কৰা হয় যে ভগৱান শ্ৰীকৃষ্ণৰ জন্ম এই দিনটোত হয়, সেয়েহে প্ৰতি বছৰে এই দিনটো ভগৱান শ্ৰীকৃষ্ণৰ জন্মাষ্টমী হিচাপে পালন কৰা হয়। জন্মাষ্টমীৰ দিনা লাড্ডু গোপালৰ বিশেষ পূজা, অনুষ্ঠানৰ লগতে ভগৱান শ্ৰীকৃষ্ণৰ শিশু ৰূপটো উপাসনা কৰে।
শ্ৰীকৃষ্ণৰ জন্মাষ্টমীয়ে প্ৰতিজন ব্যক্তিকে ভগৱান কৃষ্ণৰ জীৱন আৰু শিক্ষাৰ বিষয়ে মনত পেলাই দিয়ে। মধ্য ৰাত্ৰিত শ্ৰীকৃষ্ণৰ জন্ম উপলক্ষে পূজা বা ভজন-কীৰ্ত্তন কৰা, নতুন পোছাক পিন্ধোৱা, আৰু দুগ্ধজাতীয়, সাত্ত্বিক খাদ্য ভোজন কৰা। এই উৎসৱত ভক্তসকলে নিৰলসভাৱে কৃষ্ণৰ জন্মৰ মহিমা স্মৰণ কৰে।
শ্ৰীকৃষ্ণৰ জন্ম দিন অসমীয়া বৈষ্ণৱ ধৰ্মালম্বী লোকসকলে জনমাষ্টমীৰ দিনা ৰাতি দহ মান বজাৰ পৰা কৃষ্ণক সুঁৱৰি মহাপুৰুষ শংকৰদেৱ আৰু মাধৱদেৱৰ দ্বাৰা ৰচিত নাম ঘোষা ৰাগ গাই আনন্দত মতলীয়া হয় আৰু ৰাতি বাৰ বজাৰ লগে লগে কৃষ্ণ জন্ম হোৱা বুলি কেঁচুৱা সন্তানে কন্দাৰ নিচিনা এটা শব্দ সৃষ্টি কৰে। এই নাম প্ৰসংগ পিছৰ দিনৰ ৰাতিপুৱালৈকে চলে। শেষত সকলোৱে ভগৱানৰ নামত আগবঢ়োৱা শৰাইৰ প্ৰসাদ খায়। পূৰ্ব পুৰুষ সকলৰ মতে এই জন্মাষ্টমী নাম গোৱা প্ৰথা বৈষ্ণৱযুগৰ পৰাই চলি আহিছে।
