মাঘ বিহুৰ পিছতে বিৰল মহালক্ষ্মী ৰাজযোগ, মংগল-চন্দ্ৰৰ মিলনে এই ৩ ৰাশিক কৰি তুলিব ধনৱন্ত

নতুন বছৰ মানেই নতুন আশা-প্ৰত্যাশা। ২০২৬ৰ আৰম্ভণিতে কেইবাটাও শুভ যোগ আৰু ৰাজযোগে আপোনাৰ আশা-প্ৰত্যাশা পূৰণৰ সুৱৰ্ণ সুযোগ কঢ়িয়াই আনিব পাৰে। জ্যোতিষ গণনা অনুসৰি, অহা ১৬ জানুৱাৰীত গ্ৰহৰ সেনাপতি মংগল গ্ৰহে মকৰ ৰাশিত প্ৰৱেশ কৰিব। ইয়াৰ ঠিক দুদিন পিছতে, অৰ্থাৎ ১৮ জানুৱাৰীত চন্দ্ৰই মকৰ ৰাশিত অৱস্থান কৰিব। মংগল আৰু চন্দ্ৰৰ এই মিলনৰ ফলত গঠিত হ’ব অত্যন্ত শুভ মহালক্ষ্মী ৰাজযোগ। জ্যোতিষীসকলৰ মতে, দীৰ্ঘ ১৮ মাহৰ মূৰত এই বিৰল যোগৰ সৃষ্টি হ’ব।

জ্যোতিষ শাস্ত্ৰত মহালক্ষ্মী ৰাজযোগক অত্যন্ত সৌভাগ্যশালী হিচাপে গণ্য কৰা হয়। ইয়াৰ প্ৰভাৱত ব্যক্তিৰ জীৱনলৈ ধন, ঐশ্বৰ্য, সুখ-সমৃদ্ধি আৰু মান-সন্মানৰ আগমন ঘটে। বিশেষকৈ ১৮ জানুৱাৰীৰ পৰা হ’বলগীয়া এই ৰাজযোগৰ ফলত ৩ টা ৰাশিৰ জাতক-জাতিকা বিশেষভাৱে লাভৱান হ’ব। জানো আহক এইবিষয়ে-

মেষ ৰাশি

১৮ জানুৱাৰীৰ পৰা মেষ ৰাশিৰ লোকসকলৰ বাবে শুভ সময় আৰম্ভ হ’ব। আয়ৰ নতুন পথ মুকলি হোৱাৰ লগতে দীৰ্ঘদিন ধৰি আৱদ্ধ হৈ থকা ধন ঘূৰাই পোৱাৰ প্রবল সম্ভাৱনা আছে। চাকৰিয়ালসকলে পদোন্নতি বা দৰমহা বৃদ্ধিৰ সুসংবাদ পাব পাৰে। ব্যৱসায়ীসকলৰ বাবেও এই সময়ছোৱা বিনিয়োগ আৰু সম্প্ৰসাৰণৰ বাবে অতি অনুকূল হ’ব।

বৃষ ৰাশি

এই ৰাজযোগৰ বিশেষ প্ৰভাৱ বৃষ ৰাশিৰ ওপৰত পৰিব। ইয়াৰ ফলত আৰ্থিক স্থিতি মজবুত হ’ব আৰু ধন সঞ্চয় কৰাৰ সুযোগ বাঢ়িব। পাৰিবাৰিক সম্পৰ্ক অধিক সুমধুৰ হ’ব আৰু ঘৰত মাংগলিক কাৰ্যৰ যোগ আছে। ভূমি বা সম্পত্তি সম্পৰ্কীয় বিষয়ত লাভ হোৱাৰ সংকেত দেখা গৈছে। চাকৰিৰ ক্ষেত্ৰতো স্থিৰতা আহিব আৰু উৰ্ধতম কৰ্তৃপক্ষৰ সহযোগিতা লাভ কৰিব।

মকৰ ৰাশি

যিহেতু মকৰ ৰাশিতেই মংগল আৰু চন্দ্ৰৰ মিলন ঘটিব, সেয়েহে এই ৰাশিৰ জাতকসকলৰ কেৰিয়াৰ আৰু আৰ্থিক দিশত অভূতপূৰ্ব উন্নতি হ’ব। কৰ্মক্ষেত্ৰত আপোনাৰ পৰিশ্ৰমৰ স্বীকৃতি পাব আৰু নতুন দায়িত্ব লাভৰ সম্ভাৱনা আছে। ব্যৱসায়ীসকলে বিশেষ মুনাফা অৰ্জন কৰিবলৈ সক্ষম হ’ব। এই সময়ছোৱাত আপোনাৰ সামাজিক প্ৰতিষ্ঠাও বৃদ্ধি পাব।