bad day Signs: ৰাতিপুৱা এইকেইটা বস্তু দেখিছে যদি সৰ্বনাশ! গোটেই দিনটো বেয়া হ’ব পাৰে আপোনাৰ!

ভাৰতত পুৰণি পৰম্পৰা আৰু বিশ্বাসে ৰাতিপুৱাৰ আৰম্ভণিক দিনটোৰ সামগ্ৰিক প্ৰভাৱৰ সৈতে সংযোগ কৰে। বিশ্বাস কৰা হয় যে ৰাতিপুৱা সাৰ পোৱাৰ লগে লগে যদি কিছুমান বস্তু বা দৃশ্য দেখা যায়, তেন্তে গোটেই দিনটোৰ বাবে অশুভ লক্ষণ হ’ব পাৰে। জ্যোতিষ, বাস্তু আৰু ধৰ্ম গ্ৰন্থত এই বিষয়ে বিশেষ উল্লেখ আছে। ৰাতিপুৱা সাৰ পোৱাৰ লগে লগে কোনবোৰ বস্তু চালে শুভ বুলি গণ্য কৰা নহয় জানো আহক।

কোনবোৰ বস্তুক অশুভ বুলি গণ্য কৰা হয়?

ভঙা দাপোন বা সিঁচৰতি হৈ থকা বস্তু

ৰাতিপুৱাই ভঙা দাপোন বা ঘৰৰ সিঁচৰতি হৈ থকা বস্তু, দেখাটো নেতিবাচকতাৰ প্ৰতীক বুলি গণ্য কৰা হয়। ইয়াৰ পৰা দিনটো অশান্তি বা বিশৃংখলতাৰে ভৰি পৰে বুলি বিশ্বাস কৰা হয়। বাস্তু শাস্ত্ৰইও বিশেষকৈ ৰাতিপুৱা ঘৰখন সংগঠিত কৰি ৰখাৰ ওপৰত গুৰুত্ব আৰোপ কৰে।

খালী পাত্ৰ বা জাবৰৰ দ’ম

ৰাতিপুৱা সাৰ পোৱাৰ লগে লগে পাকঘৰত খালী বাচন-বৰ্তন দেখা বা ঘৰৰ বাহিৰত জাবৰৰ দ’ম দেখাটো অশুভ বুলি গণ্য কৰে একাংশ লোকে। খালী বাচন-বৰ্তনবোৰে প্ৰায়ে অভাৱ বা দৰিদ্ৰতাৰ প্ৰতীক, আনহাতে জাবৰৰ দ’ম নেতিবাচক শক্তি প্ৰতিফলিত কৰে।

ভয়ংকৰ সপোন

যদি আপুনি ৰাতিপুৱা সাৰ পোৱাৰ ঠিক আগতেই ভয়ংকৰ সপোন এটা দেখে, তেন্তে ইয়াৰ প্ৰভাৱ গোটেই দিনটো আপোনাৰ তাত পৰিব পাৰে। এনে সপোনক প্ৰায়ে মানসিক অশান্তিৰ প্ৰতীক বা আগন্তুক প্ৰত্যাহ্বান বুলি গণ্য কৰা হয়।

কোনোবাই কাজিয়া কৰা দেখা

চকু মেলি বা ঘৰৰ পৰা ওলাই অহাৰ লগে লগে খং বা কাজিয়া কৰা দেখিলে দিনটোৰ ভিতৰতে মানসিক অশান্তি আৰু বিবাদৰ লক্ষণ হ’ব পাৰে।

ৰোগীক দেখা

কিছুমান মানুহে অতি বেমাৰী বা অসহায় মানুহ ৰাতিপুৱা দেখা পালে ভাল নাপায়। কাৰণ ই গোটেই দিনটোৰ বাবে হতাশা আৰু নেতিবাচকতাৰে ভৰাই তুলিব পাৰে।

অস্বীকাৰ: এই বাতৰিত দিয়া তথ্য জ্যোতিষ আৰু বাস্তু শাস্ত্ৰৰ নিয়মৰ ওপৰত ভিত্তি কৰি কৰা হৈছে। TV9 অসমে নিশ্চিত নকৰে।