Diwali 2025: প্ৰভু ৰাম আহিছে… অযোধ্যাত কেনেদৰে উদযাপন কৰা হৈছিল প্ৰথম দীপাৱলী?
২০ অক্টোবৰত সমগ্ৰ দেশত দীপাৱলী উদযাপন কৰা হ’ব। বিশ্বাস কৰা হয় যে কাতি মাহৰ অমাৱস্যাৰ দিনটোতেই ভগৱান ৰাম ১৪ বছৰ বনবাসৰ অন্তত অযোধ্যালৈ উভতি আহিছিল। দীপাৱলীৰ দিনা সৰযু নদীৰ পাৰত লাখ লাখ চাকি জ্বলোৱা হয়।
২০ অক্টোবৰত সমগ্ৰ দেশে উদযাপন কৰিব দীপাৱলী। দীপাৱলীৰ লগত জড়িত আছে বহু পৌৰাণিক কাহিনী। এটা কাহিনী ত্ৰেতা যুগ আৰু ভগৱান শ্ৰীৰামৰ প্ৰত্যাৱৰ্তনৰ সৈতে জড়িত। ত্ৰেতা যুগত অযোধ্যাৰ প্ৰথম দীপাৱলী কেনেকুৱা আছিল জানো আহক। শ্ৰীৰামৰ অযোধ্যালৈ ঘূৰি অহাৰ লগত জড়িত দীপাৱলী কাহিনীটো পঢ়োঁ আহক।
কাতি মাহৰ অমাৱস্যাৰ দিনা দীপাৱলী পালন কৰা হয়। ২০ অক্টোবৰত সমগ্ৰ দেশত দীপাৱলী উদযাপন কৰা হ’ব। বিশ্বাস কৰা হয় যে কাতি মাহৰ অমাৱস্যাৰ দিনটোতেই ভগৱান ৰাম ১৪ বছৰ বনবাসৰ অন্তত অযোধ্যালৈ উভতি আহিছিল। দীপাৱলীৰ দিনা সৰযু নদীৰ পাৰত লাখ লাখ চাকি জ্বলোৱা হয়। কিন্তু অযোধ্যাই কেনেকৈ প্ৰথম দীপাৱলী উদযাপন কৰিছিল জানেনে? ত্ৰেতা যুগত অযোধ্যাৰ প্ৰথম দীপাৱলী কেনেকুৱা আছিল জানো আহক। শ্ৰীৰামৰ অযোধ্যালৈ ঘূৰি অহাৰ লগত জড়িত দীপাৱলী কাহিনীটো পঢ়োঁ আহক।
ৰামায়ণত বৰ্ণিত কাহিনী অনুযায়ী ৰাৱণক বধ কৰাৰ পিছত ভগৱান ৰামে লংকা ৰাজ্য বিভীষণৰ হাতত অৰ্পণ কৰিছিল যদিও সেই সময়ত তেওঁৰ ১৪ বছৰীয়া বনবাস শেষ হ’বলৈ তেতিয়াও কিছু সময় বাকী আছিল। ১৪ বছৰীয়া বনবাসৰ পৰা উভতি অহাৰ লগে লগে ভগৱান ৰামে সেই সময়ছোৱাত তেওঁক সহায় কৰা সকলো লোকৰ ওচৰলৈ গৈছিল। ইয়াৰ পিছত ভগৱান ৰামে প্ৰয়াগৰাজৰ গংগাৰ পাৰত থকা তেওঁৰ আশ্ৰমত ভৰদ্বাজ ঋষিৰ দৰ্শন কৰে। ভগৱান ৰামৰ লগত হনুমান, লক্ষ্মণ, আৰু মা সীতাও আছিল। তাৰ পৰাই হনুমানক তেওঁৰ মৰমৰ ভাতৃ ভৰতৰ ওচৰলৈ পঠিয়াই দিলে।
ভগৱান ৰামে হনুমানক ভৰতক ক’বলৈ ক’লে যে, তেওঁ অতি সোনকালে অযোধ্যাত উপস্থিত হ’ব। ভগৱান ৰামে আশংকা কৰিছিল যে যদি তেওঁৰ আগমনৰ খবৰ সময়মতে ভৰতে নাপায় তেন্তে তেওঁ আত্মদাহ কৰিব। প্ৰভুৰ নিৰ্দেশত বজৰংগবলী অযোধ্যালৈ ৰাওনা হ’ল। অযোধ্যাত তেওঁ প্ৰথমে ভৰতক লগ কৰিবলৈ নন্দিগ্ৰামলৈ গৈছিল। হনুমান আহি পোৱাৰ সময়ত ভৰত শুই আছিল। হনুমানে তেওঁক জগাই ক’লে যে, ভগৱান ৰাম অতি সোনকালে অযোধ্যাত উপস্থিত হ’ব।
অযোধ্যাত ভগৱান ৰামৰ আগমনৰ খবৰ শুনি ভৰতে আনন্দত ভৰপূৰ হৈ অযোধ্যাবাসীক ক’লে, মোৰ আৰু আপোনালোকৰ প্ৰভু ভগৱান ৰাম ঘূৰি আহিব। অযোধ্যাবাসীয়ে এই কথা শুনাৰ লগে লগে তেওঁলোকৰ মুখবোৰ উজ্জ্বল হৈ উঠিল। শ্ৰীৰামৰ অযোধ্যালৈ ঘূৰি অহাৰ খবৰ পোৱাৰ লগে লগে প্ৰকৃতিয়েও যেন আনন্দত নাচি উঠিছিল। শুকান সৰযু নদীখন জীপাল হৈ পৰিছিল। এই কথা ৰামায়ণৰ উত্তৰকাণ্ডত বৰ্ণনা কৰা হৈছে।
ভগৱান ৰামৰ অযোধ্যালৈ ঘূৰি অহাৰ খবৰ শুনি অযোধ্যাবাসীয়ে সমগ্ৰ অযোধ্যাক চাকিৰ পোহৰেৰে সজাই তুলিলে। দেৱ-দেৱীয়েও ওপৰৰ পৰা ফুলৰ বৰষুণ দিলে। প্ৰভু অযোধ্যাত উপস্থিত হোৱাৰ সময়ত সকলোকে তেওঁক আলিংগন কৰিলে। ইয়াৰ পিছত অযোধ্যালৈ পুনৰ সুখ ঘূৰি আহিল।
লগতে পঢ়ক: এনেদৰে প্ৰিয়জনক দিয়ক দীপাৱলীৰ শুভেচ্ছা…
(অস্বীকাৰ: এই তথ্যসমূহ ধৰ্মীয় বিশ্বাস আৰু সাধাৰণ তথ্যৰ ওপৰত ভিত্তি কৰি দিয়া হৈছে। টিভি৯ অসমে ইয়াক সমৰ্থন নকৰে)
