ঘামৰ বাবে শৰীৰৰ পৰা দুৰ্গন্ধ কিয় ওলায়? ইয়াৰ কাৰণ আৰু প্ৰতিকাৰৰ ঘৰুৱা উপায় জানক…

গ্ৰীষ্ম বা বাৰিষা হওক, ঘাম ওলোৱা এটা সাধাৰণ কথা । কিন্তু কেতিয়াবা ঘামৰ গোন্ধ স্বাভাৱিকতকৈ বেছি হ’বলৈ আৰম্ভ কৰে। ই কেৱল অস্বস্তি বৃদ্ধি কৰাই নহয়, আত্মবিশ্বাসো হ্ৰাস কৰিব পাৰে। আপুনি কেতিয়াবা ভাবিছেনে ঘামৰ গোন্ধ ইমান প্ৰবল কিয়? ই কোনো গুৰুতৰ ৰোগৰ লক্ষণ হ’ব পাৰেনে? ইয়াত আমি আপোনালোকক জনাম ঘামৰ দুৰ্গন্ধৰ আঁৰৰ কাৰণ আৰু ইয়াৰ লগত জড়িত স্বাস্থ্যজনিত সমস্যা বিযয়ে…

ঘাম কিয় ওলাই?

লেডী হাৰ্ডিংজ হাস্পতালৰ চিকিৎসা বিভাগৰ ডাঃ এল কে ঘোটকাৰৰ মতে,  ঘাম শৰীৰৰ এক প্ৰাকৃতিক ব্যৱস্থা, যিয়ে শৰীৰৰ উষ্ণতা নিয়ন্ত্ৰণত ৰাখে। আমি যেতিয়া গৰমত থাকোঁ, ব্যায়াম কৰো বা মানসিক চাপত থাকোঁ তেতিয়া শৰীৰে ঘাম এৰি দিয়ে যাতে শৰীৰৰ উষ্ণতা স্বাভাৱিক হৈ থাকে। আমাৰ শৰীৰৰ ঘামগ্ৰন্থি দুই প্ৰকাৰৰ:

এক্ৰাইন গ্ৰন্থি – যিবোৰ শৰীৰৰ বেছিভাগ অংশতে পোৱা যায় আৰু পাতল আৰু গন্ধহীন ঘাম নিঃসৰণ কৰে।

এপ’ক্ৰাইন গ্ৰন্থি – যিবোৰ প্ৰধানকৈ কাষলতি , ডিঙি, ব্যক্তিগত অংশ আদিত পোৱা যায় আৰু ইয়াৰ দ্বাৰা নিঃসৰণ কৰা ঘাম ডাঠ আৰু প্ৰ’টিন সমৃদ্ধ। এই ঘামৰ পৰা প্ৰায়ে বেয়া গোন্ধ ওলায়।

ঘামৰ গোন্ধ কিয় বেয়া হয়?

আচলতে ঘাম দুৰ্গন্ধযুক্ত নহয়। কিন্তু যেতিয়া ই ছালত উপস্থিত বেক্টেৰিয়াৰ সংস্পৰ্শলৈ আহে তেতিয়া ইয়াত থকা প্ৰটিনবোৰ ভাঙিবলৈ আৰম্ভ কৰে আৰু ইয়াৰ পৰা দুৰ্গন্ধময় গেছ ওলাই আহে। এইটোৱেই হৈছে আমি অনুভৱ কৰা দুৰ্গন্ধৰ কাৰণ। পৰিষ্কাৰ-পৰিচ্ছন্নতাৰ যত্ন নল’লে গোন্ধটো আৰু বেছি হ’ব পাৰে।

ঘামৰ দুৰ্গন্ধই কি কি ৰোগৰ ইংগিত দিব পাৰে?

হাইপাৰহাইড্ৰ’ছিছ

এই অৱস্থাত এজন ব্যক্তিয়ে স্বাভাৱিকতকৈ বেছি ঘাম ওলায়। ইয়াত ঘামবোৰো অতি দুৰ্গন্ধযুক্ত হ’ব পাৰে। স্নায়ুৰ সমস্যা, থাইৰয়ড বা ডায়েবেটিছৰ বাবেও এনে হ’ব পাৰে।

ডায়েবিটিছ

ডায়েবেটিছত তেজত শৰ্কৰাৰ মাত্ৰা ভাৰসাম্যহীন হৈ পৰে, যাৰ ফলত শৰীৰত কিট’এচিড’ছিছ নামৰ অৱস্থাৰ সৃষ্টি হ’ব পাৰে। ইয়াত ঘামৰ গোন্ধ মিঠা বা প্ৰবল হ’ব পাৰে।

থাইৰয়ডৰ সমস্যা

হাইপাৰথাইৰয়ডিজমত শৰীৰৰ বিপাকীয় ক্ৰিয়া দ্ৰুত হৈ পৰে, যাৰ ফলত অধিক ঘাম ওলায় আৰু ইয়াৰ গোন্ধও বাঢ়ে।

যকৃত আৰু বৃক্ক সম্পৰ্কীয় ৰোগ

যকৃত বা বৃক্কৰ ক্ষতি হ’লে শৰীৰৰ বিষাক্ত পদাৰ্থবোৰ ভালদৰে ওলাই আহিব নোৱাৰে। ইয়াৰ বাবে ঘামতো বিষাক্ত পদাৰ্থ পোৱা যায় আৰু ইয়াৰ পৰা বেয়া গোন্ধ ওলাবলৈ আৰম্ভ কৰে।

ৰোগ বিয়পা অৱস্থা

বহু সময়ত ছালত ভেঁকুৰ বা বেক্টেৰিয়াৰ সংক্ৰমণ ঘটে, যাৰ ফলত ঘামৰ গোন্ধ বাঢ়ে।

ভিটামিন আৰু খনিজ পদাৰ্থৰ অভাৱ

শৰীৰত জিংক, মেগনেছিয়াম আদি বস্তুৰ অভাৱেও ঘামৰ গোন্ধ বৃদ্ধি কৰিব পাৰে।

ঘামৰ গোন্ধ কমোৱাৰ ঘৰুৱা উপায়

যদি ঘামৰ গোন্ধ বেছি হয়, তেন্তে আপুনি কিছুমান ঘৰুৱা উপায় গ্ৰহণ কৰি ইয়াৰ পৰা সকাহ পাব পাৰে:

পৰিষ্কাৰ-পৰিচ্ছন্নতাৰ যত্ন লওক

গা ধোৱাৰ পিছত শৰীৰটো ভালদৰে শুকুৱাই লওক। প্ৰতিদিনে পৰিষ্কাৰ কাপোৰ পিন্ধিব আৰু বাহুৰ তলৰ অংশ সদায় পৰিষ্কাৰ কৰি ৰাখিব।

নেমু আৰু বেকিং চ’ডা

বেকিং চ’ডা নেমুৰ ৰসৰ লগত মিহলাই বাহুৰ তলত লগালে বেক্টেৰিয়া আৰু গোন্ধ কমি যায়।

নাৰিকল তেল

নাৰিকল তেলত এন্টিবেক্টেৰিয়েল গুণ আছে। আক্ৰান্ত অংশত লগালে গোন্ধ কমি যায়।

আপেল চাইডাৰ ভিনেগাৰ

কপাহৰ ওপৰত আপেল চাইডাৰ ভিনেগাৰ অলপ লৈ বাহুৰ তলত লগাব। ই পি এইচ লেভেল সুষম কৰি ৰাখে আৰু বেক্টেৰিয়া হ্ৰাস কৰে।

পৰ্যাপ্ত পৰিমাণে পানী খাব লাগে

শৰীৰক জলসিঞ্চিত কৰি ৰখাটো জৰুৰী। ইয়াৰ ফলত বিষাক্ত পদাৰ্থ আঁতৰ হয় আৰু লগতে ঘামৰ গোন্ধও কমি যায়।

কেতিয়া চিকিৎসকৰ ওচৰলৈ যাব লাগে?

যদি হঠাতে ঘামৰ গোন্ধ বহু পৰিমাণে বাঢ়িছে, ঘাম ডাঠ বা ৰঙীন হৈ আহিছে, ওজন দ্ৰুতগতিত কমিছে বা শৰীৰত আন কোনো অস্বাভাৱিকতা দেখা দিছে, তেন্তে তৎক্ষণাত চিকিৎসকৰ পৰামৰ্শ লোৱা উচিত।