এই ভুলৰ বাবে শীতকালত বৃদ্ধি পায় ৰক্তচাপ, ঘৰুৱা প্ৰতিকাৰ গ্ৰহণ কৰক…

ৰক্তচাপ

বিশেষকৈ উচ্চ ৰক্তচাপ থকাসকলৰ বাবে শীতকাল প্ৰত্যাহ্বানজনক হ’ব পাৰে। ঠাণ্ডা বতৰত ৰক্তচাপ বৃদ্ধি পোৱাৰ ফলত হৃদৰোগ হ’ব পাৰে। এই সমস্যা কেৱল উচ্চ ৰক্তচাপ থকাসকলৰ মাজতে সীমাবদ্ধ নহয়, কিয়নো চৰ্দিয়ে সকলোৰে ৰক্তচাপ বৃদ্ধি কৰিব পাৰে। এটা অধ্যয়নৰ মতে শীতকালত উচ্চ ৰক্তচাপৰ ৰোগী ২৩.৭২% বৃদ্ধি পায়, যিটো গ্ৰীষ্মকালতকৈ প্ৰায় ১৩% বেছি।

মেডান্টা, গুৰুগ্ৰামৰ কাৰ্ডিয়াক কেয়াৰৰ ক্লিনিকেল এণ্ড প্ৰিভেণ্টিভ কাৰ্ডিঅ’লজিৰ অধ্যক্ষ ডাঃ আৰ আৰ কাছলিৱালৰ মতে যদি আপোনাৰ ৰক্তচাপ ধাৰাবাহিকভাৱে ১৪০/৯০ mmHgৰ ওপৰত থাকে তেন্তে নিশ্চিতভাৱে চিকিৎসকৰ পৰামৰ্শ লোৱা উচিত। ঠাণ্ডাত কিয় ৰক্তচাপ বৃদ্ধি পায়, আৰু ইয়াৰ পৰা হাত সাৰিবলৈ সহজ ব্যৱস্থা গ্ৰহণ কৰিলে শীতকালতো আপুনি সুস্থ হৈ থাকিব পাৰে।

শীতকালত কিয় ৰক্তচাপ বৃদ্ধি পায়?

নাড়ী সংকোচন ইয়াৰ এটা প্ৰধান কাৰণ। ঠাণ্ডাৰ ফলত শৰীৰৰ সিৰাবোৰ সংকুচিত হৈ তাপ ধৰি ৰাখে। কিন্তু ইয়াৰ ফলত শিৰাত চাপ বৃদ্ধি পায়, আৰু হৃদযন্ত্ৰই তেজ পাম্প কৰিবলৈ অধিক কষ্ট কৰিবলগীয়া হয়। ঘাম কমি যায় – শীতকালত ঘাম কম হয়, যাৰ ফলত শৰীৰত নিমখ জমা হয়। অতিৰিক্ত নিমখে পানী ধৰি ৰাখে, তেজৰ পৰিমাণ বৃদ্ধি কৰে আৰু ৰক্তচাপ বৃদ্ধি কৰে।

শাৰীৰিক কাৰ্যকলাপ আৰু কম পানী খোৱা

ঠাণ্ডা বতৰৰ বাবে মানুহে কমকৈ চলাচল কৰে বা কম ব্যায়াম কৰিব পাৰে। ইয়াৰ ফলত ওজন বৃদ্ধি হয়। যাৰ ফলত ৰক্তচাপ আৰু অধিক বৃদ্ধি পাব পাৰে। শীতকালত পানী কমকৈ সেৱন কৰিলেও ডিহাইড্ৰেচন হ’ব পাৰে। ইয়াৰ ফলত তেজ ঘন হয় আৰু হৃদযন্ত্ৰৰ ওপৰত চাপ বাঢ়ে। তদুপৰি শীতকালৰ দিন কম হোৱা আৰু সূৰ্যৰ পোহৰৰ অভাৱত পৰিস্থিতি বেয়া হ’ব পাৰে। কিছুমান লোক Seasonal Affective Disorder (SAD) ৰোগত আক্ৰান্ত হয়, যিয়ে মানসিক চাপ বৃদ্ধি কৰি ৰক্তচাপত প্ৰভাৱ পেলাব পাৰে।

শীতকালত ৰক্তচাপ প্ৰতিৰোধৰ পৰামৰ্শ

আপোনাৰ ৰক্তচাপ পৰীক্ষা কৰক – শীতকালত নিয়মিতভাৱে ৰক্তচাপ জুখিব লাগে। যদি আপুনি কোনো পৰিৱৰ্তন লক্ষ্য কৰে তেন্তে চিকিৎসকৰ পৰামৰ্শ লওক। লগতে বাহিৰত থাকিলে গৰম কাপোৰ, বিশেষকৈ টুপী, গ্ল’ভছ, স্কাৰ্ফ পিন্ধিব লাগে, যাতে শৰীৰৰ তাপ কমি নাযায়।

শাৰীৰিকভাৱে সক্ৰিয় হৈ থাকক

ঠাণ্ডাত বাহিৰত ব্যায়াম কৰাটো কঠিন হ’ব পাৰে, কিন্তু ঘৰৰ ভিতৰতে যোগাসন, ষ্ট্ৰেচিং আৰু লঘু ব্যায়াম কৰা। যদি আপুনি ৰক্তচাপৰ ঔষধ খাই আছে তেন্তে সময়মতে খাব লাগে। শৰীৰটো ভাল যেন লাগিলেও ঔষধ এৰিব নালাগে।

স্বাস্থ্যসন্মত খাদ্য খাওক আৰু পানী খাই থাকক

বতৰৰ শাক-পাচলি যেনে পালেং, গাজৰ, বীট, গোটা শস্য, দাইল, আৰু প্ৰটিন খাব লাগে। ডাক্তৰে পৰামৰ্শ দিলে যে ঠাণ্ডাতো প্ৰচুৰ পৰিমাণে পানী খাব লাগে। ইয়াৰ ফলত ৰক্ত সঞ্চালন উন্নত হয় আৰু ৰক্তচাপ নিয়ন্ত্ৰণত সহায় কৰে। তদুপৰি মদ আৰু অতিৰিক্ত নিমখ পৰিহাৰ কৰিব লাগে। যদিও মদ্যপানে উষ্ণতা অনুভৱ কৰিব পাৰে, তথাপিও ই ৰক্তচাপ বৃদ্ধি কৰিব পাৰে। লগতে নিমখৰ পৰিমাণ কমাই দিব।

(অস্বীকাৰ: এই লেখাটো কেৱল সাধাৰণ তথ্যৰ বাবেহে। ই কোনো কাৰণতে ঔষধ বা চিকিৎসাৰ বিকল্প নহয়। অধিক তথ্যৰ বাবে সদায় চিকিৎসকৰ পৰামৰ্শ লওক।)