পাকিস্তানৰ ভাবুকি, চীনৰ বিকাশ! শত্ৰুক প্ৰতিহত কৰিবলৈ ভাৰতৰ হাতত আছে নেকি গোপন শক্তি?

যদিও যুদ্ধ, সামৰিক উত্তেজনা বা সীমান্তত গোপন অভিযানৰ সৈতে বহু লোক পৰিচিত। তথাপিও ডীপ স্টেট (Deep State)ৰ বিষয়ে বিশেষ জ্ঞাত নহয় সাধাৰণ জনতা। দেশৰ বাহিৰৰ যিকোনো গোপন, অকৰ্তৃত্বশীল নেটৱৰ্ক যিয়ে চৰকাৰ বা কোনো বিশেষ ব্যক্তিৰ বাবে কাম কৰে, ইয়াক ডীপ স্টেট বুলি কোৱা হয়। সময়ৰ লগে লগে ভাৰতৰ আশে-পাশে ভূ-ৰাজনৈতিক জটিলতা বৃদ্ধি পাইছে। ইয়াৰ লগে লগে নিজাকৈ ‘ডীপ স্টেট’ গঢ়ি তোলাৰ পোষকতা কৰিছে দেশৰ ৰাজনৈতিক বিশেষজ্ঞ আৰু কূটনীতিবিদসকলে। এই বিশেষ গোটটোৰ অবিহনে ভাৰত মহাশক্তি হোৱাটো যথেষ্ট কঠিন বুলি তেওঁলোকে অনুভৱ কৰে।

কেৱল আমেৰিকা আৰু ৰাছিয়াই নহয়, এতিয়া চীন বা পাকিস্তানতো এই ‘ডীপ স্টেট’ আছে। ‘ডীপ স্টেট’ৰ এটা সুবিধা হ’ল তেওঁলোকৰ কোনো কামৰ দায়িত্ব চৰকাৰে ল’ব নালাগে। তদুপৰি চৰকাৰৰ এই গোপন শক্তিয়ে দেশ বা বিদেশৰ বিভিন্ন ক্ষেত্ৰত কৰ্মৰত হৈ থাকি, দেশৰ শত্ৰুৰ পৰা নিজৰ পৰিচয় লুকুৱাই ৰাখি কাম অব্যাহত ৰাখিব পাৰে।

বিভিন্ন দেশৰ ভিতৰত আমেৰিকাৰ ‘ডীপ স্টেট’ক আটাইতকৈ শক্তিশালী বুলি গণ্য কৰা হয়। ইৰাকৰ ছাদ্দাম হুছেইনৰ পৰা আৰম্ভ কৰি লিবিয়াৰৰ গাদ্দাফীলৈকে ৱাশ্বিংটনে তেওঁলোকক ক্ষমতাৰ পৰা আঁতৰাবলৈ ‘ডীপ স্টেট’ৰ ব্যৱহাৰ কৰিছিল।

২০২৪ চনত ভাৰতৰ ৰাষ্ট্ৰীয় নিৰাপত্তা উপদেষ্টা অজিত ডোভালক আমেৰিকাৰ আদালতে চমন জাৰি কৰিছিল। তেওঁলোকে ভাৰতীয় ‘গৱেষণা আৰু বিশ্লেষণ শাখা’ বা ‘ৰ’ৰ বিৰুদ্ধে অভিযোগ উত্থাপন কৰিছিল। আৰু এতিয়া ভাৰতৰ গতিবিধিয়ে কিছু পৰিমাণে হ’লেও পশ্চিমীয়া বিশ্বক কঁপাই তুলিছে। ফলত ভাৰতৰ ‘ডীপ স্টেট’ একেবাৰেই নাই বুলিও নিশ্চিতভাৱে ক’ব নোৱাৰি ৷

লগতে পঢ়ক: সেনাৰ বৃহৎ সফলতা! জম্মু-কাশ্মীৰত নিহত ২ সন্ত্ৰাসবাদী, মহাৰাষ্ট্ৰ সীমান্তত ৪ নক্সালবাদীক হত্যা…