যুৱকৰ অত্যাচাৰত অতিষ্ঠ হৈ জিম থেৰাপিষ্টৰ ভয়ংকৰ কাণ্ড, ভিডিঅ’ কৰি…

উত্তৰ প্ৰদেশৰ কানপুৰ জিলাৰ ৰায়পুৰৱা থানা  নিৰ্যাতনৰ পৰা বিৰক্ত হৈ পৰা এগৰাকী ৩৭ বছৰীয়া যুৱতীয়ে আলআউট পান কৰি আত্মহত্যাৰ চেষ্টা চলায়। তেওঁক সংকটজনক অৱস্থাত হেলেট হাস্পতালত ভৰ্তি কৰোৱা হয় যুৱতীগৰাকীক। যুৱতীগৰাকী পেছাত জিম থেৰাপিষ্ট। ঘৰত প্ৰৱেশ কৰি একাংশ স্থানীয় যুৱকে নিৰ্যাতন চলোৱাৰ লগতে অশ্লীল আচৰণৰ অভিযোগ উত্থাপন কৰে যুৱতীগৰাকীয়ে।

যুৱতীগৰাকীৰ মতে, শুকুৰবাৰে নিশা প্ৰায় ১.৩০ বজাত স্থানীয় অঞ্চলটোত জন্মদিন উদযাপন কৰি ঘৰলৈ উভতি আহিছিল। অভিযোগ অনুসৰি চুবুৰীটোত বাস কৰা শচীন নিগম, ধৰ্মেন্দ্ৰ ভট্ট আৰু ওম সাহুৱে মদ্যপান কৰি তেওঁৰ ঘৰত উপস্থিত হৈ দৰ্জাত ঢকিয়াবলৈ আৰম্ভ কৰে। দুৱাৰখন খুলি দিয়াৰ লগে লগে তেওঁলোকে  যুৱতীগৰাকী ওপৰত নিৰ্যাতন চলোৱাৰ লগতে অশ্লীল মন্তব্য কৰে। ছোৱালীজনীয়ে চিঞৰ-বাখৰ কৰি নিজৰ জীৱন ৰক্ষা কৰিলে, তাৰ পিছতে ওচৰত থকা লোকসকল সেই স্থানত উপস্থিত হয়।

All Out পান কৰি আত্মহত্যাৰ চেষ্টা

ভিৰ দেখি অভিযুক্তই ভাবুকি দি পলায়ন কৰে। ইয়াৰ পিছত ছোৱালীজনীয়ে All Out খাই আত্মহত্যা কৰাৰ সিদ্ধান্ত লয় যদিও তাৰ আগতে তেওঁ এটা ভিডিঅ’ বনাইছিল, যিটো এতিয়া ছ’চিয়েল মিডিয়াত অতি ভাইৰেল হৈ পৰিছে। আত্মহত্যাৰ চেষ্টা কৰাৰ পূৰ্বে ছোৱালীজনীয়ে এটা ভিডিঅ’ মুকলি কৰি সকলো কথা কয়। আৰক্ষীক দিয়া এজাহাৰত তেওঁ কয় যে স্থানীয় যুৱকসকলে প্ৰতিদিনে  হাৰাশাস্তি কৰে। কিন্তু আৰক্ষীয়ে নিৰ্যাতনৰ অভিযোগ নাকচ কৰি কয় যে, অভিযুক্তৰ সৈতে ছোৱালীজনীৰ পুৰণি বিবাদ আছে, যাৰ বাবেই তেওঁ এই পদক্ষেপ গ্ৰহণ কৰে।

অৱশ্যে সমগ্ৰ বিষয়টোৰ তদন্ত অব্যাহত ৰাখিছে আৰক্ষীয়ে। আৰক্ষীয়ে জনোৱা মতে, যদিহে ছোৱালীজনীৰ অভিযোগ সঁচা বুলি ধৰা পৰে তেন্তে অভিযুক্তৰ বিৰুদ্ধে কঠোৰ আইনী ব্যৱস্থা গ্ৰহণ কৰা হ’ব। সম্প্ৰতি কিশোৰীগৰাকী চিকিৎসালয়ত চিকিৎসাধীন হৈ আছে আৰু তেওঁৰ অৱস্থা সুস্থিৰ বুলি জানিব পৰা গৈছে। ছোৱালীজনীৰ পৰিয়ালেও নিশ্চিত কৰিছে যে অভিযুক্তই তেওঁক বহুত হাৰাশাস্তিৰ লগতে আৰু অশ্লীল মন্তব্যও কৰিছিল।