Trump vs Modi: ভাৰতৰ প্ৰতি নৰম স্থিতি মাৰ্কিন ৰাষ্ট্ৰপতি ড’নাল্ড ট্ৰাম্পৰ, স্বীকাৰ কৰিলে দোষ
শুল্কৰ বাবে ভাৰত-আমেৰিকাৰ সম্পৰ্ক তিক্ত হোৱাৰ বিষয়ে ট্ৰাম্পে উল্লেখ কৰাৰ সময়তে বৃহস্পতিবাৰে ভাৰতত থকা মাৰ্কিন ৰাষ্ট্ৰদূত চাৰ্জিও গোৰে কয়, ট্ৰাম্প প্ৰশাসনে ভাৰতে ৰাছিয়াৰ পৰিৱৰ্তে আমেৰিকাৰ পৰা খাৰুৱা তেল আৰু অন্য সামগ্ৰী ক্ৰয় কৰাটো বিচাৰে। লগতে তেওঁ কয় যে দুয়োখন দেশৰ মাজত বাণিজ্যিক চুক্তিৰ বিষয়ে আলোচনা চলি আছে।
শুল্কই লগালে লেঠা! এই শুল্কৰ ফলতেই বন্ধুত্বপূৰ্ণ সম্পৰ্কত কিছু ফাঁট মেলিছে ভাৰতৰ সৈতে আমেৰিকাৰ। মাৰ্কিন ৰাষ্ট্ৰপতি ড’নাল্ড ট্ৰাম্পে নিজেই স্বীকাৰ কৰে এই কথা ৷ তেওঁ কয়, ৰাছিয়াৰ পৰা তেল ক্ৰয় কৰাৰ বাবে ভাৰতৰ ওপৰত আৰোপ কৰা ৫০ শতাংশ শুল্কই দুয়োখন দেশৰ সম্পৰ্ক অধিক বেয়া কৰি তুলিছে।
ফক্স নিউজৰ সৈতে হোৱা এক সাক্ষাৎকাৰত আমেৰিকাৰ ৰাষ্ট্ৰপতি ড’নাল্ড ট্ৰাম্পে কয়, “চাওক, ভাৰত ৰাছিয়াৰ আটাইতকৈ ডাঙৰ গ্ৰাহক। মই ভাৰতৰ ওপৰত ৫০ শতাংশ শুল্ক আৰোপ কৰিছিলো, কাৰণ ভাৰতে ৰাছিয়াৰ পৰা তেল ক্ৰয় কৰিছিল। কিন্তু সেয়া সহজ নাছিল, কিন্তু মই কৰিলোঁ। আমাৰ এই সমস্যাতকৈ ইউৰোপৰ সমস্যা বেছি ডাঙৰ।”
শুল্কৰ বাবে ভাৰত-আমেৰিকাৰ সম্পৰ্ক তিক্ত হোৱাৰ বিষয়ে ট্ৰাম্পে উল্লেখ কৰাৰ সময়তে বৃহস্পতিবাৰে ভাৰতত থকা মাৰ্কিন ৰাষ্ট্ৰদূত চাৰ্জিও গোৰে কয়, ট্ৰাম্প প্ৰশাসনে ভাৰতে ৰাছিয়াৰ পৰিৱৰ্তে আমেৰিকাৰ পৰা খাৰুৱা তেল আৰু অন্য সামগ্ৰী ক্ৰয় কৰাটো বিচাৰে। লগতে তেওঁ কয় যে দুয়োখন দেশৰ মাজত বাণিজ্যিক চুক্তিৰ বিষয়ে আলোচনা চলি আছে।
সবিশেষৰ বাবে চাওক এই ভিডিঅ
