শ শ কোটি টকা আত্মসাতৰ অভিযোগ! TATAৰ বিৰুদ্ধে চিবিআইৰ অভিযান
Tata Under CBI Inquiry: তদন্তকাৰীৰ সূত্ৰ অনুসৰি বুধবাৰে এই প্ৰখ্যাত কোম্পানীটোৰ বিষয়াসকলৰ বিৰুদ্ধে এজাহাৰ দাখিল কৰা হয়। ইয়াৰ ভিত্তিতেই দিনজোৰা অনুসন্ধান অভিযান আৰম্ভ কৰে চিবিআইয়ে। তদন্তকাৰীয়ে দিল্লী আৰু চেন্নাইৰ মুঠ ৫টা স্থানত অভিযান চলায়।
টাটাকে ধৰি দেশৰ কেইবাটাও পৰিচিত গোটৰ বিৰুদ্ধে চিবিআইৰ অভিযান। এই কোম্পানীসমূহৰ বিষয়াসকলৰ বিৰুদ্ধে ৮০০ কোটি টকা আত্মসাৎ কৰাৰ অভিযোগ সন্দৰ্ভত ব্যৱস্থা গ্ৰহণ কৰিছে কেন্দ্ৰীয় তদন্তকাৰী সংস্থাই। জৱাহৰলাল নেহৰু বন্দৰ কৰ্তৃপক্ষৰ এগৰাকী প্ৰাক্তন বিষয়াৰ বিৰুদ্ধে উত্থাপন হৈছে এই গুৰুতৰ অভিযোগ । সেই ভিত্তিত টাটা গ্ৰুপৰ প্ৰজেক্ট ডাইৰেক্টৰৰ লগতে আন কোম্পানীৰ কেইবাজনো বিষয়াৰ নাম সংযোজন কৰা হৈছে।
কিহৰ অভিযোগ?
মুম্বাইৰ নাহাভা শ্বেভা বন্দৰত ড্ৰেজিং প্ৰকল্পক কেন্দ্ৰ কৰি টাটা কনছালটেন্সি ইঞ্জিনিয়াৰ্ছৰ কাৰ্যবাহী জৱাহৰলাল নেহৰু বন্দৰ কৰ্তৃপক্ষৰ মুখ্য অভিযন্তা আৰু আন কেইবাটাও ব্যক্তিগত কোম্পানীৰ বিৰুদ্ধে বিত্তীয় অনিয়মৰ অভিযোগ উত্থাপন হৈছে। তেওঁলোকৰ বিৰুদ্ধে ১২০বি (ষড়যন্ত্ৰ), ৪২০ (প্ৰবঞ্চনা) আৰু দুৰ্নীতি প্ৰতিৰোধ আইনৰ অধীনত মুঠ ৮০০ কোটি টকাৰ অভিযোগ উত্থাপন কৰি লিখিত অভিযোগ দাখিল কৰা হৈছে।
তদন্তকাৰীৰ সূত্ৰ অনুসৰি বুধবাৰে এই প্ৰখ্যাত কোম্পানীটোৰ বিষয়াসকলৰ বিৰুদ্ধে এজাহাৰ দাখিল কৰা হয়। ইয়াৰ ভিত্তিতেই দিনজোৰা অনুসন্ধান অভিযান আৰম্ভ কৰে চিবিআইয়ে। তদন্তকাৰীয়ে দিল্লী আৰু চেন্নাইৰ মুঠ ৫টা স্থানত অভিযান চলায়।
এজন তদন্তকাৰীয়ে সৰ্বভাৰতীয় সংবাদ মাধ্যম এনডিটিভিক জনোৱা মতে, এই তালাচী অভিযানৰ সময়ত বন্দৰটোত মূলধনী ড্ৰেজিঙৰ লগতে ডিজিটেল ডিভাইচ আৰু চৰকাৰী বিষয়াৰ বিনিয়োগৰ সৈতে জড়িত বহু তথ্য উদ্ধাৰ কৰা হৈছে।
কিন্তু এতিয়া প্ৰশ্ন উত্থাপন হৈছে যে এই অনিয়মৰ সৈতে কেনেকৈ জড়িত হ’ল ‘বিশ্বাস্য’ টাটা কোম্পানী? ২০১০ চনত টাটা গোটৰ টিচিইয়ে ড্ৰেজিং ছলিউচনছ নামৰ কোম্পানী এটাৰ সৈতে লগ লাগি কেপিটেল ড্ৰেজিং প্ৰজেক্টৰ অধীনত কেনেকৈ বন্দৰটোৰ ড্ৰেজিং বা খনন কৰিব লাগে সেই সম্পৰ্কে প্ৰতিবেদন দাখিল কৰে। তাৰ পিছত প্ৰকল্পটোত তেওঁলোকৰ নাম সংযোজন কৰা হ’ল। তেতিয়াৰ পৰাই তেওঁলোকে ড্ৰেজিং প্ৰকল্পৰ দুয়োটা পৰ্যায়তে পৰামৰ্শদাতা হিচাপে কাম কৰি আহিছে।
