আজি ৯ আগষ্ট, চাওঁ আহক দিনটোৰ ইতিহাস…

আজি ৯ আগষ্টৰ দিনটো বহু ঘটনা পৰিঘটনাৰ বাবে ইতিহাসৰ পাতত লিপিবদ্ধ হৈ আছে। আজিৰ দিনটোতে ভাৰত ত্যাগ আন্দোলনে ব্ৰিটিছৰ বিৰুদ্ধে সৰ্বাত্মক ৰূপ ধাৰণ কৰে। একেদৰে আজিৰ দিনটোতে জাপানৰ নাগাছাকিত পাৰমাণৱিক বোমা বিস্ফোৰণ হয়। তদুপৰি মালয়েছিয়াৰ পৰা ছিংগাপুৰ বিচ্ছিন্ন হোৱাকে ধৰি কেইবাটাও উল্লেখযোগ্য ঐতিহাসিক পৰিঘটনাৰ বাবে দিনটো ইতিহাসৰ পাতত লিপিবদ্ধ হৈ আছে। চাওঁ আহক দিনটোৰ ইতিহাস।

দিনটোৰ ইতিহাস

1. ১৯৪২ চনৰ ভাৰত ত্যাগ আন্দোলনৰ আজিৰ দিনটোতে ব্ৰিটিছ শাসনৰ বিৰুদ্ধে এক বৃহৎ নাগৰিক অবাধ্য অভিযান আৰম্ভ হয়।
2. ১৯৪৭ চনত মহাত্মা গান্ধীয়ে সাম্প্ৰদায়িক হিংসা সমাধানৰ বাবে কলিকতাত উপস্থিত হয়।
3. ১৯৪৫ চনৰ আজিৰ দিনটোতে দ্বিতীয় বিশ্বযুদ্ধৰ সময়ত আমেৰিকাই জাপানৰ নাগাছাকিত পৰমাণু বোমা নিক্ষেপ কৰিছিল।
4. ১৯৬৫ চনত ছিংগাপুৰ আনুষ্ঠানিকভাৱে মালয়েছিয়াৰ পৰা পৃথক হৈ স্বাধীন ৰাষ্ট্ৰ হিচাপে পৰিগণিত হয়।
5. ১৯৭৪ চনত ৰিচাৰ্ড নিক্সনে আমেৰিকাৰ ৰাষ্ট্ৰপতি পদৰ পৰা পদত্যাগ কৰে আৰু জেৰাল্ড ফৰ্ডে তেওঁৰ উত্তৰাধিকাৰী হিচাপে শপত গ্ৰহণ কৰে।